المشاركة الأصلية كتبت بواسطة الحرف العنيد

السلام عليكم ورحمة الله وبركاتة

الف مبروك للي ربي تمم موضوعهم على خير والله يكمل فرحتكم
وعقبال اللي معاملاتهم لسه ماشيه والله يوفق الجميع
ببدا معاكم قصتي يمكن تخففون عني شوي او تساعدوني كيف اتصرف

_______________________

تقدم لخطبتي مقيم بجده مشهود له بحسن الاخلاق والطيب والدين بعد ماسالوو عنه خوالي الحمد الله تم القبول
بعدها بدينا باجراءات المعامله قدمت اوراقي للاماره تعاملهم كان جدا جميل ربي يسعدهم وناس بشوشه ومبتسمه
طلبو مني معروض وصورة من هويتي وصوره من اقامة خطيبي وحطيتهم كلهم بملف اخضر قدمتها 3/9 رمضان وبعدها في تاريخ 10/9 رمضان جتني رساله تم تحويل المعامله الى شرطة جدة
واعطوني رقمها هناك بالاماره قالت لي الموظفه يقدر الخطيب يراجع فيها عادي فلما راح اول مره قالوله تعال بكرا جاهم من بكرا قالوله خذ هذا الرقم وتعال يوم الثلاثاء وراح لهم مثل ماقالو له
اخر شي قالوله هي تجي بنفسها ليش انت جاي فرحت انا بتاريخ 16/10 رمضان لمكتب الزواج سالوني كم سؤال واعطوني الاوراق المطلوبه ايش وورقة البصمات والتحاليل وكل شي مطلوب مني
على ماسويت التحاليل ومشهد العمده وتعريف السكن وهو سوا البصمات وكملنا كل الاوراق جت اجازتهم الرسميه في 24/9 رمضان الحمد الله كل الاوراق كامله وسليمه والتحاليل سليمه الحمد الله
بتاريخ 7/10 من شهر شوال رحت بعطيهم الاوراق اللي طلبوها مني دخلت المكتب الوضع كان غريب جدا ولا وحده موجوده هناك تراجع في بس الموظفات لحالهم والمكان هدوء شي غريب اول مره يكون مافي مراجعات
دخلت ورحت للموظفه فقالت لي وش اسمك قلت لها اسمي فقالت كم عمرك قلت لها 27 على اخرها قالت اسفه باخر رمضان اصدر قرار جديد للبنت السعودية لازم يكون عمرها 30 وفوق ويستثنون من هالشي المعاقه والمطلقه والارمله يعني سبق لها الزواج طبعا مره انقهرت لاني مقدمه قبل القرار واعطوني كل شي وسويته بيومين بس طلع هالقرار فقلت لها وش الحل قالت لي عندك حلين ياتقدمين استثناء بوزاره الداخليه الالكترونية اللي عندك ردسي مول او تنتظرين 3 سنوات فرحت قدمت استثناء والان لي اسبوع وكل يوم اتصل الموظف طفش مني ومااحصل شي جديد وقبل يومين جاني اتصال من الشرطه لكن ماسمعته مع النوم <<---- ندمانه ليتني مانمت 4gty4e
رجعت دقيت عليهم وكالعاده محد يرد لي يومين اتصل ولااحد يرد فقالي الموظف ترا هم مايردون ابد وماادري وش يبون 4gty4e وبالنسبه للي قدمو استثناء كم المدة اللي طلع فيها ؟ وكيف اعرف انه طلع لي موافقه استثناء ؟ وكيف اقدمها مع المعامله اروح اخذها انا ولا هم يرسلونها للشرطة ..؟ امانه جاوبوني