أنا ما أبكي

أنا ما أبكي

السلام عليكم ورحمه الله وبركاته ..

أنا تعبانه واستغرب ما أبكي ولا أصيح أبدا تمر فيني مشاكل كثيرة تستحق الصياح والصراخ لكن تعرفون شسوي أقعد ساكته ولا أصيح ..
دايم أجلس عند المرايا وأناظر روحي وأسكت ,, ودي أصيح أول كنت عند المشاكل تجيني الصيحة خلاص لكني أكتمها وأبلعها وأفوز عليها دايم وألحين خلاص حاسه أني بنفجر , وماني قادره أتخلص من المرايا غرفتي كلها مرايات ولا من زود الحظ أنا أتأتا بعد بس بعالج منها ,,ولا أحد يعرف شكل دموعي ودايم يقولون لي أني قويه ويا جبل ما يهزك ريح أحس أهلي يهتمون في أختي إلي أصغر مني أكثر مني لأنها حساسه وعند أبسط مشكله تصيح وما يبون يزعلونها وأختي الثانيه الكبيرة ما يرضون أحد يزعلها لأنها مريضه ..
أما آنا القويه عادي ما يأثر فيني قلبي صخر أزعل بكرة أرضى من كيفي,,
ليش ما أصيح ليش ما أخلي أحد يشوفيني أصيح ياريت أسير نفس أختي ....وفوق هذاكله جالسه بروحي أنا اجتماعيه انطوائيه في نفس اللحظة أحب أجلس بروحي عند المرايا ولا وبعد خيالي واسع ما شاء الله علي ؟؟ ): عندي أسخاص في خيالي عايله جديدة ,,,
بسألكم أنا فيني حاله نفسيه وإلا عادي ؟؟ وليش يسير فيني كذا
آسفة إذا طولت

المصدر: نفساني