المشاركة الأصلية كتبت بواسطة منديلة

السلام عليكم
أنا عضوة جديدة بختصر مشكلتي بأني أصبحت قاطعة رحم لا أزرور أقاربي من الدرجة الاولى ولا ادعوهم لزيارتي وقاطعت أغلب الناس بسبب الرهاب ،عدم الثقة بالنفس،قلة الكلام يعني لما أروح لاحد او اجلس مع احد ماعندي شي أقوله ولو قلت سالفة مااستمتع احس اللي قدامي يقول متى تخلص هذي فاختصرها واخربها وتصير سخيفة فسبب هالشي قررت أعتزل الناس وأريح مخي ونفسيتي لكن فيه أقارب مثل الخالات والعمات صعبة نقطعهم والله اني بهم كبير كيف أتخطى مشكلتي واصير عادية وراعية قرق وضحك وسعة صدر والله اني اجيب الكآبة انا وسواليفي يارب دايم أتأمل الحريم بالاجتماعات أقول ماشاء الله منين تطلع كل هالسواليف مايسكتن بس سالفة ورا سالفة وهكذا الا أنا
غير عدم الثقة عندي وغير الرهاب يعني لما وحدة بأخر المجلس تسألني سؤال وكل الأنظار تتجه لي أتمنى الأرض تنشق وتبلعني وارد اجابات سريعة وقصيرة عشان افتك واصعب شي ادخل لمكان فيه ناس اعرفهم لحالي هم وبصعوبة ادخل وبصعوبة تطلع الكلمة واحيانا اتلعثم وتبدا الحروف والكلمات تناقز من افمي بدون ترتيب وملخبطة وحوسة عظيمة مالحل من مثلي وتغلب على مشكلته أنجدووووني وساعدوني