سلام عليكم ورحمة الله وبركاته
أنا عندي اختي عمرها 25 سنه و من سنه تقريبا صارت تشك وتقول اشياء مو صحيحه ابدا
أكثر شيء تتكلم فيه وتشك هو ان جميع الاشياء اللي تستخدمها مثل شامبو الخاص فيها واللوشن واي شيء ثاني
تشتريه بعد فتره تقريبا يوم او ثلاث ايام وترميه تقوول صار يوجعني ووزني منه زاد
وفيها فتامينات فتح الشهيه احد حطها لي داخل الاشياء
حتى اوقات لما تستخدم شيء تجي وتقول لي على اي جزء من جسمها شوفي كيف يتحرك وزاد حجمه ماكان كذا’’’’,,,, اقول لها مااشوف شيء !!
تغتسل أكثر من مره لأن جسمها فيه فتامينات اوشياء مضره من الشامبو والكريمات والاشياء اللي كانت تسخددمها
تشك وتظن ظن السوء في الجميع
تتكلم مع الاطفال على انهم كبار وفي أمور مايفهمونها الصغار
حاولت فيها اكثر من مره افهمها ماينفع مصره ان مافيها شيء ولا يمكن تذهب للمستشفى النفسي
لما نجلس انا وهي أحاول نتكلم في الشيء هذا تصرف وتروح تتكلم لي في اشيااااء ثانيه مثل شفتي المسلسل الفلانيه الشامبو مايناسبني بشتري جديد .......ووالخ
ارجعها واقولها ليه اكذا تتناظر فيه وبتسم وتترك الجلوس معي
انطوائيه تجلس وحدها شارت الذهن اوقات اشوفها تبتسم وتتخيل لما اسئلها وش اللي يضحك تقول تذكرت الموقف الفلاني........
الحين اللي ابي افهمه هي فيها شيء والا طبيعيه لاني احس أنا بمرض من كثر ما احاول اقنعها تتعدل وتغير من تصرفاتها وكأني اكلم جدار
اذا فيها شيء كيف اقنعها تروح المستشفى كييف وهذا اللي مشكلة ماهي راضيه ولا مقتنعه وقالت لو رحت والله مااخذ العلاج.....
ماينفع نحط لها الدواء وهي ماتدري لانها كبيره وكل شيء تعتمد فيه على نفسها
والله اني حزينه وخايفة عليها تزداد حالتها سوء ...
وعلى فكره جميع اهلي حاولوا فيها وقلنا لها نحن نحبك ولايمكن نؤذيك و الاشياء مافيها شيء واستخدمنها علشان تصدق مااااتصدق !
الله يجزاكم خير ويوفقكم دنيا واخره