المشاركة الأصلية كتبت بواسطة القادم أجمل~

وربي خايفه موووت ان اللي معي روحي
انا زمان اخذت فتره اقرا الاعراض حقت المس والعياذ ب الله وخفت انه معاي وقلت حتى لو
صرت اسمع رقيه كل يوم لشيخ غير وايات الحرق والعذاب الا اطلع بنفسي شي كل ماقالي زوجي شوفيك كويسه وماتأثرتي بالرقيه اقول لا مو كويسه
بعدها اخذت عمره وارتحت وصرت ارقي نفسي مع الاذكار لي 4 شهور واعراضي نفسها نفسها

انا رحت طبيب مفسي شخصني قلق عصابي

انا شخصيه قلوقه من صغري وزاد قلقي بعد ماجبت بناتي قبل لل امرض واعرف النت وبلاويه
كانت بنتي ماتتكلم شافتها وحده قالت لايكون معاها توحد دخلت المتاهات وعالم النت شهر كامل انام ع النت وابحث وابكي كان كل الكلام ياكد ان بنتي فيها توحد كنت اصلي واصيح واتضرع لله بطبعي خوافه جدا ومتعلقه في بناتي بعد الشهر ذا اللي عشته من الرعب النفسي
كلمت دكتور واكدلي ان البنت سليمه ناقصها تواصل اسري لانها كانت تحب التلفزيون بعد هذا الرعب بشهر تقريبا اكلت اكله دسمه وجتني نوبة هلع ومن بعدها حالي مره صرت بس اقرا عن الامراض واحطها فيني لاني احس بشي والله لو مافيني وجع ما ابحث والله

حمدلله الحين بنتي طيبه بس ذبحني القلق والتفكير مخي شغال 24 ساعه كل ماقلت انا بخير ارجع اقول لا انا فيني بلا ليش عيوني احس بضباب وغشاوه عليه ليه وليه وياكثر ليه

اعراضي دوخه تنميل خدر وخز رعشه خفيفه داخل الجسم زغلله عدم تركيز خوف من الامراض خوف من المستقبل حكه في العين وجفاف وهن وضعف ترنح عظامي الم


اعراضي ذي ملازمتني يعني ماتروح وتخف لا نفس الدرجه في رمضان بس زايد التعب والوهن

عند قراءة القرآن احس براحه عاديه بس ما اتأثر ابدا ولله الحمد

واذا جوني ناس او عزيمه صح احس بتعب بس احس يخف تعبي شوي يعني مو زي يوم اكون لوحدي

احب الجمعات والناس اهتم بنفسي وفي بيتي بس متعبتني قصة الكسل والخمول

الله يخليك ياخوي اعراضي مرض نفسي والا روحي