|
احتاج استشارتكم بأكثر من شي تعاالوو
مساء الخير كلكم.. ان شاءالله تكونوا بخير
تذكرون لما نزلت موضوع ان فيني بلغم وضيق تنفس وكتبت انه بروح للمستوصف
طبعا رحت والحمدلله قالتلي الدكتورة فيني احتقان وزكمة وهو اللي مسبب ضيق التنفس
وصفتلي حبوب هستان وقطرات خشم طبعا انا قلت زي الادوية اللي راحت مابيكون منه فايدة لان اللي
فيني اكثر من كذا نفسيات لازم نضخم المواضيع هههههه
المهم اخذتهم قطرة الخشم كنت بالدقايق الاولى ارتاحلها ماتمر ساعة كذا الا رجع خشمي تسكر
الحبوب بالبداية حسيت وجودها وعدمها واحد هي قالت 3 ايام اذا حست بتحسسن تتركهم الله وكيلكم استخدمتها
اسبوع ويالله حسيت انه خف علي بعدها ماشاءالله حسيت برااحة ولما اخذت الدواء فعلا اقتنعت هذا اللي كان فيني
حتى البلغم مااقولكم راح لكن خف بنسبه كبيرة المهم هذا الكلام له كم اسبوع وانا الحمدلله وضعي مستقر
قبل 3 ايام حسيت بانسداد شهية! واني مومشتهيه اكل شي ابد تقريبا ماتغديغ ولاتعشيت ولااليوم اللي بعده نفسي مسدودة عن الاكل
اليوم اللي بعده بدا معاي مغص كنت طالعه اتغدا برا ووقتها حسيت بجوع وقلت باكل اكلت ومن بعدها حسيت بلوووووعه موقادرة
وكان هذا على الليل رجعت البيت عادي بعدها بساعة كذا حسيت بتعب موطبيعي اي صح نسيت طبعا قبلها طول الوقت كان جايني صداع الم مزعج المهم عاد ولااشوف حرارتي نااار ارتفعت وجسمي ارتجف من البرد والله حتى لابسة طبقاات ومسكرة المكيف وارتجف عيوني بسس تدمع وحمرة وراسي مصدع ومغص واسهال وانتو بكرامة
طبعا استخدمت بنادول.. فيتامين سي على انها حرارة عادية صح كنت خايفة ووسوست ان فيني مرض ههههه بس تجاهلت
عاد الحين يوم ثالث لي الحرارة تخف وترجع لكن الاسهال صارله 3 ايام وبكل دخلة حمام وانتو بكرامة!! ومعاه مغص
المفاجأة نسينا موضوع ضيق التنفس بعد مااخذنا هستان لكن اليوم رااجعلي وهذا اللي محطم نفسيتي مزعج ومخيف بشكل ياارب يروح وخشمي رجع تسكر.. هل هذا يعني ان اللي فيني مواحتقان والادوية مامنها فايدة؟؟؟ ولا ارجع اخذها ولا ارجع اروح الدكتورة والله نفسيتي تعبت ليش يرجع:'( هل تتوقعون اللي فيني تسمم ولا موكذا اعراضه! احترت والله هو ممكن يكون من القهر لاني زعلانه من شي وابكي كنت وقتها بعدها ارتفعت حرارتي :(
اسفة لاني طولت بس والله لولا الله ثم انتم مااعرفت كيف اتصرف واحد يطمني زيكم اتمنى تساعدوني..
في شي بقوله قطرة الخشم خلصت من زمان شريت تو وحدة بس مابعد استخدمتها اسمها "زايلولين" استخدمها؟
|