نفساني - عرض مشاركة واحدة

07-05-2014, 05:15 PM

اغلب اللي تشوفينهم يولفون اسباب تمسكهم في الحياة هم في الحقيقه مو متمسكين في الحياة هم كارهين لأبوها بس الموت هو اللي مرعبهم وخوفهم من الموت يخليهم يتورطون في الحياة. الموت له فلسفة و اغلب الناس اللي هنا ماخذين فلسفة الأديان عن الموت، وهذي الفلسفة كلها فلم رعب يخلي الناس تنام و تصحى وهي تفكر بهذا الكابوس. الموت مو مخيف وهو امر عادي و دايم اذا قلت اني ما اخاف من الموت يقولون كلهم بنفس الرد ليش ما تروح تموت طيب ...!!؟ هذا يقولك حجم كرههم لهذي الحياة و الشيء اللي يبقيهم احياء هو الخوف من الموت. طيب انا ما اخاف من الموت لكن ماودي اموت. ليش ما ودي اموت اولاً اذا كنت ما تخاف من الموت الحياة بتختلف فلسفتها عندك. الحين اغلب الناس اللي تعمل بلا توقف عشان تبني لها ارصده في البنوك و عماير و الناس اللي تصلي ليل ونهار و الناس اللي تدور على الشهره و حب الناس وكل هذي الأشياء الدافع وراها هو الخوف من الموت، يخافون يموتون وهم ما تركوا اثر لهم، و تلقينهم اذا ركبو طياره يفكرون في الموت و اذا ركبوا سياره و لا سفينه، كل تفكيرهم وهاجسهم هو الموت يبون يسوون اشياء قبل ما يموتون. يبي يسافرون و ياكلون في المطاعم الفخمه و يشترون اغلى الملابس ويحطونها في انستغرام و يروحون لأغلى الأماكن عشان يصورون اهم شي انهم قدرو يسوون هذا الشيء مو مهم هل هم استمتعوا فيه او لا المهم قدرو يحصلون عليه، و كل هذا عشان يثبتون لأنفسهم انهم عاشوا عشان لو ماتوا يموتون مرتاحين، و الحقيقة انها خدعة القرن.

اللي مخليني اتمسك في الحياة هو عدم خوفي من الموت، الحياة بدون خوف من الموت ممتعه و تأتيني احياناً رغبة في الموت ولكنها لا تستمر طويلاً رغم انها ممتعه، يعني حتى لو كانت ممتعه ما يعني انه الأفكار الإنتحارية ما تجي. المتعه تكمن في التأمل في كل شيء. في الطريقة اللتي وجد بها البشر و في السلوك البشري و في الغرائز و المشاعر كل شيء يدعو الى التأمل و التساؤول هو ممتع و الإجابات تكون اكثر متعه ايضاً. كيف طبختنا النجوم من حولنا حتى بدأ شيء اسمه الحياة، وكيف يعمل الكون، و ماهو الزمن ؟ و ماهي الروح ؟و كيف يعمل الجسد البشري، و لماذا الموسيقى و الأكل و الجنس فيه متعه. كيف تعمل الحواس و كيف كانت الحياة في الماضي و كيف هي الأن و كيف ستكون في المستقبل ؟ بهذه الطريقة تشعر انك تعيش بلحظة صغيره من الزمن وهي لحظة من الممكن ان تكون ثمينة لأنك مررت من هنا،،