حملة رمضان جديد..منقول

حملة رمضان جديد..منقول

حملة رمضان جديد ( رمضان السنادي أحلى رمضان في حياتي ) رمضان السنادي غير كل حياتي لازم تصلح نفسك : إصلاحات قبل رمضان . 1 – إصلاح علاقتك بالله عشان ربنا يفتح عليك . لازم تعرف إن فيه خمس سنن في فن معاملة الله :- - على قدر مقام الله عندك على قدر مقامك عند الله 2– من جعل همه هو الله كفاه الله هم كل شئ _ {إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ }فصلت30 3 – لا تلتفت عن الله فيلتفت الله عنك ( لازم تعرف أن أول عقوبة تنزل بتنزل على القلب ) 4 - لا تؤثر شيئا ً على الله فيعذبك الله به {لَّوْلاَ كِتَابٌ مِّنَ اللّهِ سَبَقَ لَمَسَّكُمْ فِيمَا أَخَذْتُمْ عَذَابٌ عَظِيمٌ }الأنفال68 ... ممكن يكون سبب راحتك يتدبل ويكون هو مصدر عذابك . 5 - لا تبدل فيبدل الله عليك {فَبَدَّلَ الَّذِينَ ظَلَمُواْ قَوْلاً غَيْرَ الَّذِي قِيلَ لَهُمْ فَأَنزَلْنَا عَلَى الَّذِينَ ظَلَمُواْ رِجْزاً مِّنَ السَّمَاء بِمَا كَانُواْ يَفْسُقُونَ }البقرة59 والعكس ممكن يحصل : {إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَّحِيماً }الفرقان70 2 – إصلاح علاقتك بالقرآن : وهنا عندنا مشروعين : أول مشروع : مشروع الفائقين . ورد قرآن يومي فتتفوق فيه تفوقا ً . بمعنى خلي القرآن في الشهرين دول كل حياتك ليل مع نهار متصل بالقرآن ، وردك يتقسم لجزئين جزء بالنهار وجزء بالليل ، بعد كل صلاة ربع أو ربعين قرآن لكن , خلي بالك أهم شئ الخشوع ، عايزين نربط قلبنا بالقرآن . المشروع الثاني : حضر وصلي اسمع وصلي اقرأ وصلي لك ورد يومي ، جزء مثلا ً ، إما هتحضر هذا الجزء من المغرب للعشا من أي سلسلة ولتكن سلسلة تفسير القرآن وبالمرة تاخد كتاب في عليين وتصلي بيه بالليل ، أو تكتفي بسماعه من شيخك الذي يؤثر فيك أو تقرأه لكن , مش هننسى الخشوع . 3- إصلاح حال قلبك مع الله . لازم تحافظ على كل عمل بتعمله مع الله ، إوعي تكلم ولا و تفعل ، جه وقت الفعل : { يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ }الصف2 وصدقني لو لم تعمل كل إلي في قلبك هيروح منك . قواعد اتبعها عشان تصلح قلبك : * وحد غذاء قلبك : {مَّا جَعَلَ اللَّهُ لِرَجُلٍ مِّن قَلْبَيْنِ فِي جَوْفِهِ } * فرغ قلبك من أي هم : انسى همومك * اعتبر قلبك منطقة عسكرية ، مافيش حاجة ممكن تقرب ، وتذكر وانت بتقول اللهم نقني من خطيايا * استئصل أي مرض في خقايا قلبك الآن بدل ما يفجأك بعد كدة 4 – إصلاح الهمم والهمة :- عارف قصة لما عبد الله بن سلام جالس مع الصحابة وهم يقولون لو إني أعلم أكثر مايحبه الله لفعلته فنزلت : {يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ } صدقني كتير بيكلم وبيقول نفسي أعمل ونفسي اشتغل بس مش لاقي فرصة ، اصدق في النية واعمل أي عمل متاح لك ، إن شاء الله ، الله يحبه منك بس انت تعمل . 5- إصلاح لياقتك الإيمانية وعزيمتك واستعدادك للمجاهدة : - * خليك جبل في ثباتك .. في عبوديتك لله . * البطل بطل من أول موقف بيتعرض ليه * إوعي تفوت طاعة ممكن تعملها لله ، إوعي تترك مجال للسبق إلى الله قارن : كأنهم بنيان مرصوص ، وكأنهم خشب مسندة .. الأول يصف المؤمنين ، والثاني يصف المنافقين . * لازم تعرف على قدر سبقك الله على قدر معطاءات الله لك . وتفوقك في الدين . * لازم تعرف إن الحل جواك ، أوعى تقف في علاقتك مع الله ، كمل مهما حصل ، حتى لو وقعت قوم وواصل 6- إصلاح هدفك : - متقولش أنا داخل الدين عشان عايز ، لأ إنت بتعمل للدين عشان تعطي ، الدين مش مجال للأخذ ولو أخذت هرضى وإلا هنفر ... أصلح هدفك لله 7 – إصلاح البنية الأساسية لديك :- لازم تأسس نفسك صح ، تأسس هدفك صح ، خلي بالك إن أساس العمارة هو إلي بتقوم عليه العمارة ، برغم إنه الجزء الوحيد إلي محدش بيشوفه ، عشان كدة اهتم بقلبك ، اهتم بإصلاح الهدف بداخل قلبك ، ابدأ في بناء نفسك ، خلي هدفك أكبر من مجرد خطوة هتعملها قواعد : * {إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنفُسِهِمْ فِي سَبِيلِ اللَّهِ أُوْلَئِكَ هُمُ الصَّادِقُونَ }الحجرات15 * إعرف إن الدين مراحل ، ولازم تحدد مرحلتك صح ، وعلى أساسها هتبدأ من اين * وعشان هو مراحل لازم تواظب عشان ترتفع من مرحلة للي فوقها . قواعد جدول خطوة أولى إلتزام : 1 - التلبية الفورية فور سماع الآذان ، وتذكر أن الحج مبني على كلمة لبيك ، اقطع كل حاجة في حياتك ، متقولش خمس دقائق وأقوم ، مش ربنا إلي يتقله استنى خمس دقائق وأجيلك ، طبق الحديث : كأنه لا يعرفنا ولا نعرفه ، خلي بالك إن الآذان خمس ابتلاءات لك ، ياترى هتلبي ولا ؟ 2 - ورد قرآن . 3 - السنن الرواتب .. ممكن تضيع بيت في الجنة .. ممكن تضيع ركعتا الفجر خير من الدنيا وما فيها 4 - صلاة الوتر ... ثواب فرض . 5 – ركعتي الضحى . 6 - أذكار الصباح والمساء . 7 – أذكار بعد الصلاة . 8 - الصيام ... الإثنين والخميس بدل ماتصدم في نهار رمضان بفشلك في الصوم لطول النهار . 9 - سنة السواك . 10- القيام . 11 – الدعاء . 8– إصلاح أو استصلاح جوارحك : - خشوع قلبك من القرآن ، بكاء عينك من الخشوع ، توقف لسانك عن كل ما يسيء ، لا تسمع أذنك إلا ما يزيدك إيمانا ً ... مينفعش تعصي ربنا بحاجة خلقها ليك ... لازم تتوب . 9 - إصلاح قدر الدين في قلبك : أخطر نقطة . لازم يكون دينك أغلى عندك من حياتك ، شوف أم كلثوم بنت عتبة بن أبي معيط لما آمنت ووالدها فرعون من فراعنة هدم الدين في مكة وكتمت دينها ورفضت الزواج وهي بنت زي أي بنت نفسها تتزوج ، وهاجرت بعد صلح الحديبية ، لوحدها في طريق كله قطاع طرق ، كانت عارفة إنها ممكن ترجع ، ممكن تتقتل ، لكن مهمهاش شئ إلا دينها ، ونزلت فيها سورة الممتحنة ، والامتحان العظيم إلي مرت بيه ، خلي بالك كل واحد فينا هيمحتن ، ياترى هيكون دينه أغلى عنده من أي شئ ؟؟؟؟؟؟ لما يكون تلبية النداء لديك أغلى عندك من صفقة بمليون جنية و لما يكون عندك أقل قدر من الدين أغلى عندك من أعظم قدر من الدنيا .... ساعتها ... إن شاء الله توصل 10 - إصلاح قيام الليل والدعاء : إوعى تيجي في رمضان تلاقيك سقط في إمتحان القرآن والقيام ، لأنك في 11 شهر قبل رمضان نمت ، فجالك كرمبات رمضان ، مش قادر تتأمل في القرآن ، مش قادر تكمل مع الإمام ، كل تفكيرك إمتى الإمام هيخلص مافيش خشوع ، عشان كدة إلحق نفسك ، قيام وصلاة ودعاء وخشوع ، قبل ما نكسف أمام نفسنا في رمضان . تِلْكَ عَشَرَةٌ كَامِلَةٌ الخطة : رمضان = قرآن ودعوة وصنائع معروف الواجب : ربع قرآن بعد كل صلاة بخشوع مشروع حضر وصلي أو اسمع وصلي أو اقرأ وصلي . مشروع التدريب على الصيام : بصيام الاثنين وخميس . مشروع الأسر الفقيرة وشنط رمضان مشروع الدعوة إلى الله _ وإيقاظ النائمين

المصدر: نفساني

جزاك الله خيراً ياخالد ....
وبلَّغَنا وإياك رمضان ؛ وأعاننا على صيامه وقيامه ؛ وتقبله منَّا ......