نفساني - عرض مشاركة واحدة

19-08-2014, 09:48 PM

سلام
طبعا الواحد يكتب هنا يفضفض
امس وانا طالع من الدوام العصر جتني زيادة في كهرباء القلب ضربات سريعة جدا حاولت اسيطر عليها ماقدر
ويجي معها الخوف والقلق والتفكير في الموت ،،، ياالله،،،، والله معااناة مايعلمها الا الله
موظفين الامن الله يجزاهم خير وقفوا معي وحاولوا يساعدوني ،، قلت ودوني المستشفى وكان اقرب شي مستشفى مدينة الملك فهد الطبية

اي مدينة طبية ،، خرطي وكلام فاضي واستهتار في حياة الناس
انا احاول اسيطر علي نفسي لكن ماقدرت
طبعا انا متوتر جدا واقول كلام ما ادري عنه ودخلت علي السستر وهي بكل برود استريح ،،ايش اسم انتا ،، كم عمر طبعا تكتب وهي واقفة وفي نفس الوقت متكية علي المكتب
اه يالبرود ،، ذبحتوني وانا حي
واتركها وادخل داخل ابي طبيب يفهم حالتي علي طول ينومني لقيت واحد في قسم بعيد وقلت له مشكلتي ،، رد علي ببرود سو تخطيط تعال

رجعت للقسم اللي فيه الهنديه
تفاجأت بثلاثة مسعفين وواحد منهم ييبي ياخذ تخطيط قلب ،، والاثنين الباقيين يتفرجون من خلف الزجاج ،،، واحد منهم كان يحضك ( اسئل الله ان يبتليه في نفسه ) لاني كنت اتلفظ ولا ادري وش كنت اقول

المسعف اللي عندي ماكان راضي يدخلني داخل الا لما ياخذ تخطيط قلب ،، وانا اقوله انا اشم ريحة الدم تفهم ولا ماتفهم خلصني ،، لاني وصلت مرحلة ممكن تتفجر الدنيا في راسي
طبعا في هالحالة الدماغ تجيه كم كبيرة من الدم اكثر من اللازم

ياناس تخيلوا انا ،، لم طلع المسعف تخطيط القلب وعطاه السستر ( السستر نفسها الهنديه) عرفت وين تبين تعديها ودخلت انا قسم الحالات الحرجه وسالت عن الدكتور ( وكان فيه ثلاة دكاترة ) ولا احد تكلم كانوا خايفين
رجعت ابحث عن الهندية التخطيط معها ،،، لقيتها تكلم زميلتها برا القسم ،، اضطرت ارجع مرة ثانية واجيبها بيدي ياناس اي استهتار بحياة الناس

ابي اعرف ليه حياة الانسان عندنا رخيصة
اخذ رقم الشكاوي وادق عليه اليوم ،، طلع كله كلام فاضي ولا احد يرد

اول ماشافن السسترات الفلبينات التخطيط،،، علي طول حطوني علي اول سرير،،،لازم يعطوني حقنة عن طريق الوريد تعيد النبض الي حالته الطبيعية

اللي يزيد الهم عندك اطفال ،، ووالله ان الواحد يشيل همم

الله المستعان ،،

المصدر: نفساني