المشاركة الأصلية كتبت بواسطة مارشال اخت وردة انتي متوترة بشكل مسبق انو لما تخلصي قراءة السورة رح تشعري بانه في مس يعني حطيتي في بالك انو في مس عشان هيك توترتي و خفتي اختي اللي عندو مس ما بقدر يقرا اية من القران الا يصير زي المجنون انتي ما فيكي شي توكلي على الله

لا يا أخي مين قالك إللي عنده مس مايقدر يقرأ آية من القرآن وإذا قرأها يصير زي المجنون ؟

يشهد الله علي إني شفت عند أحد الرقاة الشرعيين رجل نحيف وطويل ومُلتحي مُلقى على الأرض وإثنين من شيوخ الرقية يقرأو عليه بالتناوب والرجل فاقد وعيّه وماتسمع إلا التأوْه والصراخ ، ولمن سألت أحد الحاضرين عن الرجل ( قالي هذا إمام مسجد فيه مس )

أخوك مرهم جروح راح لشيوخ رقية كثير كثير كثير وشفت العجب العجاب
فيه اثنين من مكه المكرمة فيهم مس ينزلوا كل فترة من مكة لـ جدة عند الشيخ إسماعيل العمري في حي الصفا يقرأ عليهم قراءة جماعية وماتسمع إلا الصراخ ، البعض يصرخ والبعض ينصرع ويرفس ، وبعضهم تلقاه فيه مس بس يستمع لرقية الشيخ لاينصرع ولا يصرخ
تدري كم لهم ينزلوا من مكة لـجدة وهم على هذا الحال ؟ لهم ثلاث سنين

ومره رحت للشيخ صالح الزهراني في حي الرويس في جدة وكان يقرأ قراءة جماعية على الرجال وفجأة دخل رجل طويل وعريض ( صاحب بنية جسمانية ضخمه وطول فارع ) والشيخ قطع القراءة وقال للرجل اللي دخل علينا : أنت جيت ؟ رد عليه بصوت جهوري غريب وقال للشيخ : أنا جبته بنفسي ولا هو مايجي ، اللي كان يتكلم الجني اللي متلبس في الرجل .
قرأ عليه الشيخ ويضربه في ظهره بالعِقال وكان الرجل الضخم يتلذذ بالضرب ولا يأثر فيه ( وعلى هذا الحال كل فترة وفترة يجي بنفسه عند الشيخ ، يقرأ عليه وينضرب ) " جني يعشق الضرب "

أما قصص النساء مع المس وبشهادة شيوخ الرقية أكثر بكثير من الرجال
مره رحت للشيخ منير عرب في حي الصفا في جدة ، وصادف هذاك الوقت إني رحت في يوم كان للنساء فقط ودخلت الفيلا حق الشيخ باخذ زيت زيتون مقري عليه والشيخ كان يقرأ على النساء واسمع صراخهم وبعض النساء كانوا يسبوا ويلعنوا في الشيخ بأصوات غريبه مو اصوات بشر

ما أريد إيصاله لك أن الشخص ممكن يكون يصلي ويسمع ويقرأ قرآن لكن فيه مس

بتقولي كيف يصلي ويقرأ قرآن وفيه مس ؟
أقولك الصلاة تنهى عن الفحشاء والمنكر ، وانت عارف إن فيه بعض الناس هدانا الله وإياهم جميعاً يصلوا لكن في تعاملهم فيه كذب وغيبه ونميمه ويظلموا وياكلوا حقوق الناس وغيرها من الأعمال اللي المفروض صلاته اللي يصليها تنهاه عنها ، ومثل هؤلاء معرضين للمس
والبعض يقرأ القرآن بدون تدبر ولا يتأثر ولا يعمل به
الله يعفو عنا جميعاً .. اللهم آمين

أي شخص شخص يقرأ قرآن ويحس بضيق وتعب ورعشه أنصحه بالإستمرار في قرآءة القرآن " آيات الرقية الشرعية " وتحصين نفسه بالأذكار من الكتاب والسنة
لانرمي كل شيء على القلق والتوتر والتفكير ، لازم نقبل الحقيقه حتى لو كانت مُره ونواجهها بدل مانتهرب منها ونتعذر بأعذار قد تطيل علينا المشوار ويمضي عمرنا في تشكي وترقب وإنتظار ، وقد يطول الإنتظار بكثرة الأعذار


زبدة الكلام : البعض فيهم مس وإذا قرأ القرآن تظهر الأعراض ويوهم نفسه أنه يعاني من قلق وهلع ، وممسوس آخر يهديه ويشجعه ويعطيه دفعه معنويه ، واثنينهم لو راحوا لشيخ رقية ثقة ومشهود له لنتهت معاناتهم

إضافة بسيطة : البعض يستخدم الأدوية شهرين ويقول ماجابت نتيجه ، يجي آخر يقوله : إستخدمها سته شهور لازم تصبر عليها علشان يظهر مفعولها .. وإذا الموضوع عن شيخ رقية بكل بساطه يقول : انا رحت لشيخ وقرأ علي ولا طلع في شيء ؟
أنا أقول : لا ياحبيبي إللي خلاك تصبر على الأدوية سته شهور ولا جابت نتيجة معاك ، إصبر على الرقية الشرعية سته شهور ، قراءة واحدة عند الشيخ لاتكفي .. فيه ناس إستمروا على الرقية سنتين وبعد سنتين ربي شافاهم وعافاهم

" أعتذر عن الإطالة وإن شاء الله الفكرة وصلت "


00``00`