هاجر 84

بيانات اضافيه [ + ]

رقم العضوية : 48375  تاريخ التسجيل :  09 2014  أخر زيارة : 08-10-2019 (03:48 AM)  المشاركات : 125 [ + ]  التقييم :  10

لوني المفضل : Cadetblue

السلام عليكم ورحمتة الله وبركاته

كيف حالكم ان شاء الله بخير انا جديده في المنتدى قريت معاناتكم مع الوسواس انا عانيت منه وتقريبا كل الاعراض اللي مكتوبه هنا صارت معاي لمن اقراء كانكم تكتبون اللي يصير معاي
صارلي كم سنه معانيه منه طبعا له اسباب من وانا صغيره وانا اتعرض لمواقف مفجعه كان اولها وفاة ابوي الله يرحمه قدام عيني وماكان فيه شي وثاني مره وفاة صديقة امي ونفس الشي قدام عيني وماكان فيها شي
ومع مشاكل الحياة والضغوط والمواقف المزعجه والمسؤليه وانتي صغيره ويرها من هموم الحياة وكان الوضع طبيعي بس مشكلتي كانت حساسيتي الزائده تجاه المواقف والكلمات اللتي نقال لي
لا كن الحاله بدت معاي من خمس سنوات كلمة جدتي وبعد المكالمه بثلاث ايام مرضة ومحد قالي طبعا جدتي حرمه كبيره في نهاية الثمانينات كان عمرها وماتت وجاني الخبر كالصاعقه
اول يوم عدى عادي ثاني يوم وانا بالسياره جتني نوبة الهلع كانت اول مره كنت احسب انها سكرات الموت مر عمري كله في دقيقه قدام عيني واهلي انفجو بالسياره ووقفو عند مستوصف
ومن هينا بدت مرحلة المعاناة ومن شيخ لشيخ ومن دكتور لدكتور كنت اقوم خواني اخر الليل من نومهم من صياحي وصراخي كنت اقولهم انا بموت الحين ويودوني الطوائ وكل الفحوصات سليمه
المهم اني مي الاخير اخذت علاج نفساني وعشت عليه لمدة اربع سنوات صح اني هديت بس كان لازال يجيني الوسواس بدون حالت هلع
وفجأه وقفت العلاج قبل رمضان حسيت اني احسن وطبعا هذي كانت غلطتي
وفي ليلة تسعه وعشرين وانا اصلي القيام في المسجد لمن بدى الشيخ يدعي جتني حالت الهلع كان نفسي اقطع صلاتي واركض وين مدري بس مسكت نفسي قد ما اقدر وكملت الدعاء وانا جالسه
ومن يومها سمعت كم خبر شين وانتكست ورجعت رحت للدكتور مره ثانيه وهزائني طبعا لاني وقفته من كيفي
ورجع وكتبلي علاج يالله احس الدنيا وقفت في عيني والوسواس ذبحني وكل لحضه احس اني بموت واني بتعذب واني بروح للنار
وحياتي صارت جحيم الحمدلله من اول وانا محافظه على صلاتي وكانت حالات الهلع تتصلط علي وقت الصلاة
بس صارلي شهر ونص وانا ماشيه على نظام معين وجدول معين قسما بالله احس براحه عمري ماحسيت فيها وتغير اشياء كثيره في نفسي
اسفه طولت عليكم بس حبيت اشارككم معاناتي