أنا أنا

بيانات اضافيه [ + ]

رقم العضوية : 44615  تاريخ التسجيل :  09 2013  أخر زيارة : 10-05-2015 (08:48 PM)  المشاركات : 9 [ + ]  التقييم :  10

لوني المفضل : Cadetblue

انخدعت!

يمكن الطاقة الايجابية اللي جتني و التفاؤل كان سببه انغماسي في الحديث و الفضفضة و حسيت اني ابعدت ثقل عني!
قلت خلاص انا بخير بس ناقص استخدم البروزاك !

من تركت النقاش هنا و انا رجعت اسوأ من اول!

رجعت لحركات اول
اروح الجامعة و ما احضر محاضرات
رجع اليأس و الخيبة و السخط
ماعدت اتحمل احد، افضل العزلة عن الناس

شسوي!!
يعني اكيد ان شاء الله بستخدم بروزاك
بس ترا احساس انك مخنوق ملتف حول رقبتك احبال من العايلة و من نفسك و من مستقبلك وشي قاتل!


اليومين هذي انا احس اني انخنق و اتحدر بشكل رهيب
حتى صلاتي صرت ااجلها
ماعاد لي خلق شي!

فكرة وحدة ذابحتني اكثر شي .. مسألة التأخير و ضياع السنين و احساس اني ضيعت الترم اللي فات و بضيع هذا!

ابي ادرس هالترم مابي اخسره!
عادي اتاخر بترم بس مو تصير ترمين!!

تعبت والله العظيم تعبت احس لو لي ذنوب بهالدنيا فهي مغفورة من كثر ما تألمت !!

قبل امس ارسلت للمسؤولة عن قسمي حالتي ، عشان تعطيني عذر للمواد اللي اجلتها
و عشان لو عندها نصيحة و تقدر تساعدني !


قاعدة احاول انتشل نفسي، استخدمت حبوب الساليباكس ، اطلعت ع النت ، حاولت اعدل تفكيري و اسلوبي ،
تواصلت معكم و راسلت المسؤولة!

استغرب حالتي باقية ع وضعها متجمد وضعي روتين قاتل
صرت اتمنى الموت عشان ارتاح لان مالي راحة بحياة فوق ما عانيت منها ما طلعت بنتيجة!