------
نكمـــل الله يسعدلي قلوبكم ..
--------
نرجع شوي لوقت ماانتصفت بعلاجي بالرقية فيه أحداث صارت قبل الشفاء الكلي تخص علاجي النفسي .. نكمل .,
كان كل اللي يدور ببالي من أصحى لحد ماأنام
هو شي واحد ومهم ومصيري ( علاجي وأدويتي النفسية ) .. يالله وش أسوي وش الحل وتفكيررري مشغول لأني أبغى أوقفها أحس نفسيتي ترممت شوي
واهم شي الحزن العميق والقوي خف بنسبة 50% 100 وهذي نسبة تخليني أطير من الفرحة اني وصلت لها واما باقي الاعراض زي التركيز
والضيقة والعزلة صارلي كم سنة باادويتي وماشفت أي تغيير فيهم قلت خلاص اللاج عطى مفعولة باعراض ثانية الباقي حلها بالرقية أكيد
وهذا اللي زاد اصراري بتوقيف الادوية ..
قلت بنفسي خلاص بالمراجعة الجايه لارحت لدكتورتي دعد بكلمها تشوفلي حل وفعلا أخذت موعد وسافرت للرياض ودخلت ع الدكتورة وكنت مجهزة كلام بقوووله لها
قلت شوفي يادكتورة أنا صار لي بحدود سنتين وبطبق السنة الثالثة وأنا ملتزمة بالعلاج حرفياً وزي ماتقولين لي ولايوم تركته .. واللحين أحس بتحسن وأني صرت مرتاحة نفسيا الحمدلله
قالت ايوا ويعني ؟! قلت يعني أبغاك تدرجين لي الادوية لحد ماأوقفها خلاص لاني صرت طيبة الحمدلله .. حسيت كلامي مااقنعها واني بتهرب من العلاج , بس هي مو فاهمة السالفة ولا تدري ان الاصل مرض روحي وأنا ماقلت لها ولافكرت حتى .. بدت تتكلم وتقول احنا نبغي نكمل وأرتبلك الادوية وكلام علمي مافهمته بالضبط .. بس اللي عرفته انها تبغى تخليني أكمل أدوية الى متى طيب !! مااقتنعت وهالمره اتبعت قراري ولا اشوفه بمصلحتي .
وأصريت انها تعلمني الجرعات وكيف أدرجها شوي شوي لحد ماأوقف خلاص .. قالت خلاص بس زي اذا تعبتي بعد ماتوقفين تتحملين مسؤؤلية قرارك قلت ان شاء الله أنا أتحمل وماراح يصير شي باذن ربي .. واعطتني الطريقة
لكل الادوية سمبالتا ولاميكتال وسبيراليكس وكيف ادرجها لحد ماوقفتها بعد مدة طويلة .. تعرفون ان تدريج أي علاج يبغاله وقت .. صبرت ودرجته ووقفته والحمدلله .. تقريبا خلصت منهم ووقفتهم بوقت ماكنت منتصفة بعلاجي بالرقية
هي طيبة وماقصرت بس خلاص علاج مابي أكمل والله لو اني أشوف نفسي منتهية زي أول كان أخذته ولافكرت أتركه بس والله أحس نفسيتي صارت أهدئ صح ماوصلت للراحة اللي ابيها بس صار تحسن .. وهذا بعد ذاته شي حلو
وزي ماقلت لكم وقفت أدويتي الثلاثة وكملت علاجي بالرقية لحد ماكتب ربي لي الشفاء من عنده سبحانه وبعد خروج المادة السوداء اللي ذكرتها قبل .. صار تغيييرات جميلة وأبهرتني ماشاء الله ..
أحس اني صرت شخص ثاني شخص كلي طاقة لقيييييييييييييييييييييييييييييت الرااااااااااااااحة النفسية اللي اتمناها وأدورها لقيتها بعد الشفاء من المس والحسد الحمممدلله أحس اني صدق صدق مرتاحة ماشاء الله
والاهم صرت أتعرف على أهلي اللي عايشة معهم هههههه قسم بالله قبل ماعرفهم وكأني ضيفة عندهم علاقتي سطحية معهم مره مره ومااحب الكلام ودايم صامتة وحزينة ومتقوقعة على نفسي ودوامة كلها ألغاز وحلها ربي الحمدلله
ترا أنا كنت حالة فظيعة قبل أبدا علاج بالرقية شوفو قلت الرقية !! لأن النفسي خففلي اعراض داخلية انا احسها بس زي الحزن زي التوتر والقلق زي الفرحة اشياء المسها بداخلي انا بس محد يحسها غيري
مو زي علاجي بالرقية غيرني مررره مررره واشياء صرت أسويها تبين اني فعلا تغيرت زي الناس اختلط معهم زي الكلام اتكلم واضحك واسولف زي النوم صار وقته معقول زي ملامحي تغيرت ووجهي راح عنه الشحوب والسواد
صاار صافي ومبين فيه الراحة ماشاء الله وهذا قصدي من ان الرقية غيرتني فعلا .. اما الادوية النفسية ماغيرتني مرره وتغييير يثير الاستغراب ويوضح للكل اني صرت شخص مختلف ابدا ابدا .. هي زي اللي انقذني من موت بطئ
كان لها فضل بعد ربي بس مو زي تأثير الرقية والبرامج العلاجية اللي نفذتها وتخص الرقية .. وهذا تأكيد على أن الأصل اللي هو المس والحسد كان الأقوى والمسيطر ومستولي على عقلي ونفسيتي وكل شي ..
وهو بدوره أنتج لي اكتئاب وقلق وخوف وتوتر لأن المرض الروحي يدمر أم أم النفسية يخلي الشخص منهااااااااااااااااااار حززززززززين مهمووووم قلقااااان متوووتررر واعراض نفسية الى مالا نهاية ..
(( بوصلكم نقطة أي مريض روحي هو مريض نفسي على حسب درجة وشدة مرضه الروحي اللي هو الأصل .. زيي أنا مثلا كنت مكتئبة ووصلت أشد مراحل الاكتئاب ليش !! لأن المس والحسد مع اهمال السنين تراكم واستقوى وسيطر علي )) ولكن لكل قاعدة شواذ .. مو كل مريض نفسي هو مريض روحي .. لا ماننكر المرض النفسي وانه فيه ناس مرضهم النفسي بحت ومافيهم مرض روحي
ككل وسيطر على شخصيتي وغيرني كلياً وتصرفاتي كنت مااقدر اتحكم فيها ابدا أحس فيه قوة بداخلي تحركني باي شي يعني يصير شي تافة أعصب بقوة وأقلب الدنيا ففوق تحت مو أنا !! هذا العارض يشتت ويخلي تصرفاتك غريبة عجيبة
فكان مشتد علي مرره وهو اللي انتجلي اكتئاب قوي وشديد .... الحمدلله على كل حال