سمر!

بيانات اضافيه [ + ]

رقم العضوية : 47101  تاريخ التسجيل :  05 2014  أخر زيارة : 01-07-2014 (10:23 PM)  المشاركات : 2 [ + ]  التقييم :  10

لوني المفضل : Cadetblue

مشكلتي اني . . . .

السلام عليكم . . .
انا مشكلتي اني اعاني من وسواس الموت و وسواس الامراض و فيني نوبات هلع !

وسواس المرض وراثي ،
يعني لو سمعت عن مرض اخاف منه واخاف على نفسي كثير
و ممكن اي شيء يصير فيني سواء صداع او زكام او دوخه يخوفني وياثر علي
لاني اقعد احلل و افكر الف مره و اتوهم لدرجة اني اتعب
واخاف و اقعد اسال الناس لين ما كل حد مل مني . . .
اهلي ، اصدقائي و كل المقربين مني !
صار كل شيء اقوله توهم و صرت محل سخريه منهم جميعاً !
صرت اروح مستشفيات واسوي تحاليل اغلب المرات مايطلع فيني شيء كبير مثل ما انا متوهمه !
تطلع اشيا نفس قولون و اغلب الاشياء نفسيه !
مرات انا اكون موقنه من داخل ان مافيني شيء
بس اللي محد يقدر يفهمه اني ما اقدر اتحكم باللي يصير فيني
اهلي و الناس ما يفهمون الوسواس ولا يعرفون شو يصير فيني
لهالسبب ما يصدقوني و تبرريهم للي يصير اني دلوعه و نفسيه !
ما يفهمون اللي احسه (":

نوبات الهلع بديت اسيطر عليها لاني فهمتها و قريت عنها
و صارت نادر ما تجيني ولو جت تكون خفيفه و تروح لاني اقعد اقنع نفسي اني خايفه بس . . .

اما وسواس الموت مازال معاي
وصرت احلم احلام تخوف !
و اكثر شيء اكرهه فكرة اني اربط كل شيء بالموت
يعني فلان حلمني ولا لو حد سال عني ولا لو اي شيء يصير فوق الروتين يعني مرتبط بالموت
هالشي جدا متعبني
واصلا وسواس المرض منه اخاف امرض لاني اخاف اموت و هكذا !

محد يعرف ان فيني هالاشيا في البيت . . .
اتمنى حد يساعدني بدون اي حبوب ولا دكاتره !
انا مقتنعه ان العلاج لهالمشاكل يبدآ من الشخص نفسه لكني احتاج تشجيع
اضافه على ذلك احتاج مساعده ابا الناس اللي حولي تغير فكرتها عني
اني انسانه خوافه و مريضه !


شكراً

المصدر: نفساني