|
سويت عملية جراحة العصب .. تفضلوا
السلام عليكم ورحمة الله وبركاته
انا كنت اعاني من تعرق اليدين و القدمين و الابط سمعت ان فيه عملية للجراحة العصب المسؤول عن هذا التعرق
فقررت اسويها صليت استخاره و توكلت على الله و بحثت عن مستشفيات في الجنوب لقيت احد المسشفيات يعملها
المهم حددوا موعد العمليه و كل شيء و ماكنت خايف منها ابد , دخلت غرفة العمليات الساعه 8 تقريباً و عملوا لي العمليه
و أفقت من المخدر الساعه الواحده تقريباً ( عملوا لي كي كهربائي في العصب المسئول عن تعرق اليدين و الابط فقط القدمين لا )
وقتها شعرت بألم لا يعلمه الى الله شديد بدرجه ما كنت متوقعها ابداً وندمت اني سويتها عشان الألم اللي كنت حاس فيه
صراخي ينسمع من اخر المستشفى يومين استمر و اليوم الثالث بدأ يقل الألم
كل يوم يخف عن اليوم اللي قبله ..
نتائج العمليه : وقف التعرق في اليدين و القدمين و الأبط صار ينزل منه قليل و الحمد لله
صار فيه تعرق في الظهر و البطن و الأفخذ لاكن قليل و لله الحمد
بس اللي مخوفني اللحين و شاغل بالي مرره الأبط الأيمين يعرق بشكل خفيف لاكن الأيسر لا يعرق ابداً و جاف جداً
و كذالك تحت الأبط الأيسر ما احس بشيء كأنهم حاطين بنج يعني مو كأنه بجسمي و العمليه كانت قبل اسبوعين تقريباً !!
وفي الأول و الأخير الحمد لله على كل حال .. تحياتي
|