السلام عليكم ورحمة الله وبركاته
عندي مشكله جديده صار لها كم شهر مادري ايش نوعها وهل هي تعتبر من اعراض الرهاب انا بالأساس عندي نوبات هلع وخوف من الموت لكن الان صار عندي هالحاله الجديده هل له علاقه بالربو او هي فعلا رهاب لما اروح للناس واجي اسلم انكتم احس جهد اسلم على الناس اذا كانو كثير واذا جات عزيمه اروح بدري عشان اجلس وما الف المجلس اسلم عليهم كلهم واذا جيت اتكلم تزيد نبضات القلب وأخاف وأوقف فجاه ولا اقدر أكمل كلامي صرت اخاف اروح للجمعات الكبيره واطلب من امي تروح معاي وتدخل اول ما ادخل على الناس مع اني اول كنت جريئة واحب اتكلم ودائم اكون مميزه بالمجلس بطريقة حواري ونقاشي حتى لما كنت بالمدرسة من يومي صغيره كان عندي هوايه كتابة شعر والنثر ودائما يطلبون مني اطلع بالاذاعه وأقوم بالإنشاد في المناسبات المدرسيه حتى المعلمات كانو معجبين بجراتي والان تغير وضعي مادري وش السالفه لا وشغله ثانيه بعد اخاف من الاكل اكل حبه حبه ولا اكثر ونزل وزني لدرجه اني اتمنى ارجع وزني الاول مع اني كنت اسوي ريجيمات بس الان مو ريجيم خوف بس اكل ملعقه ملعقتين احس بكتمه وحفقان وأقول خلاص توبه مو لازم اكل هذي الحالات جديده علي مادري من الربو لانه أعاني منه من ثلاث سنين فقط بس اشوف اللي مثلي عايشين عادي ويتكلمون ويأكلون ولا يصير فيهم كذا وانا ما احب اروح للطبيب النفسي احس ماراح ينفعني احس هذي الحالات علاجها من الشخص نفسه هل اللي فيني هذا من اعراض الرهاب مع اني احب اجلس مع اهلي ماحب اجلس وحيده اخاف من الموت احسه بيجيني لو كنت لحالي حتى وقت النوم لازم انام مع احد ما انام لحالي ولا اطلع لحالي لازم احد معاي تعبت مادري وش حالتي هذي في احد يقدر يفيدني الله يعافيكم ويشفي كل مريض امين