بلقيس .... بلقيـــس ....

يبه لا تبكيني!

لا تخذليني


تعالي

أضمك بين يديني والا عب يدينك

تعالي

شوفي "قيس" وشلون متلهف عليك

وأمك الغاليه تقطع حشاها عليك ...



يبه "بلقيس" وش هالحلى بعيونك؟
وش ها النظره ..غريبه نظرتك بلقيس


نظرة ملاك طاااااير ..ويبي يطير

نظرة طير طموحه شموخ ما تملى عينه أرض
وما يملى تراب الارض أحاسيسه
ولا تهفهف جناحه إلا في العالي


يبه بلقيس وش ها البسمه تكفين
خليها شوي بملى قليبي منها شوي

بخزنها في حنايا الروح شوي

يبه"بلقيس" يا طير من طيور الجنه

خذاك أللي عطاني إيـــاك

خذاك اللي رحمته توسع كل شي...

يبه لنا ميعاد ويـــاك

يوم الخلد إن شاء الله لقياك




يبه نامي و"قري عينا"


الغاليه وأخوك لو يزعلون اليوم

إيمانهم باللي خلقك يدووووم.....


كنتِ عطيه من الرحمن


ورحتِ عطيه من الرحمن

أللهم إنزع محبتها من قلب والديها وأرزقهم بخير مما أخذت منهم وعوض صبر الصابرين ثماراً صالحه في الدنيا والآخره