عجبى

عجبى

من اشعار صلاح جاهين

مع ان كل الخلق من اصل طين
وكلهم بينزلوا مغمضين
بعد الدقايق والشهور والسنين
تلاقى ناس اشرار وناس طيبين

وعجبى :24hu8:

المصدر: نفساني

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!

ومن أشعار صلاح جاهين المؤثرة فى رأيى
أنا شاب لكن عمرى ألف عام
وحيد لكن بين ضلوعى زحام
خايف ..لكن خوفى منى
أخرس لكن قلبى مليان كلام..وعجبى

وشكرا على الموضوع الجميل ..تحياتى أخى الكريم ..

عطر الياسمين

شكرا على تعطيرك الصفحة وجميلة فعلا انا شاب عمرى الف عام وفى كمان

شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

شكرا لك أخى عماد ..كلك ذوق ..
و فعلا جميلة هى كل أشعار صلاح جاهين بالرغم مما تحمله من حزن شديد فى بعض الأحيان ،ولكن أكثر ما يميزها هو الواقعية والبساطة وهذا هو سر جمالها.. وعجبى .........

فعلا عطر ياسمين

شكرا على ردك الجميل

واليكى اكتب عن طريق جاهين

للأخت عطر الياسمين

واقول

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!

ارجو الرد والجود

عليا يا ياسمين ردى وجود

وعجبك

سلام

أهــــلاً وســـهـلاً بك عمــاد،،،،


الحمـــد للــه على الســــلامة،،،،،


عجبـي أين هـــذه الغيبـــة كـلها،،،؟؟؟؟

ياه ه ه ه

وردة الحب الصافى انا قلت انتى نيسيتينى

انا عاوز اتكلم كتيييير لكن مش لا قى حد اتكلم معاه

انا رحت مصر وما ادراكى ما مصر اللى كانت ام الدنيا دلوقتى بقيت صعب


الحمد لله يعنى متفرقش كتيير عن بغداد وعن كابول كل الدولة المحتلة من امريكا لها نفس الطابع

الجوع والتعب للشعب واللى يتكلم يروح فيها ممكن هو وعيالة

والناس بطلت تتكلم خلاص عرفوة ان الكلام مبيجبش همة

وعجبى

من رباعيات الخيام

أحس في نفسي دبيب الفناء
ولم أصب في العيش إلا الشقاء
يا حسرتا إن حان حيني ولم
يتح لفكري حل لغز القضاء

من غير عجبى

عماد

جميلة جميلة جميلة

مرغم عليك يا صبح مغصوب يا ليل
لا دخلتها برجليا ولا كان لى ميل
شايلنى شيل دخلت أنا الحياة
وبكره ح أخرج منها شايلنى شيل
عجبى !!

فعلا بقول اللى عاوز اقولة

سنوات وفايته عليا فوج بعد فوج
واحدة خدتنى إبن والتانية زوج
والتالتة أب خدتنى والرابعة إيه
إيه يعمل اللى بيحدفه موج لموج ؟
عجبى !!

عماد

ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!

ولد في شارع جميل باشا في شبرا. كان والده المستشار بهجت حلمي يعمل في السلك القضائي، حيث بدأ كوكيل نيابة وإنتهى كرئيس محكمة استئناف المنصورة.
درس الفنون الجميلة ولكنه لم يكملها حيث درس والحقوق.

أنجب ابنه الشاعر ‏بهاء(عملاق من ظهر عملاق) من زوجته الأولى تزوج من زوجته الثانية الفنانة منى قطان

أنتج العديد من الأفلام التي تعتبر خالدة في تاريخ السينما الحديثة مثل أميرة حبي أنا وفيلم عودة الابن الضال، ولعبت زوجته أدوار في بعض الأفلام التي أنتجها. عمل محررا في عدد من المجلات والصحف، وقام برسم الكاريكاتير في مجلة روز اليوسف وصباح الخير ثم انتقل إلى جريدة الاهرام.

رسم الكاريكاتير خاصة في صحيفة الاهرام حيث كان كاريكاتير صلاح جاهين أقوى من أي مقال صحفى وظل بابا ثابتا حتى اليوم ولم يستطع أحد ملء هذا الفراغ حتى اليوم بنفس مستوى جاهين الذي يتميز بخفة الدم المصرية الخالصة والقدرة الفذة على النقد البناء وبخفة ظل لايختلف عليها اثنان واتمنى ان يصدر عن الاهرام كتاب يحتوى بين دفتيه كافة رسوم جاهين الكاريكاتيرية.

كانت حركة الضباط الاحرار وثورة 23 يوليو 1952، مصدر إلهام لجاهين حيث قام بتخليد جمال عبد الناصر فعليا بأعماله، حيث سطر عشرات الاغاني. لكن هزيمة 5 يونيو 1967م، خاصة بعد أن غنت أم كلثوم أغنيته راجعين بقوة السلاح عشية النكسة، أدت إلى أصابته بكآبة. هذه النكسة كانت الملهم الفعلي لأهم أعماله الرباعيات والتي قدمت أطروحات سياسية تحاول كشفت الخلل في مسيرة الضباط الأحرار، والتي يعتبرها الكثير أقوى ما أنتجه فنان معاصر.كانت وفاة الرئيس عبد الناصر هي السبب الرئيسى لحالة الحزن والاكتئاب التي اصابته وكذلك السيدة ام كلثوم حيث لازمهما شعور بالانكسار لانه كان الملهم والبطل والرمز لكرامة مصر. لم يستعيد بعدها جاهين تألقه وتوهجه الفنى الشامل.

قام التلفزيون المصري الرسمي بعرض مسلسل يتحدث عن رباعيات صلاح جاهين في 21 أبريل 2005، وذلك بمناسبة مرور 20 عاما على وفاته.

كالعادة نحن العرب لا نعرف قيمة مثقفينا الا بعد ان يصبحو تحت التراب واكلهم الدود واصبحو تراب

نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!

صابر صباح الفل

جميلة جدا قصة حياة الاستاذ صلاح جاهين

رغم انى مش شاعر ولكان عمرى ليا بيت

لكن جاهين علمنى وقلت ياريت

اكون زية فيوم ويكون ليا بيت

لكن ازاى وكلمة ياريت عمرها ما عملت بيت

وعجبى

من تأليفى ورحم الله الاستاذ صلاح ويغفر لة


تحس انة بيقول اللى جواك ومشعارف تقولة

دى ليك ياصابر

يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي !!

.

سلمت يمناكَ عماد ,,


ربعيات مميزة للأستاذ / صلاح جاهين ,,


الله يسعدك ,,


سموّ!