وش رايكم اطلق او اصبر؟؟ تعبت وانا افكر

وش رايكم اطلق او اصبر؟؟ تعبت وانا افكر

[color=#8B0000]انا متزوجة منذ ثلاث سنوات وعشت حياه الحمد لله حلوة مع ان حياتي فيها نكد كثير لكن اعتبر نعمه عند غيري ولله الحمد انا ماحملت وماتتخيلون وشو الكلام الي اسمعه من ام زوجي وبناتها حسبي الله ونعم الوكيل
دايم تقولي لية ماتخلين زوجك يتزوج عشان نفرح باولاده واسكت مدري وش اقول لها
تخيلوا مرة كنا جالسين في الحوش ومرت من عندنا قطوة واولادها وانا اعجبني شكلهم صغار يجننون وقلت ياقلبي ياحلوهم وهم ماشين وراء امهم تخيلوا وش قالت.........؟؟؟؟؟
قالت القطوة احسن منك شوفي كثر اولادها وانتي ماعندك شي والله مارديت عليها واحتسبتها لله وسكتت الله يعوضني
وشاء القدر وتزوج اخو ام زوجي الصغير ومشاء الله زوجته حملت الله يرزق الجميع وجننت في زوجي كل يوم شوف خالك الصغيرجاة ولد وانت لسى وزوجي مطنش
وشاء القدر وتزوجت بنتها وحملت وصارت هي وبنتها كل مايدخل ويطلع يقولون بكرة تصير خال وانت ماصرت ابو

للمعلوميه هو كل مااطلبه اني اسافر لاي مستشفى اتعالج فيها يرفض حتى ان بنت عم امي مشاء الله راحت للدكتور محمد بقنه بمستشفى الحبيب وجابت ثلاث اولاد تؤام عقبالي وعقبال كل محروم ياررررررب وراحت وحدة من قريباتنا لنفس الدكتور وجابت ثلاثه تؤام بنتين وولد مشاء الله وجلست اصيح عنده واحب راسه وايدينه انه يوديني له ورفض يقول روحي مع اخوانك والمشكله ان الدكتور يرفض لازم يكون الزوج موجود والملف مايفتحه لك الا زوجك

المهم ضليت اروح واجي للمستوصفات اللي عندنا بنفس البلد ومرة رحت اسوي تحاليل وقالت لي الدكتورة ان طبقه الرحم سميكه ولازم تسوين تنظيفه عشان يحكون الطبقه ذي
وطلبت منه اني اروح عند امي واسويها هناك عشان تهتم فيني لان اهلي بمنطقه ثانيه ورحت وقالي اسبوع واجي اخذك ومر الاسبوع وماجاء ومر الاسبوع الثاني وماجاء وكل مااتصل عليه اقوله تعال خذني يقول خليكي يومين افرحي عند امك وانا الغبيه مستانسه توقعت انه يبي يطلعني من جو عائلتهم الكئيب لان اخته تتوحم على زوجها وجالسه عندنا المهم اتصل علي وقال ابغى اجي اسلم عليك واسهر عندك واستغربت بس قلت عادي يمكن انه مايبيني اروح عندهم عشان مماسمع كلام يجرحني
وانصدمت انه يقولي ان انه خطب بنت عمه وملكته الاسبوع الجاي وزواجه بالعيد من الصدمه توقعته يمزح ماقدرت ابكي ولااتكلم احتسبتها لله وسكتت وتذكرت حديث الرسول من طلبت الطلاق من دون مضرة لاتشم رائحه الجنه
وبعدين قالي انه طلع اغراضي بمستودع عند اهله ورمى العفش وشراء عفش جديد وسكن زوجته الجديدة بمكاني ويقولي انه بيستاجر لي شقه والله لسى ماسوى لي شي
وماشاء الله هالحين زوجته حامل ومطنشني يوم يتصل وعشرة لا وانا جالسه عن اهلي من شهر 8 وجاني مرة برمضان وجاني ليله عيد الاضحى لكن مو هو زوجي الله اعرفه متغير كل شي فيه

والله اني ماتخيلته يتزوج لانه دايم يقولي مستحيل اعيش مع وحدة غيرك ولكن طلعت عايشه ثلاث سنوات بكذبه
وللي يقهر اكثر امه لما يقولون لها الناس حرام عليكم مالها غير ثلاث سنوات ليش مايوديها زوجها تتعالج تقول ذي مافيها ارحام وش يسوي لها
((حسبي الله ونعم الوكيل))





وش رايكم ؟؟ ارجع لزوجي او اطلب الطلاق وربي يعوضني خير منه (باذن الله)[/color]

المصدر: نفساني

حبيبتي ذكرى .. لا تتألمي كثيرا فالحياة مواقف .. والقوي هو من يتحداها ..

لا تجزعي اصبري .. وصلي .. وادعي بالفرج والخيره الصالحه ..

اهدئي .. تنفسي بعمق .. ولا تظني ان الحياة انتهت بزواج زوجك ...


مازلتي في بداية المشوار ... وثقي ان زواجه لا يعني نهايتك بل ستكملين مشواره معك ان كان يحبك ...

هذا رأيي بشكل عام ...واترك الاخصائيين يجيبوا بخصوصية عن السؤال

من كل قلبي ادعو ربي ان يشرح صدرك ... ويبرد قلبك ...


تحياتي لك
النادره

مشكورة اختي النادرة على ردك

انا مو زعلانه من زواجه فالزواج امر احله الله سبحانه وتعالى

وهذا قضاء الله وقدرة علينا منذ ان خلقنا

انا زعلانه من اهماله لي وتقصيرة في حقوقي

والحمد لله على كل حال

جزاك الله خيرا اختي النادرة واسعدك الله دائما

أختي الكريمــة ..

ذكرى حـبــ ..

مساءات الخير ..

أختي أود منكــ التفكير في طلبــ طلاقكـ فقط ، وناقشي هذا الطلاق مع نفسك ، ووالديكـ ، وأخوتكـ ، حتـى يوم الأثنين الآتـي ( لأن لدي سفر خارج الرياض ، وسأعود إن أرأد الله يوم الأثنين ) ثم أكتــبِ لي بالتفصيل عما تشعري به ، وتفكري فيه إذا طلبتـ طلاقكـ ...
ولا تفكري حتى أعود في الأتصال به أو الرد عليــه .
ربي يحفظكـِ ، ويفرج همكِ .

؟؟؟؟؟؟؟؟؟؟؟؟؟

........
....
..
أهلا بكـ يا أختي الفاضلـة ..

أخبريني بماذا فكرتي ، وكيف وضعكـ الآن ، وبالتفصيل الممل .,؟!.

ربي يفرج همكـ .

السلام عليكم
اهلا بك أ.القحطاني

اولا اهلي رافضين فكرة الطلاق نهائيا طبعا هم رافضين ان انا اطلبه ويقلون لما تمر فترة كم شهر ماجا او عمل لك شقه وقتها نتصرف ونناقش الموضوع بجديه بالمحكمه
اما انا احس ان احساس الطلاق صعب جدا وهذا بعد سؤلي لكثير من المطلقات
واقول بنفسي ليش ماارسل له رساله واقول له طلقني لو هو يبيني اكيد راح يجي ويسال ولو هو مايبيني بس منتظرها مني عشان المؤخر ارح يلقاها عذر ويطلق
وعشان احس بالاعتزاز امام نفسي والناس واقول انا اللي طلبت الطلاق
لان جرح زواجه وهجرانه لي لسى مااندمل ولااظن انه يندمل لسنوات طويله
لانه كان دايم يقولي مستحيل اقدر اعيش مع حرمه ثانيه غيرك.... بس للاسف طلع يكذب علي ولو يجي الطلاق منه يمكن امووت قهر او يصير فيني شي لاقدر الله عشان كذا نفسي اني ارسل له عشان اعرف مابداخله
ولكن كلهمم رفضوا اني ارسله عمي وخوالي يقولون الرجال فرحان بزواجه وفترة مووقته ويصير كل شي عادي ويرجع لك
ودائما استخير بالطلاق وماارتحت
واخاف لقوله صلى الله عليه وسلم 0من طلبت الطلاق من دون مضرة لاتشم رائحه الجنه0
وانا ماابي اخسر الدنيا والاخرة الله يعوضني

الخيرة فيما يختارة رب العالمين اذا فية خير ربي يردة لي ردا جميلا واذا فية شر الله يصرفه عني ويعوضني خير منه

اسفه للاطاله مع اني احس اني ماوفيت بكلامي واحس بداخلي كلام كثير ومشاعر كثير بس مختلطه كرة وحب وشوق وجفا عشان كذا احس اني مو قادرة اعبر بالكلام

ومشكووووووور لااهتمامك

.........
.....
..
أختي الفاضلـة ..
صباح الخير ..
ما دمت تستخرين بطلب طلاقكـ ، ولا تجدي ارتياح فاصبري كما الكل يقول لكـ هذا ، وأنت الآن في حكم المطلقة على الأقل نفسياً ، ولن تخسري شيء إن بقيت أشهرا كما أنتِ كي يقتنع أهلكـ بتصرفاته ، وتكوني أنت قد توصلتِ إلى قناعة أن طلب طلاقك أفضل لوضع أنت أعرف به كي لا يأتي اليوم الذي بعد صبرك ، وتضحيتك ، تأتي ورقة الطلاق منه ... وربما كما ذكرتِ يود أن تطلبي الطلاق أنتِ كي لا يشعر بالتأنيب تجاه فصلكـ .
ما يهم أن الطلاق كما هو حق للرجل ، وهو أبغض الحلال فقد أعطاها أي المرأة شرع الله الخلع حتى لو رفض الرجل في حين لا تقدر ، ولا تطيقه ، ولا تتحمل ضرة في حياتها .
ربي يسعدكـ ، ولا تكثري من الإستشارات من مطلقات أو غيرهن .
أنت من سيقرر ، ويتحمل قراركـ .

مشـــــــككككـــــــووورررر استاذي أ.القحطاني