نفساني - عرض مشاركة واحدة

06-05-2014, 08:47 PM

اهلين فيكم أتمنى تكونون بخير

من زمان مافضفضت هنا لكم يشهد الله اني أحبكم وارتاح هنا

احس واصله معي وجيتو ببالي ويارب ألقى حل عندكم

بعضكم يعرفني من قصتي اللي نزلتها قبل شهر او اكثر تقريبا

باختصار انا مرضت بالاكتئاب 7 سنوات وبعدها أكرمني ربي بالشفاء الحمدلله ادعولي الله يتمم

ماكان فيني اكتئاب بس كان معه قلق ووسواس الموت واختلال الانيه بس فترات وراحت الحمدلله

وايضاً كان معي مس شيطاني وحسد يعني اعراض كثيره الحمدلله على كل حال

الزبده انا من تعافيت وانا مدري كيف ابدا حياتي ؟! احيانا افكر من انا ووش السالفة كذا كاني كنت نايمة بعدين صحيت لقيت نفسي كبيرة شكلا وتفكير لان تعبي جاء بطفولتي ومراهقتي

صدق والله احس اني تايهة الحمدلله مافي اعراض وصرت أخالط الناس بس من داخلي احس اني مهزوزه ثقتي ضعيفة تركيزي مب مره

احسسسسس اني داخل دوامة من الأفكار اللي مالها إجابات والله مدري وش الحل

انا متفائلة ببكرا وان وضعي بيتغير بس احس محتاجة لشي اسويه عشان اتغير صدق

حاسه اني احتاج لترميم داخلي لاتضحكون من هالكلمة بس جد احس اني محتاره من جوا

قالو لي تحتاجين استرخاء وانه حلو مع الطيور رحت جبت طيور كل يوم أحطهن جنبي اتفرج بس مدري كيف الطيور تكون حل مااقتنعت وآمل منهم صراحة

سمعت ان اللي امر فيه مرحلة اسمها انتقالية يعني من وضع لوضع غير مره وأني بتعب من هالتغيير لاني ماتعودت

اقولكم وضعي كيف كنت ! كنت وحيدة انطوائية كل وقتي ساكتة ومكتئبة وبس ابكي وماابغى الناس ًتفكيري سلبي عصبية

مااروح مناسبات او مكان فيه بشر كنت بالدوام لحالي اروح اطلع محد درى عني تصادق عالم من بكرا اتهرب منهم

شفتو امي ؟! من سنتين بس تعرفت عليها والله العظيم اني ما اكذب او أبالغ كنت مره شرسه وأكره احد يكلمني فكانت امي تقولي مااقدر آمون عليك او اخذ وأعطي معك ماتعطين فرصه ولا مجال لي ولا لغيري
وهي صادقة والله كنت كذا

بس اللحين انا تغيرت يعني الاعراض راحت بفضل ربي وحده وابشركم تعرفت على امي طلعت تحبني وتسولف معي

تعرفت على اخواني بالبيت صرت اختلط بالناس واصادق بنات واكلمهم عادي

الحمدلله انا ممتنه لربي على نعمته علي يارب تديمها ياكريم

مثل ماقلت اول كلامي انا اجهلني جاري التعرف على شخصيتي وش احب وش اكره وش نمط شخصيتي بالضبط

ومثلا لو كنت اسمع مشكله او موقف ويحتاج حل احس صعب اطلع بحل احتار واتردد ومااثق بحلولي

بس مو عارفة كيف هالشي يصير قولو لي وش الحل انا جالسة بصراع مع الدوامة افكار كثير تركيز مافي

وش الحل ؟ اذا عندكم حل ساعدوني فيه وربي مسبب الأسباب ينفع فيه

عندي يقين ان ربي بيفرجها علي ويطلعني من هذي الدوامة

مشكورين

المصدر: نفساني