مكــــســـــــوره نفسي ومكتئب الحقوني...

مكــــســـــــوره نفسي ومكتئب الحقوني...

السلام عليكم ورحمة الله ....
ارجوا قراءة الموضوع كاملا لتشخيص حالتي ...
اطرح مشكلتي اللي لازمتني الى الان من 6 سنوات عمري الان 25 سنه يعني ابتدت القصه من سنة 1999 تقريبا ..
كنت في الثانوية العامة ادرس طبيعي مثل الناس لا اشكوا من شيء الا اللهم الخجل من الناس تقريبا (كنت بالفصل مثل المسمار لا اروح ولا اجي ولا اقدر التفت للي ورا علما باني بالكراسي الاماميه .. ليش قولوا ليش .. السبب هو ان ما ابي احد يشوف وجهي احس انه قبيح ..كان في واحد بالفصل سليط لسان مثل مايقولون (لسانه طويل يستهزء على الناس وعلي انا وكان يقولي كلام ما ينقال ... اقولكم مره موقف صار معاه (تصدقون اني حاقد عليه الى الان يا ناس .اقولكم الموقف ..كنت بالكرسي اللي الثاني من الامام وهو بالكرسي اللي امامي فجأه طلع علينا المدرس ووقف على الباب هو ومدرس ثاني يتكلمون عند الباب سال المدرس هذا الطالب اللي امامي ( وش فيكم او شي من هالنوع قال الولد اتأمل بمخلوقات الله وهو يشر علي (لا تضحكون علي والله الموقف هذا قاهرني من سنين قولوا ليش لاني مارديت عليه وبرت حرتي الى الان ) المهم ضحكوا علي الطلاب وصرت مثل القوطي بالفصل ...
موقف ثاني مريت فيه بالثانويه واحد من المدرسين كان متشدد شوي المهم تعرفون لقافة الطلاب بحل الواجب من الممكن ينقلونه من بعض حبيبنا في الله المدرس هذا اكتشفنا قولو وش سوا فينا تدرون .. نشر عني اني منحرف اخلاقيا ...والى الان اتذكر الموقف ذاك وما انساه لاني ابعد واحد عن الانحراف لكن حسبي الله عليه اشهد لله اني اكرهه الى الان ...
المهم مواقف كثيرة ...هنا عاد خلصت الثانويه ..
جلست شهرين الى ثلاث اشهد بعد الثانويه .. (هنا بدت المعاناه) يوم من الايام كنت مواصل المهم وصلت الساعه 10 بالليل تقريبا وانا ما نمت من (امس يعني) حطيت راسي على المخده برقد فجأه حسيت اني ما ني قادر اتنفس زاد الموقف معي من جد وصار صحيح المهم مع الخووف الشديد اللي صابني حسيت بذهول وقلت لبوي يلا على المستشفى وانا بحالة خوف غير طبيعيه قاعد اطالع فوق وانا بالسياره قاعد اتشوف الملائكة تاخذ روحي لكن مافيه شي استغربت اكثر صابني تنميل بالاطراف حسيت ببرد غير طبيعي المهم الشارع اعرفه لكن مهو نفس الشارع اللي اليوم الصبح او امس او قبل امس المهم تغيرت الدنيا بوجهي ..
وصلنا الطبيب لقينا بروفسور باطنيه جلست عنده احسب انه بجيب الاكسجين وبجيب اجهزه لاني احس باختناق ما صار شي من هذا كله كشف علي بكل هدوء ....تدرون شقال ... قال : ما فيك شي يعني الضغط والحراره والقلب سليم جدا ولله الحمد .. قال : مالك يا حبيب مافيكش حاقه ابد .. المهم من هذا الوقت بالذات بدت المعاناه مهو انا اللي قبل شوي مهو انا فلان بن فلان مهو انا مهي الشوارع نفسها المهم جتني حاله غريبه مدري وش هي صرت احس بخوف غير طبيعي الى درجة اني كنت انام عند امي والله وانا كبير... يا فشله ... خووووووووووووف شديد مدري من ايش حتى اني اتذكر الموقف هذاك الان وقول مدري وش صار فيني....
المهم بدت المعاناه المهم ما بقا فكره خبيثه الا راودتني من ذلك الوقت مره اقول لنفسي ان فيني جني والفكره هذي جلست معي فتره طويله ممكن سنه او سنتين ما اذكر ومره اقول مريض نفسيا وكنت اخاف لما اتذكر اني مريض نفسيا جاني اكتئاب شديد ابي ارجع فلان بن فلان القديم المرتاح نوعا ما اللي ما تجيه افكار سوداويه كثير لكن هيهات خلاص ما فيه رجعه .. صرت بعالم جديد تماما ....
حالتي الان الخصها وقول ما احب الناس ولا احب اطلع من البيت لا تفكرون اني اخاف من الناس بذواتهم غلطانين اذا فكرتوا كذا لكن اخاف من نظرات الناس واحس ان الناس لما تشوفني تضحك علي تعرفون الشي هذا خرب علاقاتي مع الناس ...
الان انا اخاف من نظرات الناس واحس ان الناس تضحك علي واحس اني غير طبيعي من ناحية الشكل وتصدقون ان اهلي والناس اللي يكنون لي الخير دائما اسالهم عن شكلي يقولون وسيم هذا اللي قاهرني ومو بس اهلي يقولون كذا حتى بعض خوياي يقولون انك جذاب ومع ذلك ماني مصدق المهم الى الان انا مبعد عن المجتمع وخايف من اي كلمه تنقال عني ................................الشي هذا سبب لي معاناه ما يعلم فيها الا الله سبحانه حتى الدراسه الشي هذا نزل مستواي فيها ولا انا very smart مثل ما يقولون وش اسوي الى الان. تراني اول مره اكتب موضوع وانا جديد بالمنتدى هذاااااااااااا .....
حالتي تحسنت كثيييييير لكن بقي عندي اني احس اني قبييييييييييييييييح واخاف اتمتع بالدنيا لا وازيدكم من الشعر بيت صرت أأخر الزواج متعمد احس ان الانسانه اللي بترتبط فيني مظلومه واحس انها ما راح تحبني لان شكلي بشع ) :
وش السواه يا مسلميييييييييييييييييييييييين حياتي اندمرت .....
لامعنى للحياة ولا طعم عندييييييييييييييييييييييييييي................
حي ميت مثل بعضه .................................................. ...........
جيت رحت مثل بعضه.............................................. ..............
تصدقون والله الان عندي فرصه كبيره ادرس بأوربا والله ثم والله الغيتها من هذا الشي ..
دائما احلم بعلاج يغير حياتي .....................الى الافضل لكن حتى الروحه للاطباء مارحت واخاف اروح لطبيب يقولي انت فيك كذا وكذا عاد انا اخاف من مسميات الامراض النفسيه .............
انا ما اتقبل الواقع بودي اغير لكن ما ني قااااااااااااادر ..
الله يرحمنا اشهد لله اني اعاني من جد يا ناس وتصدقون بعد اني مرتاح ماديا والفلوس متوفره بكثره ولله الحمد والمنه .....
مفارقات عجيبه ولكم الحكم يا متخصصين واعذروني ما اعرفكم لاني جديد بالمنتدى اقبلوني اخوكم الصغير وانصحوني تراني احب النصح لانكم اذا عالجتم حالتي والله راح تفكون ازمه كبــــــــــــــــــــــــــــــــــــــــــــــــ ــــــــــــــــــيره ....
عندي تفاصيل لشغله ثانيه لكن ما اقدر اقولها هنا ......

المصدر: نفساني