تعبتني والله هالبنت كيف اتعامل معاها؟

19-02-2004, 06:51 AM

السلام عليكم ورحمة الله وبركاته

يعطيكم العافيه على هذا المنتدى الرائع

اتمنى ان الاقي حل لمشكلة ابنتي( لمى )عمرها 7 سنوات لانها اتعبتني واتعبت نفسها ... مشكلتها انها دايم تقول عن نفسها قبيحه .. لانها سمراء وشعرها خشن مجعد ودايم تقول الناس ما يحبوني .. يحبون سماهر (اختها) لانها بيضاء وشعرها طويل ناعم .......... و دايم تقول عن اي شي تفعله
(( خايس و قذر و مو حلو )) و اي ملابس تلبسها على طول تروح للمرايه وتشوف نفسها تبكي وتقول (انا خايسه وشكلي مو حلو) ... حتى خطها او رسوماتها تقول عنها نفس الشي ... والله دايم امدحها واثني عليها قدام الصغير والكبير وكل اللي يشوفوها يمدحوها ......... واللي يرفع ضغطي اذا ردت عليهم ( وقالت : لا انا خايسه )

حتى اختها سماهر عمرها 8 سنوات صارت من نفسها اذا لبست لمى تقولها الله ملابسك احلى من ملابسي شكلك حلو احلى مني .... وطبعاً ترد على طول .. ( لا انا خايسه )
........... كل صباح لازم اصحي الجيران معاي من صراخها ورفضها تروح للمدرسه بحجة ان شكلها مو حلو والناس مايحبونها و انها اصلا ماتفهم شي .... مع انها ذكـــــــــــــــــــــــــيه .

قلت اجرب اعطيها الثقه بنفسها وتركتها تشتري بنفسها على ذوقها كل شي ملابس اغراض مدرسه و غيره عشان ترتاح ومانفع .
حاولت اخفف شوي من مشكله شعرها الخشن المجعد اللي معقدها .. واشتريت لها كل انواع والوان ربطات الشعر ومانفع.

والله العظيم اني ساعات ابكي بسببها لاني خايفه عليها تنجن او يصير فيها شي .. او تستمر معاها هذي الحاله لحد ماتكبر

ارجوكم اريد حل لمشكلتها.... و كيف اقدر اتعامل معاها ؟
ولكم جزيل الشكر وفائق التقدير والاحترام

::

5

::

5

المصدر: نفساني

27-02-2004, 08:29 PM

مساء الخير

اولا اعتذر عن التأخير في الرد0

عزيزتي ماتعاني منه أبنتك يسمى ( النظره الدونيه للذات )

أهم شيئ تقومي به 000لاتشعريها بانك قلقه ومتوتره دوما"

حاولي أخذها الى أخصائيه نفسيه لتعمل لها برنامج علاجي 0

الله يطمنك عليها واتمنى ان تخبرينا بالنتائج

تحياتي

الذين يشاهدون محتوى الموضوع الآن : 1 ( الأعضاء 0 والزوار 1)

تعبتني والله هالبنت كيف اتعامل معاها؟

السلام عليكم ورحمة الله وبركاته يعطيكم العافيه على هذا المنتدى الرائع اتمنى ان الاقي حل لمشكلة ابنتي( لمى )عمرها 7 سنوات لانها اتعبتني واتعبت نفسها ...