نفساني - عرض مشاركة واحدة

12-07-2014, 03:58 PM

اقتباس:

المشاركة الأصلية كتبت بواسطة غريب الهواء

اللهم امين ويشافي جميع المرضى الله يجزاك خير على الدعاء

بس انا الفترة الاولى من مضري كان عندي انسداد شهيه
الان الحمدلله بالعكس ,,,
لكن شكله لانه قلق توتر يجيني كل كم ساعه مرات عن الموت ومرات عن المستقبل ومرات قلق من نزيف اللثه وقلقي من الدكتور
وقلقي من اي عارض صحي فجاه دوخة وفجاه ضيق نفس وفجاه اتذكر ماضي واندم عليه

الحمدلله على كل حال

الله يشافيك ويشافينا ياااارب

والله نفسي

باليوم الواحد تمر على دوخه سواء واقفه او قاعده او منسدحه = مستلقيه
واندم وابچي على الماضي
و كتمه بالنفس وصعوبه بالتنفس هذي على مدار 24ساعه
و
و
و اعراض كثيره
والحين حتي صعوبة بالكلام صايره معاي << مااجمع افكار ، و النطق عندي يثقل ، واتعب اذا تكلمت بشكل متواصل خصوصا لما ادعي ربي او لما اقول اذكار الصباح والمساء .
وانا مااخذ دواء الحمدلله
واعراض ثانيه كثيره تصير باليوم الواحد
يعني اليوم كله تعب بتعب
بس انا عقب ماعرفت المنتدي
و عرفت انه مو انا بروحي اعاني
و انه في ناس يعانوون مثلي بالضبط
صررت اتجاهل التعب
يعني عادي اكون داااااايخه الارض تفر فيني وانا داشه انستغرام اشوف الفيديو والصور واعلق هههه
عادي اكوون مختنقه بموت من ضيق التنفس وانا قاعده اخذ شور بهدوووء
صج تعب ، صج اتضايق ، صج مرات ابچي لاني تعبت من طول مدة التعب وادعي ربي يرفع عني
بس بالنهايه مافي مفر من ( التعايش مع التعب )
هذا اللي احاول اقنع نفسي فيه
واعود نفسي عليه
اتعايش مع تعبي
اخليه شي طبيعي وعادي
ماانفر منه
ولا اشكي منه
أتأقلم معاه
واعيش حياتي
الحياة ماشيه ماتنطر احد
اللي يبي يخلي تعبه يسيطر عليه ويعزله عن الحياة هو الخاسر الوحيد
محد راح يخسر غيره .
انا الحين احاول اقنع نفسي بهالكلام
واحاول ارجع للحياة
الي ان يأذن الله بالشفاء التام .
ولي هذاك الوقت لازم نرجع للحياة يا اخواني وخواتي مايصير نموت بالحياة
يقولون الدنيا صعبه و انه مافيها راحه وانه المسلم ماراح يرتاح راحه تامه الا لما يحط رجله بالجنه .
واحنا ذقنا بمرضنا هذا من تعب الحياة وصعوبتها
مثل مو في ناس ذايقيين تعب الحياة بالحرب او الفقر الشديد او بأمراض خطيره متعبه او او
كل مسلم ذايق من تعب الحياة بشكل مختلف
احنا ما بيدنا كمسلميين الا ان نستسلم لقضاء الله و نعيش حياتنا الي ان يفرجها الله علينا .
وبس :)