المشاركة الأصلية كتبت بواسطة مدريدي صميم

السلام عليكم و رحمة الله و بركاته
الحمدلله الذي بشكره تتم الصالحات
و بحمده تتبارك النعم و المثوبات
ابشركم صارت زوجتي علي سنة الله و رسوله
و رحت قعدت معاها امس من العشا للفجر
و برضه تقول لي لسي بدري لا تروح خليك معايا
هههههه بس انا استحيت علي وجهي و قلت لها يكفي اليوم
الايام الحلوة الجاية كثيرة ب اذن الله و راح ننبسط كمان و كمان
و انبسطنا و اهلي و اهلها طايرين من الفرحة
و راح نبدأ نخطط و نجهز لحفلة الملكة و من بعدها
راح نبدأ نفرش شقتنا و نزبطها و نخطط للزواج و شهر العسل و خلافه
اختي لحظة تفائل راح تبدأ مشاركاتي تقل هنا و تزيد في القروب الي ع الفيس بوك
اشتركت فيه و شفتك و شفت مشاركاتك و عرفتك
لانه وضعي حاليا مثل وضعهم بس ما راح اشغل نفسي و افكر في الموضوع هذا الحين
راح انبسط و اعيش الايام الحلوة هذي بالطول و العرض
والله والله بس قعدت زوجتي و حبيبتي قدامي و يدها في يدي و قعدنا نتكلم و نضحك
نسيت التعب و الهم و المرمطة حقت العشرة الشهور الي فاتت كلها
و ان شا الله الايام الجاية احلي و احلي يارب
دعواتكم بالتوفيق و السداد يا اخوان
و يارب تتسهل اموري و اموركم و نفرح فيكم كلكم و تنبسطو و تجتمعوا بالي تحبوهم و يحبوكم عاجلا غير آجل