نفساني - عرض مشاركة واحدة

12-09-2014, 02:12 PM

مساء الخير
عدنا مجدداً بس بدون اجابات على اسألتك
السبب انا ذكرته وقلت يأتيني الضوء الأخضر عشان اجاوبك وأنتي فهمتيني غلط قلتي لم تعجبني
هذا الكلام كان بالأمس والأمس بعتبر ماضي وخلاص نسيته
الأهم هو اليوم وبكره هذا في علم الغيب
قالوها الأخوه والشيخ حالتك على الرمق الأخير وهذا شي إيجابي ومفرح
مشكلتك بالأحلام المزعجة والتحرشات
صدقيني وممكن اختلف مع الشيخ والأخوة بهاذي النقطه وأعتذر منهم جميعاً
هاذي مو انتي لحالك
حتى انا وأي شخص تحصل معاهم
تحرشات حتى لو تشافيتي راح تستمر حتى آخر يوم بحياتك
هاذي علاجها أذكار الصباح والمسااااء حصن حصين لك والله مايخترق الا إذا اذن الله
لا اله الا الله وحدة لاشريك له له الملك وله الحمد يحيى ويميت وهو على كل شي قدير 100 مره ( حرز من الشيطان ) ومن غير الأجور والثواب الي يرافقها
الكوابيس والأحلام المزعجه انا عن نفسي في حالت نمت وما قريت انواع الثعابين والكلاب السوداء وأشياء كثيره اشوفها
شي طبيعي تشوفينها لأنك منتي محصنه نفسك
الدليل
انا انام على وضوء وأقرىء وأنام احححلى نومه حتىىىىىىىى احلام ما اشوف خير شر نومه صاااااافيه هنيه بفضل الله ولا احلى
اصحى ممكن حدود الساعه 2.30 او 3 وهذا شي طبيعي فينا كلنا اروح دورة المياه اكرمكم الله وأرجع بسرعه انام قبل يأذن الفجر بس هاذي المره ( بدون وضوء وبدون ما اقرىء ) بالغالب انواااع الأحلام المزعجه والغير مزعجه تنفك مثل السيل على راسي حتى اصحى للفجر
توضأي قبل النوم وعلى فراشك على طوووول اقرأي الفاتحه آية الكرسي آخر آيتين سورة البقرة المعوذات ثلاث مرات وبالأخير سورة الكافرون ووووولووو مانمتي بعد ماتنتهين منها سورة الأخلاص عشرة مرات وشوفي وش اجرها وثوابها
بصراحه بالبداية ماكنت اوصل حتى بأوسط آخر آيتين بسورة البقرة الا وأنا بسابع نومه ماكنت اقدر اكملها انام على طول
سبحان الله النوم يعتبر موته صغرى
تخرج الروح ووقت صعودها يحصل امرين
في حالة صعودها ومافيه تحصين وصادفها شيطان والله ياراح يطقطق عليك ويلعب فيك لعب والشياطين منتشره بكل مكاااان
اما لو قرأتي مثل ما ذكرت مستحيييل يتعرضها او حتى يتعرضك في فراشك
وشرح صعود الروح والشغلات هاذي شرحها طويل
سوي هاذي الشغلات وأنا اضمن بأذن الله ماتشوفين شي يزعجك وأنتظر ردك بهاذي النقطه بالذات
بالنسبة للخطاب بأذن الله في حالة انتهت مشكلة تعطيل الخطاب
احذري بالوقوع بالشك بقدرة الله
انتي بنفسك قلتي استخرتي الله سبحانه
ودعيتيه وقلتي له بعظمة لسانك ( اللهم ان كانت تعلم ان هذا الأمر خير لي في ديني ومعاشي وعاقبة امري فقدره لي ويسره ) ( وإن كنت تعلم ان هذا الأمر شر لي في ديني ومعاشي وعاقبة امري فصرفه عني )
ليه تزعلين الحين وتتضايقين ؟؟!!
وربي سبحانه استجاب دعائك !!
هل هذا حسن الظن بلله يابسمة ؟؟
لاتنسي ( والله يعلم وأنتم لاتعلمون )
ترى الخاطب مالكم منه الا الظاهر
اما الباطن علمه عند الله
مو تشكيك بس هاذا الواقع
بعد ماتفرج عنك مشكلة تعطيل الزواج لاتستخيري
احتمال والله اعلم حتى لو ما استخار العريس راح يتم الزواج بقدرة الله
بس تحملي تبعاته لو حصل شي سلبي او يضايقك وغير مرغوب فيه بعد الزواج
يابسمة من استخار ماخاب
والأستخاره لموضوع محدد تكون مره واااااااااااحده فقط .
هاذي نصيحة شخص يرجو الفضل من ربه ثم يرجيلك الخير لك ولغيرك ومحب للجميع
تحياتي