نفساني - عرض مشاركة واحدة

15-03-2014, 10:00 PM

مثل ماهو مكتوب في الموضوع انا ولله الحمد خفت عني نوبات الاكتئاب الكبرى وشفيت بنسبة 70-90 % من اعراض الاكتئاب واحيانا اتحسن بنسبة 100% طبعا بدون استخدام علاجات حاليا امشي على حميات غذائية واستخدم احيانا بعض الاعشاب ولكن..

لا استطيع تحمل الضغط النفسي يعني اذا تعرضت لمشكلة عائلية خاصة او اي مشكلة ثانية تجيني انتكاسة يعني ماعاد اقدر اتحمل الضغوط مثل اول وتستمر معي الانتكاسة احيانا اسبوع كامل وتروح عني...

والشي الثاني اني اصبح نومي قليل جدا ومتقطع لدرجة اني مالي وقت محدد للنوم كل يوم انام في وقت واذا نمت مستحيل اتعدى 5 ساعات متواصلة في النوم هذا في افضل الحالات وهذا سببلي مشاكل كثيرة لدرجة اني ماعاد اقدر اشتغل واتوظف وانفصلت مرتين من عملي بسبب هذي الحالة!!
ولا يجي الحين واحد يقلي ارهق نفسك في الصباح وسوي رياضة ولا تشرب منبهات لاني اصلا ما اشرب لا شاهي ولا قهوة وسويت كل اللي قالولي عليه من كد ورياضه وتعب وحاولت اعود نفسي على وقت معين انام فيه ولكن بدون فائدة وفوق كذا مايجيني النوم

وتصوروا انا يوم احط راسي على الفراش اصلا مافيني نعاس بس انسدح واتقلب الين مايجي النوم فجأة يعني انام بدون ما ادري عن نفسي وبدون ما احس بالنعاس

فهل تنصحوني ارجع استخدم العلاج النفسي؟؟
وهل فيه علاج يساعد على النوم بدون احداث تعود او اطالة
لاني سمعت ان علاج الكلوزابين اذا استخدمت جرعة 100 مج يخليك تنام وفوق كذا مايسبب اطالة يعني بعد فترة يخف مفعوله يعني لو استخدمتته مثلا مدة طويلة مايحتاج ازود الجرعة بعد مدة
مع العلم كنت استخدم الزيبريكسا وكان تاثيره علي عادي جدا ولا يجيبلي نوم ولا شي

المصدر: نفساني