بخيل وبيموتني :(

بخيل وبيموتني :(

السلام عليكم

انا مشكلتي يا جماعة الخير ان ابوي بخيل
ابوي ابخل انسان في الدنيا << السموحه يا الوالد >>
بس ابوي احس اني لما اجي اطلبه فلوس كأني اطره
هو عنده خير والحمد لله وهذا الي قاهرني


ابوي في كل شي كامل ولا حلى منه إلا في الفلوس


الناس يسافرون في الإجازه الصيفيه واهو حابسنا في البيت خايف من المصاريف ويتحجج بإنفلونزا الخنازير :(

طيب في هذي نقول يمكن صادق

انا عمري 16 وكل البنات الي بعمري معهم جوالات ولما اطلبه يقول وش تبين به ما يحتاج والي فاقع قلبي ان معه اجدد جوال :( واخوي الي اصغر مني معه جوال


يعني انا ما اقول اني احسده ولا شي الله يخلي له جواله بس انا بعد احس بنقص لما البنات يتكلمون حنا سافرنا دبي وحنا رحنا لبنان وحنا بلندن ولما يسألوني اقول في بيتنا ... آآآآآآآآآآآآآآخ آآآآآآآآآآآآآخ احس بنار جواتي :(

ولا بعد ازيدكم من الشعر بيت لما نطلب من المطعم ولا شي يعصب علينا ويقول كأن البيت ما فيه اكل .. وجت مره رحنا لمطعم وجالسين ناكل المهم انه دخل نفس المطعم بس ما شافنا وراح اخذ الطلب ومشا وحنا نشوفه ياخذ اكله يعني هو حلال عليه وعلينا حرام

طيب نقول خايف نتسمم << مع انها ما تتصدق بس ما عليش نصدق


ابوي الله يخليه لنا ويطول في عمره يآخذ اخواني الأولاد ويمشيهم ويجيبهم ويقول لهم لا تقولون لخواتكم : <<عشان يمكن الضاهر نثقل على السياره ولا شي .. ولا انه لو ودانا للمنتزه معهم ممكن يصرف كم ريال زياده على الدخوليه :(



لما البنات يوروني الأشياء الي يشترونها لما يسافرون ولا يقولون لي عن مغامراتهم الي تصير هناك ولا مثلا يروحون للسوق مع بعض وينادوني .. انا اتحجج انو مريضه ولا بنوم ولا بنطلع .. يعني انا كيف اروح وما معي فلوس ولو طلبته قال ما يحتاج


اكثر مبلغ عطاني اياه 50 ريال وربي ما ابالغ


يا ناس شوفوا لي حل لي 16 سنه وما عمري طلعت برا السعوديه ابي حل لبخل ابوي انا تعبت مثل ما قالو العين بصيره واليد قصيره

ويا كثر المواقف الي تصير وما اقلت لكم إلا بعضها

:(


هل فيه حل للبخل هذا ؟
وإذا ما كان فيه ما عليش اهم شي فضفضت حبتين :)

سآآآعدوني

المصدر: نفساني

للأسف إلى الآن لا يوجد في المنطقة العربية دواء للوضع الذي تشكين منه

فيه دواء شعبي قديم إسمه ( نصبر شوي لين نتزوج )

الأدب مع الوالدين هو دواء أيضا ومنصوص عليه في ديننا الحنيف



مع النحية ،،