|
03-03-2011, 12:21 PM | #16 | |
مستشار
|
اقتباس:
نعم أختي موجود في الصيدليات باسم تجاري (نورتريلين)
واسمه العلمي نورتريبتالين ويسبب جفاف بسيط بالفم اذا أخذ بجرعة 25 ملجم مساءا وحرقان بالمعدة لو لم تأكلي قبل الدواء وليس له علاقة بالغدة النخامية أو هرمون الحليب |
|
|
03-03-2011, 06:39 PM | #17 |
عضو نشط
|
يعني ماله اثار متعبة زي السيروكسات ومجموعته
صراحة يادكتور اعجز عن شكرك يمكن يكون هو ضالتي وانت اللي دلتيني عليها انا اعاني من عدم الانجاب متاخرة لي 8سنوات ودي التاسعة السنين سببت لي ازمة نفسية لكن في المقابل عندي ايمان بربي ورضا يخليني دائما امتنع عن الاعتراض وحتى الدموع يعني احس اني من داخلي حزينة ونفس الوقت رضا واحس الشي دا بحد ذاته مشتتني قبل سنة وسنتين بدات احس انه روحي خارج جسدي واني باراقب كل شي لكن من فوق احساس غريب كانه جسدي مفصول عن روحي احساس مؤلم جدا اشوف الناس تتزوج تخلف وترجع تخلف وانا مافي هدف دخلت ادرس ادارة اعمال نسيت الدنيا بالعكس سار عندي رغبة بعدم الانجاب لحد ما انتهي من الدراسة لكن مشكلتي العمر يتقدم بي يعني حاليا انا31واول مابدات في ال30سارت نظرتي مختلفة وسودت الدنيا في وجهيحتى اكلي خف معليش بافضفض معاك بحكم انك دكتور نفسي اكيد محد راح يفهم وضعي اكتر منك وعلى فكرة انا كتومة جدا لا ابكي ولا ازعل ولا افضفض مع احد يمكن اكبر صدمة هي اخت زوجي عندها 6ماشاءالله زوجي متعلق بيهم جدا صدمت قبل سنتين انها حامل واثناء حملها للاسف جرحتني بكلمة انها بالرغم من التعب الا انها احسن من اللي ماتخلف ووجهت الكلام لي بيدها قولتلها محد مرتاح لا المخلف ولا اللي مو مخلف حتى ابعد الشك ولا اظلمها رجعت قالتلي لا اللي مخلف احسن من اكتر من سنتين وانا الموضوع دا جارحني وصلت لاني ادعي عليها والمشكلة زوجي متعلق ببنتها مع العلم انه الحمدلله حنون جدا معايا والمشكلة منه هو نقص حيوانات لكن تعلقه بالاطفال غريب يحب اي شي صغير دا ملخص لحياتي في السنوات الاخيرة ايش تقييم حضرتك ورايك في |
|
03-03-2011, 06:49 PM | #18 |
عضو نشط
|
انا يتيمة من سن 3السنين والدي اتوفى امي اتزوجت اتربينا مع زوج امي حنون جدا كان مايخلف ودايما افكر انه زوجي زيه واخاف ينتهي بي الحال بدون خلفة
مات زوج امي اتزوجت امي بعده وانجبت لكن امي انسانة مشتتة عنيدة عرضتني انا واخويا في عزمراهقتنا لمشاكل بسبب اختيارتها الغلط لازواج وخطاب عرضتنا لمواقف رسخت في بالي وكانت مشاكلها ومازالت كتيرة مع الناس امي شديدة معايا وحنونة مع اخواني الاولاد كل اللي حوليني مايحبو تصرفاتها مشاكلها مؤذية مع الناس ومعايا حتى زوجي متضايق منها ومشاكل امي برضه مسببتلي ازمة نفسية والله اكبر من تاخر الانجاب كل اللي حوليني كانو يلوموني على اني ما اتعامل معاها بشكل طيب لكن لمن عرفو وضعها وبدات مشاكلها تمسهم وتمس الكل عذروني وصلت لطريق مسدود معاها سرت اتعامل معاها زي الاطفال حتى اكسب رضاها وبس |
|
05-03-2011, 08:35 PM | #19 |
مستشار
|
أختي الفاضلة:
ردة فعلك ناحية هذي المشاكل كيف؟ هل سببت لك ضيق بالصدر وحزن وغم وصرتي تلومي نفسك وتتمني الموت اذا صار معك كذا فهذا اكتآب وعلاجه مضادات الاكتآب واذا سبب لك قلق فعندك قلق وعلاجه برضه مضادات الاكتآب، يعني في الآخر انتي انسانة مستبصرة وحالتك أفضل من اللي فقدو البصيرة والعلاج واحد فاهم معاناتك لكن استفيدي من الظروف.. تقولي زوجك مو حريص مرة على الخلفة وعنده مشكلة نقص الحيوانات يعني السبب منكم انتو الاثنين فمالازم تأنبي نفسك على هالمشكلة. بالنسبة لوالدتك ماأعتقد انكم ساكنين معاها واعتقد ان مشاكلها أقل حاليا وهذا في صالحك سألتلك مختص عن موتيفال وأثره على الغدة النخامية وأكد لي انه مافي مايثبت انه يزيد التضخم أو يؤثر على حجم الورم وبالتالي بامكانك تاخذيه واتمنى لك التوفيق |
|
05-03-2011, 09:05 PM | #20 |
عضو نشط
|
شكرا دكتور على اهتمامك
بالنسبة للمشاكل اكيد سببتلي اكتئاب لكن متذبذب يعني انا بطبعي انسانة هادية جدا ومن وجهة نظر الناس ناعمة جدا افكر في الايجابيات اللي عندي اكتر من السلبيات منها مثلا حب زوجي لي الحمدلله معيشني في شهر عسل مستمر معوضني عن كل الحنان اللي فقدته واثقة من نفسي بسبب جمالي برضه الحمدلله نعمة كبيرة وكتير يسعو لها بينما انا الحمدلله موجودة عندي مواصفات بشهادة من حولي وغيرهم اني جميلة جدا عندي تخصصي اللي مبسوطة بي جدا وعازمة على النجاح فيه بالرغم من الصعوبات يصيبني الاكتئاب في حالة لمن اتعرض لموقف جارح بسبب الانجاب او لمن اشوف الحزن في عيون زوجي بالرغم من انه سعى للعلاج كتير لكن فشل ومرات نفاجئ انه الحيوانات ارتفعت بشكل كبير ل70مليون مثلا امي ازعل عليها اكتر من زعلي منها ماعندي اخوات ماعندي اجتماعات عاائلية دا الشي من الاشياء اللي تحز في نفسي وابكي عشانها لمن اتجمع مع الناس الاقي نظرات الحزن عشان الحمل او مثلا تكون في حامل جديد وكل اللي حوليني يعرفو وانا لا لسببين الاول مراعاة لمشاعري والتاني خوفا من الحسد يعني مواقف لاتعد ولاتحصى |
|
05-03-2011, 09:12 PM | #21 |
عضو نشط
|
في نقطة مهمة وانا لاحظتها وكمان صديقتي وقريبتي في نفس الوقت لاحظتها وهي اني محسودة يعني على الدراسة
تجيني تعليقات عجيبة على حب زوجي على اني مرتاحة بدون اطفال ووقتي كله دلع من وجهة نظر البعض طبعا على ثروة اهلي وامي لانه امي مليونيرة ماشاءالله فاسمع تعليقات واتاكدت انه عين لاني ماخليت تخصص الا مازرته كل الدكاترة اجمعو على اني جسديا طيبة حتى دكتورة الغدد قالتلي عن بعض الاعراض منها الم الاعصاب انه مو من الغدد وقالتلي اعرضي نفسك على دكتور اعصاب وعرضت نفسي قالي سليمة انا ما انكر انه النفسية لها اعراض عضوية لكن العين حق بالرغم من اني اكره اخلي نفسي اسيرة لفكرتها لكن الانسان لمن يكون محط انظار اشخاص محددين ويكونو متعمدين لحسده يخاف مع اني محافظة على التحصين |
|
05-03-2011, 09:18 PM | #22 |
عضو نشط
|
انا دكتور ما اتمنى الموت بس اخاف منه يعني بس افكر في الاموات واتاثر اذا سمعت احد مات وافكر فيه مررررة كتير سالت شيخ قالي دا المفروض ودا دليل على الايمان
|
|
05-03-2011, 10:08 PM | #23 |
مستشار
|
طيب أختي الفاضلة
احمدي الله حالك مره طيب والعين حق.. حصني نفسك ولا تخافي وكملي على موتيفال بأقل جرعة وربي يكتب لك كل خير |
|
05-03-2011, 11:47 PM | #24 |
عضو نشط
|
ان شاءالله حاكمل عليه الحمدلله بحبة وحدة احس اني بارجع للواقع ةتخف اعراض الخوف والقلق ومانستغنى عن استشارتك وخبرتك
الف شكر دكتور رعد |
|
06-03-2011, 01:39 AM | #25 |
عضو نشط
|
دكتور عندي سؤال مهم نسيت اذكره لك يعني حالة جديدة اذا دخلت حوار مع احد او كتبت راي في منتدى او تعليق واحد رد علي قبل ما اقرء الرد تجيني كتمة ودوخة وخوف وقلق مع الموضوع مايكون مستاهل لكن اتوتر بطريقة غريبة مو عارفة ايش دا
|
|
06-03-2011, 11:40 PM | #26 |
مستشار
|
هذا خوف من النقد وهو نوع من الرهاب الاجتماعي
لكن غريبة؟ المفروض ان الرهاب يقل خلف شاشة الكمبيوتر ومع الاسم المستعار عموما لاتدققي كثير على نفسك وتصالحي معاها والموتيفال يقلل من هالمشكلة |
|
07-03-2011, 02:10 AM | #27 |
عضو نشط
|
اهلا بحضرتك دكتور
كلامك صحيح عارف السبب ايه السبب اني متعودة اسمع انتقادات من يوم تاخر حملي فصار طبيعي مو الوقت تراكمات وصلتني لدرجة اخاف من النقد حتى من ورا الشاشة وللاسف في نقطة مضايقتني جدا جدا من اهلي وهي بالرغم من اني لابعد حد باتعامل وع الناس طبيعي حتى لا اسمع كلمة معقدة ولا نفسيتها تعبانة الا اني برضه باسمعها المشكلة اني البس واخرج واهتم بنفسي مبتسمة دائما ادلع الاطفال العب معاهم لكن نظرة الناس تعبتني ليش بالرغم من اني ما ابين قدام احد حزني الا انهم يقولي عني نفسيتي تعبانة ومحد يدري عن داخلي الا ربي يعني ماعمري بكيت قدامهم ولا زعلت بالعكس اجامل بقوة لكن برضه انتقد اللي زاد الطين بلة اني السنة اللي فاتت ولحد الان تعبانة لكن لمن عرفت المشكلة والعلاج الحمدلله اتحسنت الا انهم اجمعو العيلة كلها انه مرضي نفسي بسبب الحمل ليش يتهموني بشئ مو في ليش تتصل علي خالتي وتصر تاخدني لدكتور نفسي بسبب الحمل والله نفسيتي مو بيدي بسبب الغدد وانت بنفسك طبيب نفسي قولتلي تعمل اكتر من كدا طيب كيف اتعامل معاهم انا تعبت مو من حقي لمن اتعب الناس تعذرني زي غيري لا لازم اتعب بسبب الحمل كيف اريح نفسي انا تعبااااااانة من الكلام اللي باسمعه |
|
07-03-2011, 06:53 AM | #28 |
مستشار
|
أختي ريري:
كلامك صحيح وما تنلامي لكن ايش تسوي؟ ماتقدري تعدلي تفكير الناس هذا اللي تشتكي منه مو بس في مجتمعنا، لا حتى في المجتمعات المتطورة نفس الحال. ومافي حل الا انه الواحد يتعلم يطنش ويتعلم يمشّي الحال ويسمع من اذن ويطلع من الثانية تعلمي انك ماتاخذي الكلام بصفة شخصية تعلمي انك تكوني باردة ومتبلدة جهة هالكلام يمكن صعب في البداية ولكن بالتعويد تيجي النتيجة وتصير ماتفرق معاكي ايش يقولو الناس خليهم يقولوا اللي يقولوه أهم شي انك راضيه عن حالك وراضية على قدرك ومتصالحة مع نفسك |
التعديل الأخير تم بواسطة د.رعد الغامدي ; 07-03-2011 الساعة 05:50 PM
|
07-03-2011, 05:42 PM | #29 |
عضو نشط
|
صحيح كلامك دكتور
مهما كان الانسان مبسوط ومرتاح الا انه الناس برضه تنتقد حاخد بنصحيتك للاسف امس حتى صديقتي الوحيد لقيتها متفقة معاهم وانا اصلا باحكيها كل شي لكن رافضة فكرة انه الغدد هي اللي موصلتني لكدا وانا ابدا ما انكر انه نفسيتي من زمان متغيره لكن كنت طبيعية عالاقل اقدر اوقف على رجولي واخدم نفسي بمجرد ما تعبت انهار جسمي عضو ورا التانيوفقدت السيطرة على كل شي لكن يتهموني انه سبب تعبي نفسي في النفسية من 7سنين وانا عايشة وساكتة في كم شهر انهار وهم عارفين السبب وبرضه نفسية والله دكتور كل اللي حوليني محتاجين علاجات نفسية من التناقض والنفاق والمظاهر ايش ساعتك ايش الماساتك ايش ماركة شنطتك مجتمع سطحي للاسف |
|
07-03-2011, 05:55 PM | #30 |
مستشار
|
تدري نفسي ايش ياريري؟
نفسي الطب يتوصل لاختراع علاج نفسي بخاخ للناس هذولا واذا اجتمعت معاهم أبخه في الجو كمعطر نفسي وهوا فيه مواد مهدئة ومضادة للعقد النفسيه يمكن يلطف الجو معاهم والواحد يصير يقد يتحملهم الله يعين عليهم بس على فكرة كل ماشفت اسمك تذكرت مخرج أو مذيع اسمه طارق ريري ماأعرفه بس مار عليه اسمه في التلفزيون وانتي اسمك ريري يعني ايش؟ ريهام والا ريما؟ مو لازم تجاوبي اذا ماتبغي مجرد دردشة وابغى الاخ طارق ريري يروح من بالي |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|