أحس أني مالي داعي بالدنيامدري وش قصتي الصراحه ؟

أحس أني مالي داعي بالدنيامدري وش قصتي الصراحه ؟

السلام عليكم ورحمة الله وبركاته


إلى كل الأخصائيين بالمنتدى المحترم...........أمابعد

مدري وشلون أبدا بصراحه أحس أني تعبانه ماني قادره أشيل نفسي أحس همووووم كبيره كبيره حيل علي ..

أحس بقهر وبنفس الوقت أحس أني ماني طبيعيه بتصرفاتي ..

لاتقولون أني أبالغ لاوربي ماأبالغ ويمكن حالتي أتعس ..

أبقرب لكم سالفه صارت لي قبل أسبوعين ولليوم ماني قادره أنام ولاأنام ألا إذا صارن عيوني حمر من التعب والنوم يجي غصبن عني ..

كنا جايين من القصيم بالسياره وكان فيه حادث بالطريق وعنده حشد مروروناس وناضرت وماتوقعت أني بشوف أنسان ميت مشقوق راسه عقبها دخت وكبت أمي علي مويه وبعد هالموقف صرت ماأنام وكل ماجيت أباكل شي تتراوالي هالصوره قدامي وأحس قلبي يتقطع كلما تذكرت الميت ..

وثاني شي إذا طروأن واحد ميت أحزن فتره عليه حتى لو ماأعرفه ويضيق صدري ..

أتعبتني نفسي حيل أتعبتني ..

والشيء الثالث لو شفت منظر عن فلسطين أوالعراق بالتلفزيون عن مذابحهم أتأثروأتألم نفسياً ..

كم مره حاولت أتجاهل شعوري لكن أفشل ..

حساسيتي أتعبتني ماأدري هل هو مرض أوشيء طبيعي .....؟

تخيلوإذاشفت أفلام رعب عقبهاأنسى أني برقد ويجافي عيوني النوم ..

مدري وش الحل تكفون ساعدوني ..

فمان الله

المصدر: نفساني

السلام عليكم ورحمة لله وبركاته

اختي الكريمة

الذي حدث لك ليس بالامر السهل ومشهد مفزع لك وبعث في نفسك الخوف والقلق ولزالت الصورة في ذهنك تشاهدي هذا الموقف عدة مرات ليس في اليوم وانما في الساعة .

ولا اريد ان اتطرق الى تشخيص هذا الامر ولكن سبق وذكرت لك يا اخيتي ان الضغط الذي انتي فيه والكبت لها حد معين وسوف تفرغي بطريقة ما .( بكاء ، اغماء ، فزع ) فحاولي ان تناقشي امورك مع مختصة تفيدك .

اختي تصرفاتك طبيعية ولا تحكمي عليها انتي اخذي الحكم من عزيز عليك مثلا ( اخوك ، امك ....)

من الحلول السريعة يا اخيتي
1ـ ابتعدي عن مشاهدة هذه المناظر فترة معينة .
2ـ اقطعي تفكير بالمناظر السابقة ( قد تفيدك الاخصائية او الاخصائي )
3ـ تطبيق الاسترخاء .

وشكرا

السلام عليكم ورحمة الله وبركاته

أستاذي مشكور على ردك الوافي وجعله الله في موزاين حسناتك ...

صدقت فيما قلت أنه يتكرر علي بالساعه ويعكر مزاجي ويضايقني ...

أبحاول أطبق الأسترخاء ويارب يفيدن ...

تقبل تحياتي ومشكورمره أخرى ..

فمان الله