ولدي صعب جد ااااااااااااااااااااااااااااااااااا

ولدي صعب جد ااااااااااااااااااااااااااااااااااا

1لسلام عليكم
انا ام ابلغ من العمر 28 سنة عندي ولد واحد عمره 3سنوات وثلاثة اشهر مشكلتي ان ولدي اطباعه صعبة جدا كثير الصراخ مزعج كثير البكاء متطلب ما عنده القدرةعلى التجاوب معي باي شكل من الاشكال تركيزه ضعيف ادا تكلمت معه يعني ادا سألته ايش اسمك يهتز في يدي ويحرك راسه ولايرضى يجاوب الا ادا كان رايق جدا طبعا عصبي الى درجة مخيفة وعنيف اذا مثلا كان يلعب في لعبة بعد خمس دقايق يبدأيضربها ويحاول يكسرها واذ كانت اللعبة حيوان يجيب لها حيوان ثابي ياكلها او يجيب سيارة صغيرة تصدمها ويقول خلاص ماتت ولما اقوله ليش ماما حرام بسرعة يضرربني ويضرب ابوه ومن اطباعه لو ما صار الي يبيه في نفس اللحظة تقوم القيامة(مثلا هو يحب يأكل نودلز ويكون مو جايع مره بس يوقف تحت الفرن ويظل يضرب الخدامة او يضربني لحد ما يخلص الاكل ولازم يأكله حار لانه مايقدر يصبر ولو قلنا له خليه شوي يبرد او حاولنا نبرده يرمي الشوكة علينا :36_1_4:ويظل يصيح ولايقبل يأكل، طبعا غير شروط الاكل الصعبة الي ما تناسب عمره مثلا لازم يكون الاكل فيه فلفل ولو ماكان فيه يقوم البيت كله،طبعا مايقبل يشارك اي احد اكله لدرجة انه ممكن لو اي طفل يشاركة لو حبة بطاطس يرمي الاكل ويضرب ويطالب بواحد جديد طبعا حتى انا امه وابوه ممنوع علينا مشاركته الاكل ،حاولنا نغير الطبع بالاقناع والكلام لكن ما يتجاوب ابدا ولاكأنه يسمع وعاقبنه مرات ان نأخد الاكل ونقوله مافي اكل الا بالمشاركة وحاولنا نعلمه ان الاكل ما يخلص وان ادا شاركت الناس اكلك نعطيك اكثر طبعا كل الاساليب ما تفيد واحنا نحترم طبعه ولانمد يدنا على اكله بس المشكلة ان احيان كثيرة تصير هالمشكلة مع اطفال من عمره ويضربهم ويكون الوضع محرج جدا ،احيانا يأخذ الاكل من فم الناس اذا خذوه منه الاكل ):004:
طبعا اذا جاء لزيارتنا اي ام ومعاها طفل رضيع يضرب الام ويطالب ناخذ الطفل ونخلية عندنا لدرجة انه مرة كنت في غرفتي وجاب لي خدامة مع طفلة رضيعة وقال هذا حق ماما (طبعا الخدامة ما تعرف شالسلفة شايلة الطغلة ويمشيها وراه بالقوة)
طبعا تركيزه ضعيف معاي يعني ما يتجاوب ابدا وكثير الحركة ،كل الي في عمره يتجابون مع امهاتهم وهو الوحيد الي لا ،مع انه تركيزه عالي في اشياء كثيرة وشاطر مثلا لما كان عمره سنة وثمانية شهور جاب لي كتاب حروف واشر على حرف الدال وكان يقولي ماما دال وهو ماكان يتكلم الا كلمات بسيطة واكتشفت انه من قناة سبيس تون وخلال شهر واحد كان يعرف كل الحروف العربية تقريبا طبعا بمساعدتي وكان كل يوم يجيب لي الكتاب ويقول لي ماما ابي ادرس والان يعرف اغلب الحروف العربية ةالانجليزية ويطالبني اني ادرسه ،يعرف يستخدم الفارة في الكمبيوتر ويلعب في السي الدي الخاص فيه ويغرف كيف يشغله،اذا رحنا مكان بالسيارة ثاني مرة يكون قادر على اكتشاف بعض الشوارع خصوصا اذا مكان يحبه يحفظ الطريق واي اختلاف في االطريف يضرب ابوه وهو يسوق، ومن هوايته انه من عمره سنة واحدة يميز بين انواع السيارات وطبعا الموضوع كان في البداية بين سيارتين وثلاثة ولما صار عمره سنتين كان يميز بين اعتقد عشرين سيارة (اشياء انا ما اعرفعها )طبعا بسبب اخوي الكبير(38سنة)وولد اختي الكبيرة(21سنة) طبعا لان اخوي حنون يظل يتكلم معاه ويعلمه انواع السيارات فصار مهوس بالسيارات زيهم لدرجة انه يطالب ابوه بتغير نوع ولون سيارته ومن عمرة سنتين ونص يطالب ابوه انه يسرع (يدوس على قولتة)طبعا بسبب معرفته بالحروف والسيارات وهو عمر اقل من سنتين ونص الشي هذا خلاه محط انظار البيت لغترة. (انا احترت معهاه احس احيانا انه ذكي واحيانا احس انه عنده مشكلة بسبب قلة تركيزه وعدم تجاوبه معي )
عرضت مرة مشكلته على عمة اخو ابوه(طبيب نفسي )بس ما اعطاني اي جواب لانه اطباعه خارج البيت مختلفة جدا وهادى لدرجة انهم يشوفونه(اهل زوجي ) طفل محدود الذكاء جدا لانه مايحب يروح لهم ويبكي كلا مرة نروح بيتهم واحنا نحاول نرغبه فيهم مثلا نوعده بلعبة او مكان يطلع فية اذا قبل يروح معانا.
الفترة هذي عنده اهم شي التلفزيون لدرجة انه ما يبغى يطلع اي مكان ويتابع اشياء غريبة مثل مسلسلات كويتية للكبار ويطردني اذا حاولت اتكلم معاه ويقول انا ابي اشوف مسلسل روحي واذا كان قاعد على التلفزيون ما يسمع اي شي ولا يبعد عينه عن التلفزيون واذا خليته ممكن يقعد عشر ساعات بين افلام كارتون ومسلسلات كبار .:36_1_25:
طبعا هو كطفل قوي الجسم جدا(قبل ستة اشهر ضربنني برأسه على عيني وظلت لونها ازرق لمدة اسبوع)طبعا الكل من صغار وكبار يتجنبون الاحتاك فيه ،حاولت اتكلم معاه كثير بس مافي فايده انا اعترف اني السنة الي فاتت ماكنت مهتمة فيه بسبب ان ابوي الكبير في السن(83سنة) تعرض لمشاكل صحية كبيرة وتعرض مرتين للموت بعد مضاعفات العمليات بس الحمد لله قدرة الخالق اعظم والوالدة كبيرة فكنا ومازلنا انا واخواتي معاهم ونحاول نساعدهم ،بس انا الحين افكر بكل الطرق احسن من اطباعه بس مو عارفة ايش الحل لانه بدا يزداد صعوبة مع دخول بنت اختي وصديقته (5سنوات)المدرسة وانشغاله عنه طبعا هاليومين متعلم انه يبصق اذا ما عجبه تصرف اي حد وصاير يعتبر اي لعبة تعجبه عند اي حد من النا س لعبته ويقولي ماما عطيني لعبتي يعني ينسبها له على طول واذا ما اعطاه الطفل اللعبة يستخدم اسلوب الضرب وبعدين يجيني يبكي وما يتعب من البكاء يعني يظل يبكي ساعات والوضع يكون غير مطاق بالنسبة لي او لابوة المشغول في السنة الاخيرة في التخصص حاولنا نعاقبه بأسلوب ان نقوله روح الغرفة واقعد فيها لمدة خمس دقايق مثلا لكن نكتشف ان هو ما عنده مشكلة يقعد عادي لمدة نص ساعة ويعتبر ان الموضوع لعبة لنه مو مستوعب العقاب والغريبة انه احيانا اذا زارونا بعض الاطفال نشوفه يطبق عليهم العقاب .
اذا شافني انا وابوه نتناقش لونقاش بسيط بس جدي يمسك راس ابوه ويقول له بوس ماما واذا ابوه مانفذ يضربني انا وابوه .لا تعليق
طبعا انا وزوجي عايشين عند اهلي الفترة الحالية بسب ظروف والدي الصحية وبسبب انشغال زوجي في دراسته وبالذات السنة الماضية الي كان فية زوجي في الرياض علشان يكمل تخصصه وطبعا كثرة مناوبته (طبيب تخدير)وعلاقتي انا وزوجي ممتازة جدا ونحب بعض ومتفاهمين على كل شي ونادر ما نختلف على شي وحياتنا رايقة جدا ومؤجلين موضوع الانجاب الى السنة الجاية انشاء الله،طبعا ولدي مش وحيد المنزل اختي عندها ولد(9سنوات)وبنت(5سنين) ودائما هم في بيت امي ومتعلق فيهم كثير طبعا ما يسلمون من الضرب بالذات البنت لانها ناعمة كثير.
متأسفة على التطويل بس ابفى الصورة تكون واضحة جدا واتمنى تدلوني كيف اتعامل مع مشكلته او هل يحتاج لاي مراجعة مع طبيب 11sooryمختص؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المصدر: نفساني

غريبة مافي احد رد علي او انتو العادة تتأخرون في الرد ,يمكن انا طولت عليكم بس لو سمحتوا نا محتاجة اسمع ارائكم لاني بعد رمضان بدخله المدرسة واخاف من سلوكياته مع الاطفال .

اختي ASOONY

لا تقلقي علي طفلك كثيرا فهذي المرحلة عادية ولكن تزيد عند اطفال عن اطفال ، وانتي وابيه يبدو انكم كنت مهتمين فيه كثيرا ، ومدلعينه كثيرا ، ودخل مرحلة هذي وهو يعرف انه هو وبس في حياتكم فدلعكم واهتمامك الكبير فيه هو اللي خلها يكون بالصوره هذي فصراخه وعناده كلها نتيجة انكم دربتوه علي انه ياخذ اي شي يبيه لو بالبكاء والصراخ ،
فمحاولتكم لتغير سلوكه الان لن تكون مجديه الا اذا دخل المدرسه سوف يتغير وتستطيعون ان تغيروا في سلوكه ، ولكن ما ان يدخل المدرسه راح يتعبكم او اسبوعين بس حاولوا تصبرون عليه ، وتخلونه يداوم ولا يغيب ، طبعا راح يسوي ويستخدم كل الطرق اللي يعرفها عشان يرجع لبيته اللي يقدر يعمل فيه اللي يبي ، بس انتم لا تستسلمون لرغبته وحاولوا تنزلونه بالمدرسة وتمشون وتخلونه يواجهه حياته الجديده التي سوف تجعله يتغير خصب عنه . ( والله يعين المدرسين في المدرسه اول يوم راح يتعبهم معاه )


خالد :)

شكرا جدا وانا كنت ابغى اطمئن ان الولد ما يعاني مشكلة لاني كنت شاكة في مرض
(معلوماتي مو اكيدة ) يعتبر نوع من انواع التوحد شايفته مرة في برنامج علمي ويكون الطفل ذكي في بعض الاشياء بس ما يكون طبيعي في حركته وكانوا يطالبون الامهات من الانتباه على هالنوعية من بدري علشان التعامل المبكر مع الوضع يكون افضل ,
بس الحمد الله طمنتوني عليه وان اثق في خبراتكم في التعامل مع الاطفال.


شكرا

طفل التوحد تختلف ولا تنطبق نهائيا علي ولدك.
خالد