|
حبيباتي..douhaجروح تبتسم.سموري.رغوده.ميرلاميندوزا. وكل الأعضاء
بسم الله الرحمن الرحيم
أنا تعبت وأنا أوصف شقد أنا حزينه ....
والله يعلم أني حبيتكم مثل خواتي وأكثر....
أنا نفسيتي جدا تعبانه...
من المعروف ان الواحد لما يكون حزين يصيح لكن أنا حتى الدموعي تعبت ومافيها تنزل....
الي صار أني تعلمت أدخل النت علشان بس أرتاح وفضفض عن الي في قلبي وحس أن في ناس تسمع لي ..... مع أن النت من زمان في البيت بس ماحبيت أتعلمه الا من كثر ما أنا محتاجه ناس تسمعني وترجع الثقه لي....
تصدقون أني لما أدخل النت وأنا ما أدخل الا علشان منتدى نفساني....
دايم أخلي الباب مفتوح علشان الكل يشوف أنا على ويش أقعد في النت وأني ماأدخل مواقع مشبوهه...
لكن اليوم وأنا قاعده على النت ناداني أبوي وقعد يسويلي محاضره أن الواحد لازم ينتبه ومايدخل أي مكان ويصير حذر...
طبعا أنا حسيت بصاعقه وقتله يبا أنا حتى المسنجر ماأدخل ولا أكلم أحد غير الي في المنتدى...
قال أنا بس أحذرش حتى لو بس تدخلين المنتدى...
حسيت العبره خانقتني وقلت في خاطري معقوله أبوي مايوثق فيني؟؟
وبصراحه أنا أفكر ما أقعد على النت ولا أدخل المنتدى مره ثانيه لأني ماتحمل أي كلام يتوجه لي.....
وأنا الحين أنتهزت خروجهم بره البيت ودخلت على شان أشوف رايكم ...
وراح أحاول أدخل وأشوف ردودكم في أي فرصه مناسبه....
لاتتأخروا في الرد ترى أنا مره نفسيتي تعبانه....
|