بليز دكتوره تساعدني الله يسعدها دنيا واخره

بليز دكتوره تساعدني الله يسعدها دنيا واخره

السلام عليكم ورحمه الله وبركاته ...

اولا..
يعطيكم العافيه على هالموقع وهالجهد المبذول فيه وعساكم على القوه ..

ثانيا..
مشكلتي بدت من كنت مراهقه ماكان عندي بالديره الي انا فيها الحين لا قريبه لي واهلي كلهم بديره ثانيه ... قريبتي تعرفت على شاب عن طريق الانترنت و حببت هالشغله لي,, لي تعرفت على شاب عن طريق الانترنت مادمت معاه الا سنه اغلبها بالنت والباقي لما تطورت العلاقه لي التلفون,, طلب مني ان يشوفني وكنت ساذجه ووافقت وتقابلنا بمجمع لكن كان الشوف من بعيد لي بعيد وخفت اقرب منه .. طلب من بعدها الحرام ومارضيت حاولت اخليه يشيل الفكره مو علشاني علشانه,, شاب وحرام الي يسويه بنفسه مارضى فقطعت علاقي فيه على طول ... خطبني قريبنا بعد ماتخرجت من ثانوي وبسرعه تمت السالفه ومع حنه الاهل وافقت وقالوا لي بترجعين بين اهلج بالديره الفلانيه... كانت الخطوبه مجرد كلام ... بس بعد اسبوعين رديت في كلامي لاني مو مرتاحه من امه .. ومن قبل كانوا معشميني بقريبنا الثاني انه يبيني لمده 3 سنوات وانا كنت باعدادي لي ما اكتشفت انه يحب وحده وناوي يتقدم لها ... طبعا حزتها انكسر قلبي ... وانكسر لما اكتشفت ان الولد الي تعرفت عليه مايحبني بس طلع يبي يمارس الحرام ,,, وثالث كسره لما الاهل كلووني لما رجعت بكلامي... ضعفت وتعبت نفسيا وماكان لي احد اكلمه حسيت اني مقطوعه من شجره .. دخلت الجامعه ... وكان في واحد يحاول يتقرب مني من نفس العيله واصله مثل اصلي حنيت لديرتي لما شفته وتعلقت فيه وايد وحبيته من كل قلبي وعرفت عنه كل شي حتى فصيله دمه... بنيت امال وحسيت ان السالفه قريب وتوصل الزواج بس مره وحده تغير وتعلق قلبي فيه اكثر واكثر... تعرفت على شاب بالانترنت من ديره ثانيه وكان مثل اخوي ينصحني واشاوره في اموري ... اكتشفت بعد سنتين ان الولد الي معاي بالجامعه الي احبه انه مالج... تحطم قلبي للمره الرابعه ومالقيت الا الشاب الي بالانترنت يشيل عني همي وماقصر معاي كان لي اكثر من الاخو,, اقص عليج وعلى نفسي لي قلت لج اني ماتمنيته بعد وهو كان يجيب لي سالفه انه يبي يخطبني بس غشمره وانا بداخلي اتمنى هالشي بس مابي اقط روحي... تعرفت على غير وغير وكنت امسح منهم واخلي ومااعرف شابي بالضبط لي فكرت عدل ان هالشي غلط(مع ان التعرف كان مجرد كتابه وماكانوا يعرفون عني الا عمري واسمي) ... صفيتهم لي تم لي اثنين .. الي مثل اخوي وواحد اصغر مني ب 5 شهور حبني من كل قلبه وطلب مني الزواج وكنت احاول اصعب السالفه عليه لكنه يسهلها ويقولي ربج كريم بيفتحه بويهي ... وتيي ايام وانا اقوله خلاص خل نفترق احسن لنا بس اهو يتمسك فيني اكثر واكثر لي كلم اهله عني وقالي انه يبي يتقدم لي بس يخلص الجامعه بعد جم شهر ويشتغل علشان مايخلي حجه لابوي انه يرده بحكم ان ابوي مايرضى يزوجني من دوله ثانيه لانه يبيني يمه ويخاف علي انا يوم شفته تعلق فيني حسيته انه اهو الانسان الي ادوره .. صج ما احبه يمكن اعزه بس مو حب لان قلبي انكسر وايد وموب ناويه اكسره بعد ... وافقت ,,, وقالي خلي السالفه علي انا بتصرف وادور حجه اني عرفتج منها علشان اتقدم واجاوب اهلج فيها لي سالوني... واهتم فيني بدرجه كبيره مع ان علاقتنا ماتتعدى الكتابه .. وردت صحتي مثل اول وشكلي مرتاح اكثر من اول ..

المشكله يادكتوره... ماعدت اوثق بالي حولي حتى هالشاب مع انه متمسك فيني وادري انه يحبني بس ما اثق فيه ولا اثق في احد ولا اقدر اقول السالفه لحد ... دكتوره تعبت ... اشوف البنات راعيات السوالف قايم لهم الحظ وانا بنت البيوت الي ما قط عرف احد اسمي كامل ولا احد سمع صوتي ولا حتى ارفع عيني بعين احد مالي حظ واخاااف اخذ خطوه علشان استقر مع هالشاب .... وماناقصني شي عن غيري الحمدلله مال وجمال ودلال وبنت ناس معروفين...

شوري علي دكتوره لاني صج ماعدت اثق في احد داايما اشك بالكل وانهم جذابين وان محد يصدق ومافي حب خلاص والدنيا كلها لعب ... مع اني اشوف واسمع عن قصص حب ناجحه ... دكتوره انا ما ادور لي قصه ورديه اعيش فيها .. ابي استقر مع انسان يحبني بس ,,,

بليز ردي علي ... واذا تبين تفاصيل اكثر برسلها لج بس قولي لي ...

المصدر: نفساني