المشاركة الأصلية كتبت بواسطة الحكيم الفاضل

الله يخليك اخوي محمد نورت المنتدى بأدويتك وانتكاساتك وفصامك وكل عفشك :) ....

بالنسبة للانتكاسة انت وش تعاني منه حاليا نوبات اكتئاب كبرى والا فصام؟؟

شف اذا انها نوبات اكتئاب كبرى انا مثلك مرت علي فترات والله العظيم اني ما اكذب عليك نوبات اكتئاب كبرى بشكل فظيع جدا لدرجة اني كنت اجلس احيانا اسبوع كامل ما اقدر اكل ولا اقدر انام وطول وقتي استفراغ الله يكرمك واسهال ..

لدرجة اني حتى اذا رحت قسم الطواري في مستشفى النفسية يعطوني مهدئات من نفس فصيلة الزاناكس واعوانه ولا كانت تأثر فيني ولا 1% اللهم بس تخلي جسمي كله خامل واصير ما اقدر اتحرك من شدة الخمول بس احساس نوبات الاكتئاب ماكان يروح لو ابلع اظن 20 حبة زاناكس ماتفيد ....

وكم مرة حاولت الانتحار للتخلص من هذي النوبات الملعونة وبعض المرات والله العظيم اني فكرت اروح اتعاطى مخدرات استخدم حبوب كبتاجون او حشيش او اشم غراء او اي شيء لو حتى اشرب سم عشان تروح عني هذي النوبات الملعونة بس صبرت والله فرجها عني الحين بعد ماعانيت لمدة سنتين ونص منها ولازالت الين اليوم تجيني بس انها اخف من اول والحمدلله على كل حال

وانا حاليا مرتاح من هذي النوبات الاكتئابية لي تقريبا 4 شهور تجيني بس اخف من اول ....

وبالنسبة لحالتك اخ محمد استمر على العلاج لمدة شهرين اذا مالاحظت تحسن من ناحية الفصام والاكتئاب جرب اخر حل هو علاج الكلوزابين للفصام وعلاج التفرانيل للاكتئاب ..


واذا مافادت معك لا سمح الله انا بادلك على علاجات عشبية وطرق لبعض الحميات وصدقني انشاء الله تتحسن لاني لي تقريبا 9 سنوات اقراء في كتب للطب العربي القديم لابن سينا والرازي وابن البيطار وجدي الله يرحمه كان يعالج ناس كثير يعني انا وارث هذي المهنة من جدي ..

وصدقني وثق بي اذا انت عجزت من الادوية انشاء الله انا اقدر اساعدك بعلاجات عشبية وبدون اي مقابل لانه فيه حلات كثير مثل حالتك وانا قدامك هنا مثل كيف كنت اول وكيف صرت الحين ...

وانا بالاول بالاخير باترك الخيار لك والتفكير لك اذا انت ناوي تترك العلاج وماتحسنت على اي علاج كلمني وماراح اقصر معك واذا انت حاب تستمر على العلاج فبرضه حاول معي انك تتبع بعض الحميات وتستخدم بعض الاعشاب عشان على الاقل تستفيد وتتحسن ولو بنسبة قليلة فلازم تضغط على نفسك شوي من هذي الناحية انت احس انك من النوع اللي مايحب يضغط على نفسه ياخي حاول ولو بنسبة بسيط بس تحارب نفسك لان النفس امارة بالسوء ولا ابريء نفسي