القاسمي

بيانات اضافيه [ + ]

رقم العضوية : 47877  تاريخ التسجيل :  07 2014  أخر زيارة : 31-08-2014 (11:52 AM)  المشاركات : 3 [ + ]  التقييم :  10

لوني المفضل : Cadetblue

مفتقد حنان الأب

السلام عليكم ورحمة الله وبركاته
انا شاب عمري 25 سنة... بعاني من مشكلة من وانا عندي 13 سنة ومازالت موجودة ومش عارف هرتاح منها امتي.. وبشكل كبير والدي السبب فيها وهي اني مفتقد حنان الاب رغم ان ابويا عايش وموجود الحمد لله .... ابويا شخصية انطوائية جدا ،كلامه قليل ، لو قعدنا مع بعض مبيتكلمش في حاجة ولو كلمته بيرد علي اد السؤال....ده غير ان العلاقة بينا جافة جدا حتي مع أخواتي وهما اكبر مني ومتجوزين ومش فارق معاهم الموضوع ده ، انا اللي فارق معايا جدا كان نفسي ابويا يصاحبني واحبه جدا ....بس للاسف بمعاملته الجافة ليا وعدم وجود اي حنية منه...بدأت بشكل لا ارادي ابحث عن الحنان ده خارج البيت ، لو راجل كبير في السن عاملني كويس وبحنية .. بلاقي نفسي بحبه جدا ، بحبه حب شديد لدرجة انه بيسيطر علي تفكيري ولو مشفتوش فترة ببكي عشان نفسي اشوفه مش بس كده....ده لو انا شوفت رجل شكله حلو وله خلقة حسنة .... من غير مااعرفه ولا يعرفني شوفته بس في المسجد او في الشارع... ممكن احبه حب شديد جدا لمجرد انه شكله حلو بس وقلبي يتعذب بسببه عشان مش عارف اكلمه او اتعرف عليه... ممكن احب الرجل ده فترة وبعديه احب واحد تاني عشان عاملني معاملة حنينة او شكله حلو وهكذا.....
..انا الوقتي مسافر وحاسس بغربة اكتر ، وبتعذب جدا عشان بعيد عن الناس اللي حبيتهم في مصر
انا بتعذب جدا والله مش قادر استحمل..انا نفسي مستغرب نفسي جدا مش عارف ده ايه بتأثر جدا بالرجال كبار السن ونفسي بس في ذرة حنية من اي أب
وبدعي ربنا ليل نهار انه يرحمني ويخفف عني العذاب القلبي ده...اسف ان كنت طولت اوي..بس انا تعبان جدا ونفسي في حل
وجزاكم الله خيرا

المصدر: نفساني