الموضوع: ممكن مساعده
عرض مشاركة واحدة
قديم 19-08-2013, 01:04 AM   #1
حبيبى هو الرحمن
عضو جديد


الصورة الرمزية حبيبى هو الرحمن
حبيبى هو الرحمن غير متواجد حالياً

بيانات اضافيه [ + ]
 رقم العضوية : 44365
 تاريخ التسجيل :  08 2013
 أخر زيارة : 21-09-2013 (02:27 PM)
 المشاركات : 5 [ + ]
 التقييم :  10
لوني المفضل : Cadetblue
ممكن مساعده



السلام عليكم ورحمه الله
اخوانى انا جديد فى هذا المنتدى ولكننى شعرت انه المكان المناسب كى اتحدث فلقد اصقلتنى الهموم وانا اشعر اننى فى دوامه حقيقيه من العديد والكثير من مشاكل ثقيله فى حياتى بعضها استطيع التحدث به هنا والبعض الاخر قد احتفظ به الى ان اذهب الى دكتور نفسانى بدايه انا شاب وبدات معاناتى منذ وفاه والدتى رحمها الله حيث لدى اخ شقيق و3 اخوات غير اشقاء بنتين وولد انا اصغر اخواتى بعد وفاه والدتى كنت تقريبا فى ثانوى عام وشعرت بوحده بعد وفاتها ودخلت الجامعه وكانت هذه المرحله كنت احتاج اى شخص الى جوارى فكنت احاول الارتباط هربا من الوحده التى زادت فيما بعد بعد زواج اخى واصبحت انا وابى نعيش فى بيت واحد واخواتى الاخرين يعيشون فى بيتهم مع امهم العلاقات بيننا طيبه الااننى رفضت العيش معهم فقط لعدم التعود فلم اعرفهم الا على كبر المهم بدءت المشكله الحقيقيه عندما اكتشفت شخصيه ابى بعد مااصبحنا نتكلم كثيرا بحكم انه اصبحنا نعيش فى بيت واحد حيث اكتشفت ماصدمنى وجدت كل معانى القذاره التى يمكن ان تتوفر فى انسان نعم انا فى نظركم الان شخص سئ كيف يتجرا وان يقول على ابيه كلام كهذا صدقونى اتعب كثير من منافقته يوميا فاانا مضطر للابتسام فى وجهه كل يوم لكى ابره ولكننى فى داخلى اقول انك اقذر شخص اوجده الله فى حياتى ولكننى اعامله بالحسنى وهذا مايضغط عليا بشده ساقول لكم مايجعلنى انظر اليه هذه النظره لعلى اجد من يشعر بى او يقولى اعمل ايه هذا الشخص المدعى ابى عندما كنت صغير السن حوالى 20 سنه او اقل كان دايما يقولى شهاده ايه وهتفيدك باايه هو يعمل بالتجاره ويكسب جيدا ومستواه المادى مريح جدا وكان بيملى دماغى دايما بالكلام ده ويقولى بس انت برده تخلص بس ميهمكش اول متتخرج هديللك 50 الف جنيه تشتغل وتبنى حياتك طبعا حصل استهتار منى معرفش ايه سببه ورسبت فى الكليه سنه واتنين و3 ودايما اى محاولات شغل كنت اشتغلها كان يقولى لالالالا بلاش تشتغل دلوقتى لحد متخلص ومتقلقش المهم انى قررت اشتغل مع الدراسه وبذلت مجهود كبير وعملت مبلغ حوالى 10 الاف فى سنتين من العناء الشديد بمجهودى فاذا به فى يوم يقولى انا ببنى عماره وفعلا كان بيعمل كده ومحتاج منك المبلغ ده واعتبره معايا واردهوللك تانى لم اتردد ووقفت بجواره فاذا بى اكتشف قذارته الحقيقيه عندما كان يعطينى مصروف عشان انا كنت لوحدى وكانت مصاريف اكل وشرب بدء يعايرنى بيها حيث كانت الصدمه لدرجه لاتتخيلها عقولكم حيث كان بيحسب عليا المياه والنور الشقه الايجار ايلى احنا فيها ولم حسيت بكده بقيت اقوله طب اخصم من الفلوس عشان بس اترحم من كلامه البذئ لحد مخلصت الفلوس ايلى كانت شايلها فى مده قصيره وقولت مش مشكله وقررت الاعتماد على نفسى وارتبطت عن طريق الكليه ولم يكن الارتباط رسمى وقتها وفضلت ايلى اشتغل بيه اصرفه على مصاريفى الاساسيه ولكنه لم يتركنى فى حالى اذا به انسان حقووووووووووووووود للغايه يجن جنونه ويسود وجهه عندما يرانى اعمل ويفضل يتكلم بنرفزة شديده عندما يرانى اعمل واعتمد على نفسى ويفضل يقولى الشغل هيفيدك باايه وكلام غريب جدا وبلاش تتعب نفسك عشان شويه فلوس وكلام يحرق الدم ليل نهار لدرجه انى جالى قولون عصبى واصابنى تعب فى معدتى من كثره هذا الضغط العصبى ده غير لو اشتدت عليا الضيق واضطريت احتاجله فى مصاريف لازم يبين للناس كلها انه بيدينى عشان يشوه صورتى قدامهم وانا دايما بقول يارب انا صابر بس عشانك لدرجه فى مره تركت عملى بسبب بعض المشاكل وجلست ايام كثيره استلف من الغريب عشان متعرضش لحقارته ده غير انه منافق درجه اولى وهو قاعد يتكلم معايا بخصوص مستقبلى اى حاجه فاشله يشجعنى عليها ولاانه تاجر وذكى ويعرف الحاجه ايلى بتنجح فين كان دايما يرفض اشتغل فى حاجه يحس هو انها هتنجحنى زى مثلا انى اشتغل معاه فى مجال عمله كان بيرفض بشده وعندما يرانى مريض يشعر بنشوه الانتصار ومازاد من الامور تعقيدها اننى تحديته قلتله مش هخد حاجه منك وهبنى نفسى بنفسى ولو هدفع حياتى ثمنا لذللك وهذا مازاد من حقده اكثر واكثر والكلام صعب يوصف وصعب يشرح فمعاناتى اكبر من مجرد سطور تكتب ولكنننى مصر على النجاح ولكن كيف جربت مره اتجاهله ومنفعش على طول يتصل بيا واول ميقولى انت فين اقوله مثلا انا فى الشغل اول كلمه يقولهالى روح يابنى وحرام عليك نفسك وانا فى وسط تعبى وايلى بشوفه من الحياه بقيت حاسس الحمل زايد اووووووووووى وهو يتفنن فى اساليب الكيد مثل النساء ولو واجهنى كرجل كان اشرف له ولكن الحمد لله الذى جعلنى رجلا ولم يحمل دمى صفاته القذره والان قررت خطبه زميلتى وقلت لااهلهم ظروفى وطلعو ناس كويسه ولكنى بلا امل ومعى انسان حاقد ومنافق نعيش فى بيت واحد يحطمنى ليل نهار بكلامه المستفذ ولكنى اظهر له عدم الاهتمام كيف انجح وسط هذه الظروف وكيف استطيع الصبر فانا ولله الحمد ثقتى بالله كبيره وهو يعلم انى ظلمت كثيرا ولكن كيف اتعامل مع هذه النوعيه من البشر يظهر امام الناس بانه لاينام اليل حاملا همى وفى اوقات الشده اول من يطعنك فى ظهرك ونسى ان الله يسمع ويرى
المصدر: نفساني