خديجةةة

بيانات اضافيه [ + ]

رقم العضوية : 46703  تاريخ التسجيل :  04 2014  أخر زيارة : 31-10-2020 (06:26 PM)  المشاركات : 227 [ + ]  التقييم :  10

لوني المفضل : Cadetblue

ساعدوني ):

السلام عليكم

انا حالتي حاله مدري وش صابني فجاه كذا قبل شهر و ثلاث اسابيع جاتني نوبة هلع وقلت خلاص بس بموت ومن بعدها وانا تفكيري 24 اني راح اموت وصابني اكتئاب شديد وقلق لدرجة اني خسرت 4 كيلو صرت ما اكل و لاشي وبس اغيب من الجامعه واتحاشى اشوف اي حد لان في عقلي شي يقول اذا قابلتي حد راح تموتين اذا قلتي كذا راح تموتين والله حتى وانا اكتب الحين يوسوس لي لا تكتبين اذا كتبتي بتموتين .

قبل اسبوع تقريبا وكم يوم رحت لطبيب نفسي وقلتله وضعي ووصف لي علاج سيبرالكس و الحمد لله الاكتئاب خف ونوبات الهلع بعد بس التفكير في الموت ابد ما خف ملازمني لدرجة ان بكرة عندي امتحان مو قادرة اذاكر ابد , واحس ان الوسواس انقلب لاحساس مرة كاني متاكدة اني بموت وهو من متى معاي , احاول اقنع نفسي انه وسواس اقتنع شوي واضحك و اتكلم ثم يرجع كانه يقول انا مو وسواس انا شي حقيقي انتي راح تموتين . واتخيل شكل القبر و الكفن شي مرعب تعبت .
حللت فيتامين د طلع ناقص مرة 8.1 نتيجتي وصرت اخذ جرعات . وكمان قبل شهور تعبت و طلع معاي قولون عصبي .

انا لمن كنت طفلة تعرضت لصدمات كثير منها لمن كنت 13 صديقتي توفت وصابني بعدها اكتئاب شديد ووسواس موت و نظافه وصلاه وطول جدا بس مو متذكرة كيف راح . كمان طفولتي كانت جدا سيئه تعرضت لتنمر و ضرب و تخويف حتى من اهلي وكمان تعرضت لتحرش .

والله قبل هالحاله كنت شخص طموح جدا بس الحين احس كل طموحاتي مالها داعي دائم اقول اني راح اموت ليش اتعب هنفسي وادرس ابد مو انا الي اقول كذا .
ماحد يدري ابد حتى الدكتور النفسي رحتله لوحدي . وانا شخص كتوم وعصبي جدا من كلمة افور .
ياليت تساعدوني والله حالتي مزريه جدا ابي ارجع زي قبل اضحك و اطمح .

المصدر: نفساني