نفساني - عرض مشاركة واحدة

27-02-2004, 11:05 PM

السلام عليكم و رحمة الله و بركاته

اخواني أخواتي ... شلونكم .... اشتقت لكم كثير .... صار لي يومين ما شفتكم

لكني معذورة ...

الحمد لله .. مشكلتي انحلت مع امي

ذاك اليوم كنت داخلة عليكم ... و كنت أرتب داري في نفس الوقت

وطلعت من غرفتي و خليت باب داري مفتوح .... رحت و رجعت و شفت

أمي قاعد تقرا مواضيعي و خاصة إللي كاتبتهم عن الملسونة اختي

وبعد ما خلصت أمي من القراية ... التفتت علي , و فجأة احضنتني

حيل , حسيت بشي غريب , هذا ما يسمونة حنان الأم

رفعت راسي و شف امي قاعد تبكي , قالت لي ليش كذا يما ليش ؟

قلت لها : أبغا حد يسمعني , و انتي معطيتني طاف , و كم مرة أقول

لك عن الملسونة اختي و انتي مثل ما يقولون أطرش بالزفة

قالت لي : اعترف لك أنا غلطانة , لكن ليش تعرضين مشاكلك على النت ؟

قلت لها : ذولي يعنون لي أشياء كثيرة أكثر مما تتصورين , هذولي هم أهلي

أعترف لهم بكل شي من غير حدود , هذولي اخواني و خواتي إللي ما شفت

لهم أي صورة تنعكس منهم عندي في هالبيت

................................ الخ ,,,...... طبعا بعد محاضرة طويلة عريضة

قالت لي : لبسي ... بنطلع
قلت لها : إذا مع الحنّة( اختي الملسونة ) ما أبي
قالت لي : لا بس أنا و انتي

طلعت وياها بروحنا ... ودتني السوق ... قالت لي : اخذي إللي تبين
لا تخلين في بالك شي

و بعدها ... ودتني البحر ............ أخييييييييييييييييرررررررررررررررا
شفت البحر

و بعدها ... خلتني لأول مرة في حياتي أركب حصان , لا وبعد عربي

إللي كان أبوي إللي هو أبوي إللي ما يرد لي طلب ... ما ركبني حصان
على أساس انه مو زين

و كانت لي أحلى طلعة في حياتي ... سويت فيها إللي أبيه

و بعدها الأحلى ..... رجعنا البيت , وزفت الملسونة إختي ... وطلعت
حرتي فيها ... وقالت لها : إياني و ياك تطولين السانك على اختك الكبيرة

.... آآآآآآآآآآآآه يا إن هالكلمة كنت أحلم إني أسمعها

لكن عاد اشدعوة بين فيها ... انطرت امي تطلع , وقامت تشدخ و تشيل فيني
من الصراخ ...

لكن ما عليه .... المهم امي افهمتني .... و عرفت قدري عندهم

... و الله يعطيكم العافية على هذا
المنتدى إللي حل لي هذي المشكلة

الله لا يحرمنا من ضحكتكم الحلوة

......

المصدر: نفساني