حياة افضل هذا كل اللي ابيه

حياة افضل هذا كل اللي ابيه

السلام عليكم


انا عمري 21 سنة ومشكلتي اني كنت الى وقت قريب اعاني من التحرشات الجنسية في البيت والمدرسة وحتى بالمسجد وهذا الشي اثر على نفسيتي كثير وخلاني اكره الخروج للناس وصرت ملازم للبيت اوقات كثيرة وابوي من النوع اللي يدلل ابناءه وهذا زود الطين بله فتدليع ابوي لي بالاضافة الى خوفي من مواجهة الناس خلاني عديم الثقة بنفسي ضعيف جبان متناقض اناني مقدر اعبر عن نفسي ولا اقوى على تحمل اي عبء مهما كان
والطامة الكبرى اني اكتشفت اني للان مازال لدي مشاعر طفولية بمعنى اني اخاف واحيان ابكي من الصراخ العالي واخاف اذا بعدت عن اهلي او اذا صار شي وابوي مايكون موجود واخاف من الظلمة ومن الحيوانات واخشى واخجل جدا من مواجهة الناس والمضحك المبكي بهالشي اني حتى ماعرف شي عن عاداتنا القبلية لاني كنت اخاف من حضور العزايم وهذا خلاني جاهل باشياء كثيرة وهذا اخجل اهلي مني كثير لاني اكبر عيالهم
وانا والله اتعبني التفكير افكر بهالشي طول يومي واقول في نفسي ابوي ماهو دايم لي لازم اعتمد على نفسي لان المستقبل مخيف جدا ويحتاج له اناس اشداء بس كيف والله صعبة ..
وعلى فكرة انا ادرس بكلية المعلمين وباقي لي سنة واتخرج واصير معلم والبيئة المدرسية تحتاج اني اكون انسان اجتماعي لكني اخاف اخاف جدا ..........
فقدت الرغبة بكل شي و كل شي اسويه اطفش منه بسرعة وصرت تايه ما ادري وش ابي بالضبط بهالدنيا..
ارجو انكم تساعدوني
قد يكون عرضي لمشكلتي عرضا عشوائيا لكن سامحوني انا ما عرف ارتب الافكار واصفصف الكلام

المصدر: نفساني

!!!!!!!!!!!!!!!!!!!!!!

وحنا مالنا رب يا جماعة ليه محد يرد

السيد مجافي تحياتي لك وناسف على التاخر في الرد نظرا لكثرة الاسئلة وضيق الوقت , علما بان بعض المشاركات تحتاج الى وقت اطول للرد حرصا منا على الامانة وعلمنا بخطورة التساهل بمشاكل الناس , اتمنى ان يتسع صدرك وان تقبل مني العذر.
اما في ما يخصك تحديدا فاعقد ان الموضوع بحاجة الى ان يناقش بين يدي مختص حتى يتحقق اكبر قدر من الفائدة , لان مثل هذه المشاكل لا تستطيع ان تضع يدك على اصل العلة دون التطرق الى الموضوع بشكل شامل حيث انه من الظلم والاجحاف تشخيص حالتك عبر النت دون ان افهمها بالمجمل , فمثلا انت ذكرت تعرضك للتحرش الجنسي ثم الخوف من المجتمع وبالتالي الانعزال شبه التام والانطواء على النفس والعديد من الشوائب التي قد لا تستطيع حصرها في مشاركة واحدة , فضلا عن عجزي كمختص في الربط بين هذه المتناقضات وفهم العلاقة بينها , اضافة الى وجود حلقات ناقصة في سلسلة سردك للامور .
على كل حال انا ارى ان المشكلة قابلة للحل , وقد يكون الحل ابسط واسرع مما كنت تتوقع ! لذا انصحك في ان لا تتردد في استشارة احد المختصين في هذه المسائل , وسترى ان الامور ستتحسن ان شاء الله , تمنياتي لك بالتوفيق ...