24-02-2014, 06:10 AM
|
#1
|
|
عضو فعال
|
بيانات اضافيه [
+
]
|
|
رقم العضوية : 40743
|
|
تاريخ التسجيل : 10 2012
|
|
أخر زيارة : 05-04-2014 (06:44 PM)
|
|
المشاركات :
41 [
+
] |
|
التقييم : 10
|
|
|
لوني المفضل : Cadetblue
|
|
قصة شفائي ، سبحان الله
السلام عليكم ورحمة الله وبركاته
قصتي غريبه مجنونة ! محد يصدقها
تخيلو تخيلو 3 سنوات عايش اني مريض بسرطان المعده ، وامنع نفسي اروح المستشفى
عشان مايقولون عندك سرطان واعيش مكتئب!
على اساس اني عايش حياتي فلة الحين ماني مكتئب ! يخرب بيت الوسواس ههههههههه
ويوم عن يوم يزيد عندي الالم وصل الالم لدرجة لاتطاق واقول خلاص بروح المستشفى بروح
وباخر لحظة ابطل ماروح !
المهم واخيرا توكلت على الله وقررت اروح والي يصير يصير
قصة المستشفى هاذي غير! دخلت بدقات قلب فظيعه ورعشه غريبه لدرجة اني اتكلم مع الدكتوره وشفايفي ترجف!
الدكتوره حست بتوتري وخلتني امد يدي لاجل تشوف رعشة يدي
قالت لي روح سوي التحاليل وكان منها اشعة للبطن وتحاليل ثانية
بعد ماسويتها وصارت التحاليل عندها خشيت عليها وهنا بدأت القصة!!
ناظرت فيها بكسرة خاطر واخذت وضعية حياة الفهد وقلت لها
دكتوره !! فيني ورم!! < وشوي وابكي ههههههههههه
ناظرت فيني وضحكت وقالت ورم اي يبني كل شئ سليم انت عندك بس جرثومة معده جاتك بسبب التوتر!
بغيت اقول لها احلفي ههههههههه
تخيلو انتو للي ابي اوصله لكم
لمن قالت لي كذا وطلعت من المستشفى ماعاد حسيت بالم ! وربي اتكلم جد ماعاد حسيت باي الم
الالم الي كان مقطع بطني اختفى
اختفى بدون ما اخذ اي علاج والله
اختفى بس لانها قالت لي انت سليم !
تغيرت نفسيتي 180 درجة ولله الحمد راح عني وسواس الموت و وسواس السرطان وكل الوسواس
صرت اضحك وانكت وماني متوتر ولله الحمد والمنه
شفتو قصة شفائي كيف؟ كانت فقط بكلمتين ! انت سليم !
وهذا الي لازم يصير معكم اذا سمعتو كلمة انت سليم احمد الله على العافية ولاتفكر باي شئ ثاني
عيش حياتك واشغل نفسك واهم شئ لاتفكر انك تلجأ الى الله بس وقت الضيق
والله العظيم اني صرت اذكر الله وادعيه وانا معافى اكثر من ايام ضيقي وكربتي
لان الشعور لمن اذكر الله وانا بعافيتي مررريح جدا جدا جدا
وايضا يخليني ماستحي اطلب شئ من الله في وقت ضيقتي
الوسواس ماراح يقضي عليه دكتور ولا علاج الوسواس بيد الله سبحانه ثم بيدك انت
اذا اقتنعت ان مافيك شئ ماراح يكون فيك شئ
وانتهى.
اسأل الله العظيم ان يشفيكم ويشفي كل مريض
واذا فيه اخطاء املائية مشوها اكتب من الايباد :)
|
|
|
|