نفساني - عرض مشاركة واحدة

07-04-2014, 08:44 AM

السلام عليكم

إنا أكتب لكم من فتره لفتره بس لحد الحين ما لقيت مساعده .. تركت دراستي هالسنه والايام مرت مثل اسرع من البرق وراح تجي السنه الجديده وانا مالقيت حل
كل ما فكرت بالمدرسه يجيني انهيار
أيش ذنبي ما جيت مثل كل البنات أيش ذنبي أجرب كل أنواع الإهانات والسخريه أيش ذنبي أمشي بالمدرسه لوحدي كاني معاي مرض معدي ؟
تركت الدراسه واحس مستحيل أقدر أرجع لها بعد كل الأيام والسنوات اللي عشتها وشفت إشد السخريه لدرجة أني شوي و أبكي قدامهم
أبي أفهم ليش ربي يسوي فيني كذا أنا أحس أن ربي يكرهني طيب ليه
أنا ادعي وادعي وكان فيني أمل كبير بس ما تحقق شيء
أنا ادعي أن ربي يعوضني بالجنه وان هالمرض المزمن راح يكفر ذنوبي بس يا هل ترى معاي حق
عندي أهل ما يساعدوني في شيء أبدا ما يسمحون لي أخذ أدويه .. ولا يسمحون يأخذوني إلى طبيب نفسي لما اجيب الموضوع بعد تردد وجهد آخر شيء يحاولون يغيرون الموضوع أو يقولون طيب بس كذا تسليكه
حتى أمي معاملتها معاي أسوأ معامله مادري وش سويت لها لدرجة أنها تمدح بنت خالتي في لحظة ضعفي وتقول ما شاء الله عليها يعني اجتماعيه وكذا .. أيش أسوي إذا ربي ابتلاني بهالشي اللي عجزت القى له حل
الله يلعن المدرسه ويلعن أيامهاا ولا مره حسيت بالسعاده فيها ولا مره ضحكت فيها ولا مره صار لي صديقات ولما أشوف وحده تشبه شخصيتي اكرررررررها وودي اقتلها لأنها أحس أنها أنا
و الله لا يوفق كل من استهزأ فيني وضايقني بس لأني ما أقدر أخذ حقي أو أرد قدامهم ليش أنا كذا ليش ينربط لساني عندهم
تصدقون أتمنى تقوم القيامه قبل تبدأ السنه الجايه
مادري أيش أسوي مادري لمين أقول أفف مليت من هالحياه ما أقدر أتركها لأن الناس بيطفشوني بالاسئله وانا ما أبي أترك الدراسه
حتى ما أقدر انتحر لأنه حرام وش هالتعذيب غصب أعيش هالحياه
إخاف يجي يوم وانتحر من دون تفكير إخاف خاتمتي بهذا الشكل :'(
ودي أعرف كل اللي تكلمو واتريقو بأخذ حسانتهم ؟ دام كذا كل الناس أعطتني حسنات
كيف راح أكمل دراستي وانا كذا ؟
أدري مافي حل بس في قلبي كلام كثير وماعندي أحد أقول له .. انتم أكيد بتحسون بمعاناتي
أتمنى أنكم تدعولي

المصدر: نفساني