نفساني - عرض مشاركة واحدة

24-05-2014, 10:47 PM

وعليكم السلام ورحمه الله وبركاته
اسال الله ان يشفيك ويعافيك اخوي ..
والله اخوي , انا مثلك اعاني من الوسواس , بس مب وسواس الموت , وسواس العقيده والالهيه , استغفر الله العظيم بس
المهم أخوي , انا احاول اجاهد نفسي بقدر الاستطاعة ,, وابعد هالافكار عني ..
المهم انا هالوسوايس تدرى متى تجيني ؟ لم اكون محتكر في البيت , وبغرفة .. طبعا تجيني بوقت قليل جداً اذا تذكرتها
انصحك اخوي , تطلع من البيت مع اصحابك , او حتى تطلع تغير جؤ , تروح اي مكان تشوفه مناسب لك , تروح الاسواق حتى لو تبي تروح لحالك ,
تروح تشوف الاسعار وهكذا < يعني كانك رايح تغير جؤ , وتغيير روتين يومك , او تروح المسجد وتجلس تقرا المصحف هناك , او تشوف حاجات مفيده او تكتب اي شي عشان تبعد هالوسواس عنك ,,,
كذالك والاهم ..
تسمع القران عبر الانترنت , او تقرا المصحف , وتقراء سورة البقره ,
والاذكار اليومية ,,
والصلاة ,
اذا كنت من الناس الي تشتغل وعندك راتب او معك مبلغ [ حاول تتصدق ] لانه صدقه له فايده , وتصدق لوجه الله , وقول يارب تشفيني ..
كذالك , [ صلاة قيام الليل ] والدعاء الخشوع , عند السجود
ودايماً ردد في لسانك [ لا اله الا انت سبحانك اني كنت من الظالمين ] + [ استغفر الله ]
والرقية الشرعية كذالك ثانياً ,, عليك بالرقية الشرعية [ هنا كتابية ] و [ هنا صوتية ]
+++++++++++++ اهم نقطه والاهم والي ابيك تسويها [ تجاهد نفسك ] +++ [ الصبر ثم الصبر ثم الصبر ] .. مب كل شي يجي بالسهوله , عليك بالصبر ,
ولا تتشتم نفسك او تقول ما في فايده , هالافكار كلها تنسج في المخ , وتعاني اكثر واكثر , والله اسال مجرب اخوي , انا الحمد لله اصبحت ما اذم نفسي ابداً والحمد لله الحين اصبحت احسن عن قبل ..
واسال الله ان يشفيك ويشفيني , ويشفى مرضى المسلمين ويلبسهم ثوب العافية ~