المشاركة الأصلية كتبت بواسطة ام نورة

راح اقول لكم تجربتي مع الفزع عند النوم واللي تصحى من الخوف وتحس بخفقان واعراض تخوف أسأل الله أن ينفعني واياكم بها
اول مرة حصل لي الموقف هذا كنت مو نايمه كويس من يومين وبعدها طلعنا مكان مع خالاتي وسهرنا الى الصباح والكل رجع لبيته وقتها خالتي سوت حادث وانا اول وحدة عرفت وانهرت ماادري وش حصل فيهم هم قبل نصف ساعه قدامي مافيهم شي وخلال قلت قصير صار كذا!! (طبعا وقتها كنت في أشد حالات الوسواس واختلال الآنية) وحاولت انام وماقدرت والحمدلله نمت ساعه تقريبا وصحيت من قوة انقباض صدري وقلبي شعور غريب جدا وخفت من هالشعور ومن الخوف والله ان قلبي يخفق بشكل ماعمري حسيته (مع ان الخفقان كل يوم يجيني الا ان هذا شي لايوصف من قوته كأنه حمامه ترفرف بتموت) وشفايفي تنتفض وريقي ناشف ورجولي فيها حرارة واشرب مويه مافيه فايدة احاول امشي مااقدر قلت بس هذا الموت هذي حرارته تمسكت بالجدران ورحت للمغسلة توضيت وقلت بصلي لعل خاتمتي تكون على صلاة وقاومت نفسي وربي اعانني الحمدلله والاعراض كل مالها تزيد وما إن كبرت الا ويزيد النبض وتزيد الاعراض ولما سجدت بدى يخف تدريجيا وطولت بالسجود وجلست ادعي وادعي واطلب الله والركعه الثانية الحمدلله خف كثير وما انهيت صلاتي الا وتحسنت حالتي تدريجيا يارب لك الحمد وبعدها عرفت انه من الشيطان وان هذا كله نوبة هلع من الشيطان الله ينتقم منه وبعدها بكم يوم صارت لي نفس الحالة وسويت نفس الشي والحمدلله راحت وكل ماصار اسوي الى ان خفت وصرت مااشوفها الا قليل
المفروض اي تفكير او وسواس يصيبنا نذكر الله ونسبح ونصلي لان الشيطان عدوه الصلاة واذا عرف انك كل ما وسوسلك بتصلي راح ينحاش منك بس عشان مايخليك تصلي هالركعتين، صح احيانا من مثر الخوف والهم ننسى لكن نحاول نذكر ونعود انفسنا.
هذي تجربتي وعسى الله ينفعني وياكم فيها ويتقبلها ويكتب لي ولكم الأجر يارب