عاجل..الجزءالأول

عاجل..الجزءالأول

لااعرف من اين ابداقصتي احتاج من يقف معي ويساعدني روحي تتمزق في اعماقي قصتي تبدا منذولدت يتيمه الابوين رغم انهما مازالايرتعان في الصحه ولدت وانا كبرى الابناء ووجدت نفسي وحيده الوالد عسكري لايعرف للحب اوالرحمه طريق لقلبه ساعطيكم نبذه عنه لقد سيرني قبل مجيئ اخوتي على نظام لايعرف للحل طريق ولاللحوار منفذ لقد نشئت في جو كله ضرب الوالد يمزق جسدي بعلاقه الملابس الحديد يلويها ويمزق جسدى لاتفه كلمه اوحركه مثلا عندما كنت في الصف الثالث الابتدائي كنت العب ورجلاي امامي فجائت قدمي على وجهه ولن تتخيلو ماذا فعل وكيف مزق جسدي لانه ظن اني اتعمد وضع رجلي بوجهه لم افهم انه يقصد اني وجهت رجلي لوجهه ممنوع الخروج من البيت من سن رابع ابتدائي و استخدام التلفون منعا باتا لم يكن لي غيرمخده اضمها لي عندما اخاف منه كان يقوم في الليل ويفتح علينا الباب بقوه ويحدق بوجوهنا ليتأكد اننا نائمون عدا كرهه لامي واهلها لقد كان يعطينا محاضرات عن اهل امي ونذالتهم لقد تزوج امي رغبه في مالها رغم جمالها ولكن اخوالي لم يعطوه مثل ماتمني فكرههم وكان يضرب امي ليل نهار ليغطي حقده علي اهلها وهي دائما تمدح رجال اخرين امامنا وتتمنى لو لم تتزوج ابي لانه فنظرها لايستحقها لانه ليس من مستواها فالشكل او الماده بالاضافه لانه لم يكن مرغوب به ورفضوه ملايين المرات و تقول انه سحر والدها ليقبل به لانه فجأه قبل به وجبرها عليه و يعلم انها لاتريده فدفعنا الثمن لم اكن اخذ مصروف الافي الابتدائيه ريالان ولايعترف بالطلبات الشخصيه كنت اجمع من فلوسي واشتري قصص اطفال رغم ان راتبه كان يتعدى الثمانيه الاف وفي المتوسط لم يعطني غير شهرين اوثلاثه طوال السنه وعندما نطلبه يقول خذوا من البيت وياليت يوجد في البيت شيئ كانت الوالده تذهب لاهلها كل صيف هل تعلمون ماذا نلبس بقايا خالاتي واخوالي يضعون ملابسهم في اكياس **اله ويقولون خذواللي تبغون وخلو الباقي للخدامات هل تصدقوون ابي لديه محل ملابس ونلبس بقايا الناس عندما طفش الوالد من العسكريه فصل واخذ حقوق الفصل كامله وقالت له الوالده اشتري بالفلوس بيت قال هذا اللي باقي اشتري لك بيت انت وعيالك ماحد سوا لي بيت عشان اسويلهم واخذ الفلوس وسافر 10دول ابوي يتمشى في البلدان واحنا نلبس بقايا الناس مع العلم انه فتح محلات تجاريه ولكنها خسرت عشنا مذلوليين للناس والفضل لابي ولم يكن يفكر غير بتحطيمنا مثل ماحطمه والده ووالدته بطلاقهما المهم ابوي اخذ من اخوي وسيله عشان ينتقم من امي واحنا الضحيه كان طول الوقت يحرضه علينا يعلمه على كل شي حتى لو تكلمنا مع بعض يروح يقول له ويجي الوالد يسأل اش كنت تتكلمو فيه تصدقون جات الوالد فتره يضربني اذا لقيني اسولف معها ويقول انت تساعدينها يقول له اختك هذه كسرها اذا رفعت عينها فيك وهل تعلمون اني اكبر منه ويقول له انت الرجال وريهم العين الحمره وقول لي على كل شي يسوونه جاب له الالعاب وانا لما ابكي يقول لي البنت لها البيت وشغل المطبخ تعرفون كم كان عمري خامس ابتدائي في العيد بغيت اروح المراجيح قال لوتموتين ماعاد فيه طلعه من البيت وفعلا ماعاد فيه طلعه عشت على الضرب من ابوي واخوي ولما فشل اخوي في مهمته وبدأ يطول صوته على ابوي وحاول يضربه اشتكاه ابوي في الشرطه ورماه بره البيت ومن يومها صار يدرس في منطقه ثانيه وقبل مايطلعه من البيت كان يقول انت العين اللي اشوف بيها صار يقول لي ان بين امي واخوي علاقه استغفر الله وان لازم اكشفها انتقام منها لانه يظن انها انتصرت عليه بالولد واخذته منه قبل مايفشل ولده في مهمته كان فخور بيه لدرجه وانا في الجامعه واتصلت اخذ النتيجه بالتلفون وولد خالي عندنا ضيف ويصير اخوي بالرضاعه قام وضرب وجهي صار لونه بنفسجي وعيوني تنفخت تدرون كيف ضربني بكوس الى ان اغمي علي وجا ولد خالتي وفكني منه ولما جاء ابوي قال احسنت لازم تتأدب مين سمح لها تشيل التلفون وانا اقسم لكم بالله عمري ماكلمت ولد ولاافكر لاني اكرههم اكره كل الرجال وماننسى الضرب بالخيزرانات المضحك المبكي ان الوالد كان يلونها ويسميها ويجي يسألنا اش رايكم معتقل صح؟لاطفال عمرهم العشر سنوات اخوي كان ينضرب زيي بعدين غير الوالد فكرته لانه يبول في الفراش من الرعب وحاول يستفيد منه بطريقه ثانيه وهي التجسس ومحاربه امي نجي لدور الوالده في المسرحيه الوالده اكبر البنات كان كل شي على راسها في بيت اهلها وكانت تفتخر انها ست بيت من الرابع ابتدائي وتقول لازم تصيري زيي كانت تحط كرسي عشان اغسل مواعين من الصف الرابع لاني ما اطول المغسله و تجبرني اغسل الحمامات بعد ماأجي من المدرسه وكنت اقرف و ابكي واترجاها وهي تصك علي الحمام وتقول غسليه ولاماتطلعين كل الكنيس علي والسفره وترتيبها وترى كانت تهتم الي الثاني ابتدائي بدروسي وبعد كذا صارت تذاكر لاخوي لان ابوي يهاوشها اذا ماذاكرت له كانو اهلها حياتها كل واحد منهم له مصيبه اذكر وانا صغيره جاو زياره بيتنا وكنت امزح مع خالي وضربته على ظهره تصدقون جات جدتي ام امي وعيونها شرار تقول كل هذه الضربه على ظهره وانا كنت امزح و الضربه كانت عاديه بين طفلين يلعبون ولما صقطت في الجامعه كانت تتطنز علي هي وخاله امي ويقولون اذا انت فاشله في هذا القسم لاتعورين قلب امك اطلعي منه وانا الحمد لله الحين في افضل وظيفه وغيره كثير والخالات اسمع من بناتهم حش فيني على لسان بناتهم تصوروا يتريقون على لاني رافضه الزواج ويقولون الله لايبلانى يكفي فلانه ماتزوجت الى الحين والخيلان العن واحد منهم بغى يموت يوم استلفت من زوجته كاميرا سألته شلون تشتغل جن وقال من وين جبتيها ومين سمح لك تاخذيها قلت زوجتك سلفتني اياها نزل عليها ولعن خيرها ليه تعطيني الكميرا رغم انه اكل وشرب في بيتنا ووالدي ماكان يحبه بس انا مالي ذنب ينتقم مني !!!اعمامي مااعرف اشكالهم بالسنين نروح ونرجع ولااشوفهم طبعا امي حياتها اهلها لانهم يصرفون عليها الوالد مايعترف بمصروفنا وفي وسط المعمعه هذه ووسط دموعي تقربت لي واحده في المدرسه كانت تشوفني دايم لحالي ودمعتي على خدي تقربت مني فتحت لها قلبي وحبيتها بصدق كانت القشه للغريق اصبحت هي كل حياتي اقسم بربي اني لم اعرف معنى الحنان الابقربها كانت تصرف علي من مصروفها عشره لها وعشره لي تشتري لها ملابس ولي مثلها تذاكر لي تطبخ لي كل مااشتهي بكيت على صدرها كثيرا وسمعتني بكل عطف وحب لم تبخل علي اقسم بربي ان ابي كاد يبكي لانه دفع مائه وخمسين ريال في يوم تسممت فيه من اكل فاسد وهو يصرخ بصوته الساعه الثالثه صباحا في الطوارئ ميه وخمسسييين!!!!بعد ان ضربوني ابره واعطوني مغذي بعد نوبه الاسهال والاستفراغ التي اصابتني الفلوس ام انا سؤال تردد في ذهني طبعا الفلوس وصديقتي بل رفيقه دربي لم تبخل علي حتي بالهواء الذي تتنفسه عرفت مأساتي ووقفت جواري لم ولن تتخلى عني المره الوحيده اللي اذكر ان ابوي خذني المستشفى هي يوم قالو له في المدرسه ان بنتك في براسها شي كانت يجيني صداع وما زال شديد لدرجه التخدر التام واخيرا قص لي نظاره ومن يومها ما يدري عني تصورو عندي حجار في المراره من خمس سنوات وهي تحاول ان تأخذني للمستشفى لكي تكشف علي ووالدتي ذات المال اطلبها فقط ان تذهب بي للمستوصف عندما تأتيني هذه الحاله وهي تقول نامي على بطنك وهي تخف!!! تصورو صديقتي تبكي وامي تقول شوي ويروح الالم مافيك شي ؟؟؟مات قلب الام وهذا غير الدفتر وهو دفتر الوالده في سنه من السنوات صقطت لمرتيين متتاليه ولم يكن لي في الجامعه مكافئه ولم يكن عندي ما اصرف وتغيرت كل المناهج في تلك السنه واحتاج ملازم فكانت تعطيني لانه مستحيل يعطيني وتكتب في الدفتر كل ريال تعطيني وبعد ان توظفت تقول رجعي اللي صرفته انا صرفت عليك ملابس واكل وملازم انا مش مسؤوله الاب غير مسؤول والام غير مسؤوله لكن الحمد لله الذي ثبتني بالصبر كيف ارجع لها اواتذكرهم بشيئ احس انهم لايستحقون وهم ناقمين علي لاني استلم راتب الف ريال ولااعطيهم اعطي مين ؟؟مااحس تجاههم بأي شي غير الكره العميق تصوروا ان الوالد يوم تخرجت قال لي شوفي مكان في الديوان بعيد عنا ماباقي غير نصرف عليك وتحجزين غرفه فبيتنا نحن محتاجينها !! المهم صديقتي اصبحت كل حياتي اسكت طول الوقت ولما اشوفها في المدرسه اسولف لها عن كل شي بحياتي كنت اتكلم مع الوالده لاكن عرفت من هي كانت تحاول كسب ود الوالد عندما تخبره عن .......تابع الجزء الثاني

المصدر: نفساني

كل شي مره بكيت اسبوع اتمنى صديقاتي يزوروني زي مايزورون بعض طبعا انا ممنوعه من الزيارات المهم وافق الوالد وعزمتهم وكان يوم عيد عندي اخيرا بصير مثل البنات وكنت انظف البيت وامي تقول كل هذا عشان صديقاتك بيجون ولان بيتنا بسيط وكل شي فيه قديم كنت ابذل قصارى جهدي عشا ن يبان نظيف على الاقل وماكنت فاهمه نظره الحقد اللي في عيونها لان والدها عمره ماسمح لها بالخروج من عتبه الباب المهم كانت طول الوقت تتسمع من عند الباب وسمعتني وانا اقول للبنات اسمعو هذه الاغنيه ليه ماترقصون وهي ماصدقت قالت للوالد وهو حرم علي من يومها احد يدخل عندي كنت ابكي واقول لها كلميه عشان يسمح لصديقاتي يزوروني وهي
تقول ماله داعي ماراح تموتين من دونهم و عرفت ان هي ورا المقلب ولاتبت مره اشتريت تلفون ووريتها وكانت تاخذه تكلم فيه جاراتها اذا الوالد تهاوش معها وشال التلفون عشان ما تكلم اهلها وفي مرات كان يصادف ابوي نايم واكلم صديقتي اسأل عن واجب واشبك التلفون وانا مرعوبه وفجأه يطلع لي احد على الخط من اهلها واتطر اسكر بوجهه غصب عني لاني اخاف ارد وننفضح ان عندنا تلفون المهم راحو اشتكوا على امي حركات نذاله وقالو ان فيه احد يسكر بوجهناو كانت حاقده لاني كنت اقول اني مالقيت معك الحنان ولاالحب ولقتها فرصه عشان تنتقم وقالت لابوي ان عندي تلفون واني ارفع السماعه واسكرها بوجه اهلها ومن يومها سدت الفيش بغرفتي و ابوي فصل التلفون عن البيت كله الافيش واحد مكان جلوسهم واحسست اني ارغب بالانتحار لولا لطف الله بي احببت صديقتي وما زلت الي درجه تعلقنا ببعض انني لااشعر بوجود العالم والراحه الامعها هل تصدقون ان اخي الصغير الذي خدمته بعيوني وهو صغير اذاكر وأكتب له وحتي وسائل الايضاح و كراسه الرسم انا التي ارسمها له و يأخذ جوائز وعلامات كامله ا هذا اخي الثاني عندما اطلب منه شيئ صغير تافه من البقاله يرفض بشده لدرجه اني عندما احتاج اشياء ضروريه شخصيه اذهب للبقاله بنفسي دون علم الوالد واركض في الشارع مذعوره وهو يجلس في البيت ولايهتم او اطلب صديقتي وهي ماتقصر تجيب لي كل ماتمنى ومره حصل خلاف بيني وبين الوالده على البيت اقسم اني اجيئ من المدرسه علي شغل البيت بلانوم ولاراحه ومع الامتحانات لايوجد لدي وقت حتى انظر لوجهي اجيئ الثانيه ظهرا واشتغل حتى الرابعه واذاكر الى التاسعه وبعد ذلك انام ممنوع السهر مره فتح علي الباب الوالد وقال سهرانه ليه قلت اذاكر قال نامي يا-- عندك بلاوي مش امتحان وياليته صدق لكي اشعر براحه المهم الكلام الوصخ عادي جدا سواء من الوالده اوالوالد للعلم الوالد ملتزم والوالده تتصنع الالتزام عنده وعند اهلها عادي الدش وسماع الاغاني والافراح وعندما تجد نا نسمع مسجل الشيئ الوحيد الذي يسلينا تنفجر وكأن الدنيا توقفت اخي المريض نفسياذهب ليدرس في منطقه ثانيه وارتحت منه لاكن طرا بعض التغير عليه عندما يأتي لزيارتنا صار اهدى شوي واول ماعرف ان تخرجت جاء وافتعل مشكله وهديته كانت دفه بوجهي ما الومه حقود فاشل يطلع حقده في صوره مشاكل المهم توظفت واول شي قالته الوالده اطلعي من الشغل امسكي البنت اصغر عيالها وانا اعطيك فلوس زي الخدامه تعطيني عشان تحط في الدفترواقعد اسدد والوالد يقول في مره لاتخلينا نطلعك من شغلك ونقعدك في البيت المهم صديقتي هذه سترى وغطاى تصدقون لاراحت مع اهلها مطعم لازم تجيب لي من اللي اكلت و تقسم نص الساندوتش او الهمبرجر وتجيبه لي وامي تعطيني بقايا اخواني لاني اجي متأخره من الدوام ولاعمري جيت لقيت لي صحن اهم شي عندها انظف البيت واصير لها خدامه وياليت عاجبها دايم تقول لي وع اش هذا الشغل وانااسوي المستحيل عشان يعجبها هي تطبخ ماياكله المريض وتعدم كل الدنيا وكانها تنتقم مني لاني اروح العمل و تقول على الاقل تطلعين من البيت لازم يصير لك خلق تنظفين اما انا من وين اجيب خلق؟المهم تحملت وعشان تسوي صحن تنزل كل المطبخ وياليت تحمد من سنين مانظفت شي في البيت ولاتدري عن شي و لو يوم فاض بي وشكيت تركض على زوجها وتحاول تكسب عطفه وتقول بنتك مو عاجبها شغل البيت ماتبغى تشتغل و تفرجوا على المسرحيه يجي السجان يكسر الباب علي ويهجم انت اش تبغين ؟ليه ماتشتغلين؟ انت تفكرين انك تاكلين ببلاش ؟شفتوا اب يقول ادفعوا قيمه اكلكم جهد وشقا عشان تحللونه بس كثره الطعن في مكان واحد يفقده الاحساس بالالم
اسأله مين ينظف اذا ماكنت انا انظف ؟؟مايخليك تكملين سؤالك الاكف ولابكس بوجهك عشان كذا صرت اسكت واصبر مره دار بيننا حوار على شغل البيت وقلت بعد السب والاهانات القذره لوسمحت اطلع عني ابغ اذاكر كان عندي امتحان مصيري في ذلك اليوم تدرون اش سوى كنت حاطه تحفه انا شريتها فخاريه رماها في وجهي وسبب لي عاهه في وجهي واضطريت اسوي عمليه لكن الاثر مازال مخرب وجهي و قال يوم رحت المستشفى ياويلك لو تقولين ان ضربتك قولي طحت ولاماراح تشوفين خير يهددني وانا ملابسي كلها دم انزف بغزاره ذكرني بالوالده يوم قطعت جلدي بعلاقه الحديد عشان قلت لزوج اختها ليه ماتسلم ؟؟ ولاماتعرف ؟وزوج اختها هذا كنت اعتبره بمثابه اب طردني من بيتهم وجات اختها تركض تقول الحقي بنتك اش تقول لزوجي وكنت في الصف الثالث الابتدائي ويوم ضربتني ببخاخ الحشرات في وجهي وصار نص وجهي ازرق وقالت لي لواحد سألك في المدرسه قولي فتحت الدولاب بوجهي وانا ماادري كل المدرسات سألوني اش فيك معقول هذا دولاب ؟؟وغيره كثير هذا غير المفك او البرغي اللي رمتني فيه يوم وغرز بيدي والى الان موجود الاثر هذا جزء بسيط من قصتي و مأساتي صديقتي الوالد يبغ ينقل من البلد اللي احنا فيه لبلد اهل امي عشان يروح على قوله يدعى في بلاد الله اقصد يتمشى في بلاد الله ويرمينا على المحسنين بيتنا هذا اللي احنى فيه حاليا في منطقه حلوه وتجاريه ومن ابدع مايكون لكن الوالده تبغ اهلها حبايب قلبها والوالد يبغ يهج مش مهم لاهو ولاهي المهم صديقتي واخت وامي واهلي وكل جماعتي بيغون يفرقونا انا مااحس بروحي الاوانا جنبها هي الوحيده اللي ترفع من قيمتي اذا كتبت شعر اورسمت!كل يوم ابك واموت من العذاب والالم ابغ اهرب بس اخاف من الفضيحه وان الناس تقول هربت فيها بلا ما ابغى يبعدوني عن صديقتي احس بخوف ان اعيش من دونها احس ان بموت لو ابعدوني عنها قولو لي اش اسوي ؟اشعر بوحده قاتله بدونها اقسم لكم اني ماعرفت معنى انسانيتي الابقربها عشت طفوله مشرده محرومه من معانى الراحه والحب مالقيت صدر ابكي عليه اوشخص يناقش عقلي طول عمري حسيت ان خدامه وياليت سمعت كلمه الله يعطيك العافيه ولاماقصرت ووصلت سلطه ابوي كان يمنعني ان البس ملابس داخليه في سن البلوغ والمشرفه الاجتماعيه في يوم وانا في المتوسط سألتني ليه ما تلبسين ؟ قلت ابوي مانع علي وامي ماتعطيني رحت ابكي سألتها ليه ماتعطيني صدريه قالت ماله داعي ماكان لها دور في اي شي بحياتي ابغ احول ولد احس كل مشاعرى مشاعر ولد صحيح ان حنونه واعشق الاطفال موت بس ماأحس بدور الام احس ان ابغ اكون اب حنون وزوج رحيم ومحب اكثر من ان اكون ام ماأحس نفسي في ملابس المرأه بنيه جسمي عريضه المنكبين حتى الوالده دايم تقول ان وجهي رجولي يمكن من الهم عمري ماحطيت مكياج ولااحبه اصلا ممنوع احطه احس بالسعاده واعيش بعالم الاحلام وانا اتخيل نفسي رجل حر بعيد عن اهلي ماادري مااتخيل نفسي امراه ابدا اكره وقت العاده واحتقر نفسي واحس ان ودي انهيها للابد المهم عمري ماتمنيت غير قلب يحس بي وبهمي ويوم لقيته يروح حرام يبون ياخذونها مني احس مااكون انسانه الاوانا بقربها اش اسوي من يوم درينا واحنا نبك ومنهارين احس حياتي بتوقف بدونها اسألكم بالله من باقي لي غيرها لااب ولاام الام همها اهلها وتخطط انها تروح حتى لو كان لشقه خايسه والدليل يقول لها الوالد انها يمكن ماتعيش ببيت مثل هذا قالت مش مهم قال ماراح ناخذ شي من العفش قالت مش مشكله لو كل سنه نشتري شي كل همها تروح عند اهلها وبس وهو مايهمه الايرمي الحمل علي اهلها المليونيرات ويصيرون المسؤولين عنا يعني الصدقات اللي يعطونها الخدم يعطونا هي!!!للعلم كل وحده من اخواتها لها عماره من ابدع مايكون واحنا بيحطونا بشقه مهزله انا تعبانه ارجوكم ادعوا ان اموت وارتاح ولااحول رجل واهرب بس كيف؟؟ارجوكم دلوني على طريقه ابق فيها مع صديقتي الحبيبه العمر كله كيف ؟؟ تعبانه ابغى ارتاح بموت من القهر والوحده والالم مين بيسمعني مين بيحل مشاكلي اشتكي لمين ؟؟وانا يتيمه حلو مشكلتي ولاتنصحوني بالزواج لاني اكره كل الرجال رغم ان اتمنى اكون رجل ولكن ليس مثل الذئاب في هذا الزمن بل اغير الصوره جذريا لان المراه ليست عبده للرجل المراه نصف العالم ولاتنصحوني بالتقرب من اهلي لاني حاولت ولم ينفع معهم والان فاض بي بعد محاولات ابعادي عن من ارتاح لها كرهتهم اكثر واكثر فماذ افعل ؟؟؟