طلال الناصر

بيانات اضافيه [ + ]

رقم العضوية : 3659  تاريخ التسجيل :  03 2003  أخر زيارة : 10-09-2011 (11:57 PM)  المشاركات : 327 [ + ]  التقييم :  10

لوني المفضل : Cadetblue

الحمدلله والصلاة والسلام على رسول الله وعلى آله وصحبه أجمعين
** اخوتي واخواني اعضاء المنتدى ...بعد التحليل والطرق العلاجيه الاسريه مع كلا الزوجين ...وتقديم الخطوات العلاجيه والمهارات الناقصة لديهم واكتشاف الاخطاء ... التي لا اخوض فيها لان لها تعقيد خاص اكاديمي ...اتضح من التشخيص ان الزوج عليه نسبة كبيرة من الخطأ ...فكانت هذه الكلمات التوجيهيه قبل ان يغادر مكتبي ....
اسمع يازوجها ...( هذا ابو مطب تذكرتوه !! )
اذكر الله وصل على النبي
واللي عايش بمشكلة يبي حل ...
انتم ضحية ظروف ...زوجيه ...
واللي يحب الحياه يبي الحل ..!!
...قولوا معي آمين ...
يكفيكم شر حاسد اذا حسد ...
هذي مشكلتكم بسيطه ...
مافيها ....خيانه ...او طبع فاسد ...
زوجتك تحبك كثير ...وشفت في الشكوى الغلا لك كثير ...
الدليل انها تحبك جات تشكي لي ..!!!
والدليل انك تغليها قمت تشكيها....
كان اصلا شيء بينكم اهمل ....
ترى هذي الحياة بدون زوجتك ...
مالها طعم ...
قولي بالله ....
في الشرع ...لو قدر الله وبلحظه
توفيت من يورث مالك ...
و زوجتك لو توفت من يورثها ...
تذكر مره قلت لي ....
هي اللي تعطيك الدواء ...
وتشيل همك ...وتسمع الشكوى ...
ابيك تحكم عقلك ...
وتوزن الامور ...ماتآخذها على علاتها
ترى ...في حياتك ..
ورد وزهور ...
ما تشوفه ...
ساعد زوجتك بالعيال ....
لا تعاند ...وتطاوع الشيطان
و تقول سامحتها كثير ...
هذي زوجتك شريكة عمر ودرب
ام عيالك ...
وقبل كذا هي حياتك ....وكل صادق حب
طيب ممكن بدون زعل .. ...
تذكر يوم قلت لي فكرت فيها ...
ووين قضيت شهر العسل ...
وشعورك يوم قالوا لك
مبروك ...جاك ولد ...سميته
عبدالصمد ...ودمعتك في عيونك ....
وقلت حبيتها ....في وقتها نسيت العالم ...
بس بعيونك تبي تشوفها ...وتطمن عليها .... ......
يآخي في هالدنيا ....
لا تنظر بعين وحده ....والا تفكير اناني ظالم ... ...
بين الزوجين لازم التفاهم ....
شوف اللي زين فيها ...واذكره
وتغاضى عن الشين فيها ....
ترى ابن آدم ...
مايشوف عيوبه ...
وانت لها ستر وغطا ...
وقلب نسيته لا بد ينساك ...
وترى الاساس .....صدق الاحساس
تبي الصدق زوجتك
هي لك غطا وستر ...
صدقني أخي العزيز اوصيك بالصبر ..
والا ليش الودود الخبير في كتابه ينصحنا بالصبر ...
ترى هذي الدنيا مخلوقه على كدر
تخيل معي بدون ونيسك الحياه ..كيف تمر ...
هذي سنه ...ويازين الحياه مع شريك العمر ....
وياحلوها قبل مرها لا لقيت انك ...
ماأنت بوحيد .....
وفيه من يسأل عليك ...
ويشيل همك ويطمن عليك ....

الحل ...في المنطق والعقل ....
وتذكر الماضي ....ولا تقع في خطآهـ ....
انسى الاهمال ...وابتدي بأمل ...هذي الحياة ما تعيشها الف مره
..وانت اللي بديت ...
وتذكر ....
...اللي يقول ....اللي نساك انساه ...
جدد حياتك وسافر ...
انتبه زوجتك وجهك لا تمله ....
وعارف صديقك اللي خرب عليك ...
وقال لك ...الرجل اللي قوي ...
هو اللي تخاف زوجته من ظله
ترى هذا خطاك ...ما يفيدك ... ...
وبعد الدخان لازم تبطله ...
واحذر نصيحة الجاهل اللي قال لك ...
أغلبها بالمال تغلبك بالعيال...
بصراحه تحتاج الى مهارات ....
اذا دخلت بيتك قول السلام ....
ترى للعيون والابتسامه اثر ...
بين الزوج وزوجته ...
وتوحي بعد بالاحترام ...
تبغى اضرب لك مثل ...
وافهمها على الطاير ...
عنتره عند اللقاء ليث فتون ....
واذا لقى ...عبله يشابه للرخوم ...
ومن خصايص ما شكيت ....
احرص على هالثلاثه...
والا تنتهي للجنون ....
غير الجو ...وجدد ...وقدم الهديه ..
وأبدأ بنفسك ...أولوياتك ..احرص عليها ...

** دمتم برعاية الله ( في لقاء عن مشكلة زوجيه اخرى وخاطره شعريه اجتماعية هادفه تناقش قضية مهمه عن الحياة الاسريه )