المشاركة الأصلية كتبت بواسطة تفاحهه

السلام عليكم ورحمة الله وبركاته ...


انا قصتي

ارجوكم ركزو معي لني والله لم اجد بعد الله غيركم اطرحله مشكلتي وان شاء الله احصل عندكم الحل

يوم كنت صغير كنت العب مع الاطفال طبيعي لكن احب اجلس لحالي واسولف واخطط مع نفسي

المهم كبرت وصار عمري 12 تقريبا كانو عماني يكرهوني ويحذرون عيالهم مني ويهددوني ماامشي معهم

وانا والله ما ااعرف السبب الى يومكم هذا وبوقتها انا استغربت ورحت لبوي وقلتله عماني يهددوني ويضربوني

وانا خايف حسيت اني مسوي شي خطير المهم ابوي عصب وقال ليه وانا راح اتفاهم معهم وجو عندنا من بكرا في البيت

واشوف ابوي يضحك معهم ويسولف والوضع طبيعي انا قلت اكيد ابوي حل المشكله واانتهت السالفه ومرت الايام

ومازالو يهددوني وانا اقول ابوي بيحلها طلع ابوي يحمسني انه بياخذ حقي وهو ما يقولهم شي ؟؟

المهم طفولتي كلها مشاكل وخوف لكن ما اثرت فيني والحمدالله اني بسرعا انساء

مشكلتي اني من يوم وانا صغير دايم ساكت ولا اتكلم لدرجه نجلس عند جدتي بساعات وانا ولا اقول ولا حرف

ممكن تقولون رهاب اجتماعي لكن قريت عنه وطلع مو هومشكلتي عادي اسولف ولا اتوتر ولا شي لكن ما احب افتح السواليف عن طريقي واذا محد تكلم عادي اجلس بساعات ما اقول ولاكلمه

بعدها قدمت على الجامعه ولا قبلوني وقدمت السنه الي بعدها ولا قبلوني واهلي بدو يتضايقون مني ويحسبوني انا الي ما ابي الجامعه وانا اقولهم ما قبلوني

لكن مصرين اني انا السبب بعدها سمعت اخواني يتلكمون عني اني دايم ساكت وشخص غامض وهذا الكلام بصراحه اثر فيني ومن بعدها ما احب اجل مع الناس طبعا من زمان لكن اشتدت علي

لدرجه قدمت على وضايف كلها اختلاط وشباب وسواليف وانا ارفضها لمين ربي اكرمني بوضيفه مكتب لحالي مسؤول للعماله بشركه والحمدالله مرتاح فيها

مشكلتي انا دايم افكر ليه انا وحيد ليه ما احب اسولف وليه انا شخصيتي كيذا وليه محد يوقف معي كل شي ضدي حتى اهلي ولا يغيب عني هالتفكير

وبعض الايام يجيني اكتئاب واكرهه كل شي لن محد عندي احكيله ولا احد حاس فيني حتى اهلي والله تعبت

بديت اسلي نفسي بالقراءه وقريت كثير عن التنميه البشريه وافادتني بس هل أسئله ما تفارقني وانا خايف للمستقبل ابي اتزوج وابي عيال يعني لزم اكون اجتماعي ومرح

وانا حاولت لكن كل شي ضدي بصراحه ممكن تقولون اني ابالغ شوي لكن هذا الي صارلي بالضبط


وابيكم تعلقون وتعطوني حلول بارك الله فيكم

وجعلها في ميزان حسناتكم يارب العالميين

والسلام عليكم ورحمة الله وبركاتة ..