|
العذاب والنوم وش العمل فيهم
السلام عليكم ورحمة الله وبركاته
الصراحة مدري من وين ابدا بس ما صارت حالة هذي لا حول ولا قوة الا بالله
الناس تنام عشان ترتاح وانا عشان اتعذب خفقان وعدم انتظام ضربات القلب واحلام غريبة
مدري وش السبب في تكوينها اشك انه الخفقان هو الي يجيبها وليس العكس
اقوم كل ساعة انظر حولي وارجع انام حشى ماني بصاحي 13e31
اصحى مكسر مدقدق وما احس اني نمت ولا مرتاح دايم يدي على صدري لا اراديا تعودت مدري ليه
احس شي واقف بصدري واللم بعظام الصدر تجي وتروح معي دوخة مدري وش تبي له اسبوعين تروح وتجي وتستمر
المشكلة كل هالبلاوي ماتجيني الا وقت النوم معني انسان محافظ الحمدلله وقراء اذكار النوم
رحت سويت ايكو واشاعة صدر وتحليل دم كامل وتخطيط وكل الدكاترة يقوولن مافيك شي الحمدلله
طيب انا وش فيني ياجماعة اكثر من سنة على هالحال
عندي احساس فضيع مدري وشو احس اني بموت مدري ليه اعتقد من الاعراض ووقعها علي
دايم اقول انا خلاص انا منتهي مولي ما كنت كذا قبل سنتين تغيرت 180 درجة
عندي افكار انتحارية وشيطانية مقدر اقولها مدري كيف افكر بالهاشي استغفر الله
مرة اكون انسان طبيعي ومره مجنون هل هذا ما يسمى انفصام الشخصية ام شي اخر
وين راحت شخصيتي القديمة اشتقت لها وين استطيع اقابلها احس اني ما اعرف نفسي كاني شي ثاني
فعلا انا مستغرب من نفسي واتغير من الداخل ولا علمت احد من حولي هم يحسبون اني طبيعي لا بالعمل ولا بغيره
فيه شي بعقلي يزن كل يوم يقول الوقت راح وش تنتظر الناس راحت وانت قاعد وهو يقصد ناس ماتو كنت اعرفهم
|