المشاركة الأصلية كتبت بواسطة رنا الاحمدي

ياعمري يالحظه تفائل والله انا كمان احس شخصيتك قريبه من شخصيتي والله انا وقتها كان الكل ضدي انو مالقيتي الا اجنبي وايش ناقصك ومن هالكلام اللي كان يجرحني بس كدا عنااااد فيهم قلت باخده والله الكل تخلى عني وتركني وكل ما اقولهم عالمشاكل يقولو هدا اختيارك واتحملي اللي يجيكي كانو الاجنبي مرض خطير او حرام ،،، بس انا بقصد بالكلام اللي قلته من قبل انو لا تتأملي كتير وبعدين تنصدمي لاسمح الله بالنتيجه. والمقصود انه خليكي مستعده نفسيا وجسديا للرفض عشان لو صار الرفض لاسمح الله مايصير فيكي شي زي اللي صار معايا ،، ولو انقبلت ان شاءالله تفرحي ،، يعني حطي ببالك اسوء الاحتمالات عشان بس تعدي المرحله لو لاسمح الله اترفضت من اللي مايخافون ربنا.،،،، والله ماكان قصدي احبط احد او اكسر خواطركم زي مافهمتو وفهمو بعض البنات ربنا يعلم انو بس صرت حساسه واخاف على كل بنت تمر بتجربتي. ،،،
انا ليا صاحبه كمان اخدت اجنبي بس كان من البدايه معاملتهم ماشيه ومافي اي مشاكل واقصد التحليل كان سلييييم وماشاء الله عليها مشيت وتم الزواج ،،

وانا عارفه انو الحياة مابتتوقف على شخص هو مجرد نصيب وقدر ..
شوفي انتي قلتي بنفسك انو راح تتعقدي وانا هدا اللي اقصده من كلامي انو مابغى احد يتعقد كل الحكايه انو ابغاكم تتهيئو نفسيا وتستعدو للاسوء

اتمنى فهمتوني بنات والله يخليكم لاتزعلو مني