ام نورة

بيانات اضافيه [ + ]

رقم العضوية : 42014  تاريخ التسجيل :  01 2013  أخر زيارة : 13-02-2022 (10:44 PM)  المشاركات : 65 [ + ]  التقييم :  10

لوني المفضل : Cadetblue

انا اليوم صحيت من خلم مزعج وطول اليوم منكد علي بشكل ماتتصورونه على الرغم من ان عندنا ضيوف الا اني كل مالهيت دقيقة يجي شي يقول خير ليش تنسين الحلم يلا تذكريه وارجعي تنكدي
قبل صلاة الفجر قلت بستغل ليلة الجمعة وبصلي ركعتين وادعي فيها ربي يزيل عني ماابتلاني به وعاهدت نفسي ان كل مايجيني الوسواس احاربه بالصلاة لأن الصلاة عدو الشيطان والله وقتها كنت افكر فيكم قلت بقول لكم عن هالخطة عسى الله ينفعبها المهم اول ماكبرت قريت وسجدت واموري كلها تمام الحمدلله في السجدة الثانية وانا ادعي جاني خوووف شديد قلبي يضرب بقوة وشي يطلع وينزل بجسمي هذي نوبة هلع بس قلت انا لا اكيد هذا الموت وطبعا مع الخوف زيادة تزيد نوبة الهلع المهم قمت من سجودي بسرعه واوقف للركعه الثانية ابي انهي صلاتي وقلبي يخفق ويزيد وجسمي ينتفض والله اني قلت خلاص بهرب بنحاش من السجادة ورجلي شوي وتخليني اهرب بس تمالكت نفسي الحمدلله وانهيت صلاتي بسرعه عسى الله يتقبلها وبعدها جلست ابكي على حالي الى متى على هالحال تعبت ومليت سنين اعاني من هالمرض ولا احد يدري عني كاتمته بقلبي وكل اللي حولي يلوموني على تصرفاتي يحسبوني طبيعية وانا من طبعي الكتمان مااحب اشتكي لاحد او اقول له شي خصوصا بهالموضوع لأنه حساس بالنسبة لي مرة جتني نوبة وكان زوجي موجود وجلست بعدها ابكي طول اليوم وحلس هو يحلفني يبي يعرف وش فيني وقلت له عن اللي فيني وانا مستغربة من نفسي ان جاء الوقت اللي بتكلم فيه وبنفس الوقت مبسوطة اني اخيرا تكلمت بس تدرون وش ردة فعله استحقر الأمر وخلاه امر جدا عادي ومايسوى اللي قاعده اسويه فعلا اللي يده بالمويه مو مثل اللي بده بالنار مره انصدمت منه انه مااحتواني ولا همه الموضوع ولا اعطاه ادنى اهتمام بس تكلم شوي عن الموت وسكت وبعدها مارس حياته عادي معي وبدال مايتحاشى الكلام اللي يخوفني ويوسوسبي صار يتكلم فيه بعدها قلت ياربي وش اسوي ليتني ماتكلمت وقعدت ساكته احسن لي من هالصدمة بعدها حرمت اني اتكلم مع اخد

أسأل الله العظيم رب العرش العظيم أن يشفيني وإياكم أجمعين يااااااااارب يااااااااكريم