|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
03-02-2012, 09:25 PM
|
#16 | |
|
عضو نشط
|
مرحبا .. هههههههههه عشان من خلف الشاشة لو أنا قدامك مارفعت عيني !! وماأصير منطلقة كلمة ورد غطاها ومن الله خير << عقدة جديدة : ( -- صحيح هي ذي الشغلتين تقهرني !! أختصرت كلامي ماشاء الله عليك يجي ببالك إني أغير الخطط والتنظيم عشان ماأسمعها ههههههه كانت أمي تتابع بالمستشفى العسكري وأغلب المراجعات يعرفون أمي ومن لما ندخل وكل وحدة تجي ماشاء بنتك وليه مازوجتوها !! والله العظيم بعد السلام يجي هذا السؤال ههههههههههه بعدين يجي سمعنا إنها تعبانة وش صار عليكم والشيخ الفلاني والطبيب الفلاني وو هي وش تحس وتعرفين فلانة بنتها عندها ماأدري وشو يمكن مثلكم ههههه جربوا الفلاني روحوا للعلاني يااالطيف معيونة محسودة وخذ كلام حريم !! قلق مو طبيعي الشكوى لله المهم ألغيت المستشفى العسكري وصرنا نتابع بالخاص تبع تأمين آرامكو وأرتحنا شوي ههههه وكثيرة الأمثلة اللي فعلاً آتوقع حرج وألغي وأغير المخطط إحراج لما أحد يسآلني وش مرضك !! مع إنه مو حرام ولاعيب وعادي أشرح لهم علمياً بس هم مايعرفون الوهن ويدخلوني في متاهات أسئلة وأنا ماأحب أسلوب فتح المحاضر الإجباري منهم وماأحب هالنظرة ياحرام كانت متفوقة وحلوة وست بيت ووووو ماأتزوجت !! أحس إني آتدمر بجد كل تميزي يربطونه بياحرام !! ليه طيب !! والله إني عايشة أميرة مع بعض المنغصات تحت حكم ربي ولقد خلقنا الإنسان في كبد .. - زين ماراح أعدل الناس وأعلمهم التعامل كيف أنا ماأتأثر !!؟؟ وماأنوجع من نظرتهم بكسر الخاطر !! أحاول مرات أعدي ومرات لا مثل ماقلت فوق ألغي شغلات عشان ماأنحرج يمكن مع تعبي ذي الفترة رجع الخجل بقوة كرهت إني أتكلم وش متعبني لأهلي مو لغيرهم بفترات سابقة قدرت أتغلب قريت كتب عن إدارة وتطوير الذات ونفعت معاي كثيررر - يابخته ههههههه أمي كل يوم تقول لي حظ الملايح في الأرض طايح لا مو يابخته !! حرام ينربط فيني ظلم وربي .. إذا أخواني يادوب متحمليني وأخاف يجي موقف يختبر غلاي عندهم مع إني عارفة رد فعل البعض لكن البعض الآخر يخوفني ويخوفني بقووة .. ماأظن ولد الناس بيتحملني مع كل عللي وظروفي خصوصاً إنه مر علينا مشاكل كثيرة مع التعالج والأدوية وإحتمال تنعاد وارد جداً آحكيها مرات جايه لو جالها مجال مافيني الآن أتنكد .. -- الله يسلمك واللهم آمين والله يرزقك الذرية الصالحة ويفرحك فيهم يا رب شكراً لك يضايقك لما أنا أتكلم لك كثير ؟؟ |
|
|
|
|
03-02-2012, 11:07 PM
|
#17 | |
|
مستشار
|
آمين، ياااارب،، الله يسلمك على هالدعوات والمشاعر الطيبة
هههههه لا أختي ، خذي راحتك، بالعكس أحس انك ترتاحي لما تفضفضي وتحكي واحنا كذا شغلنا الأطباء النفسيين، ربي مهيأنا نسمع ومانطفش واللي يطفش أحسن له يتخصص جلدية خخخ لازلت أعتقد انك تتحسسي بزيادة مع ان الشغلة كلها ابتلاء من الله وواقع لازم تعيشيه كنت قبل 6 سنوات شغال في مركز الأمير سلطان لأمراض القلب اللي في العسكري في الرياض وكان مريض عنده مشكله في نبضات القلب ويتوقف قلبه ويغمى عليه وهي حالة خطيرة ممكن يموت فيها في أي لحظة المريض ماكان له علاج الا تركيب صاعق منظم لضربات القلب يعطي كهربا قوية تشغل القلب لما يوقف، وكان أبو الشباب تيجيه الحالة بشكل يومي واحيانا اكثر من مرة في اليوم يشتغل الصاعق قبل مايغمى عليه. وعلى فكرة الصعقة مزعجة جدا وكأن تمسكه كهربا وكنا كلنا تقريبا اللي شغالين في المركز نرأف بحاله ونحزن عليه ونقول يمكن يوقف قلبه ومايشتغل الصاعق ويروح فيها، غير اننا نحزن لما نشوفه وقت الصعقة ونقول كيف يتحمل بينما هو كان وقت الصعقة يبتسم ويتعمد يسلم على اللي حوله وقت الصعقة علشان ينقل لهم كهربا كنوع من المقالب هههههه شوفي كيف حوّل مرضه ومعاناته ومأساته الى مقالب يعملها في الناس ويضحك منها كان معانا واحد أعرج أيام الجامعة في سكن الطلاب وكان يعرج بشكل جيد أقصد يعني انه كان يعاني ويسير بصعوبة وكل اللي حوله تقريبا يرأفوا بحاله وينظروا له انه مسكين في المقابل كان ماخذ الشغله انها نكتة وكان اذا شاف واحد أعرج مثله (وكانوا كثيرين في سكن الجامعة من ذوي الاحتياجات الخاصة) يضحك ويقول: هذا زيي ماشي على الموضة ومرة شاف واحد يعرج على رجل عكس رجله وكان يمشي قدامنا،، راح اخينا في الله اسرع في خطوته علشان يقرب منه ويصير ماشي معاه لكن بشكل متنافر يعني هذا يعرج يمين وذاك يعرج يسار وطالعوا الثنين في بعض وضحكوا متخيلة كيف يتعاملوا مع معاناتهم وماخذين الشغلة فكاهة؟ اعتقد ان عندي حل رائع لكِ وهو ان ترأفي بالناس من حولك لما ينكسر خاطرهم عليكي وتبذلي جهدك في ان تطمئنيهم وتستمعي لأسئلتهم ولقافتهم كأم تستمع لطفلها وأسئلته المضحكة البريئة،، وترغب في ان تجيب عليها على قد فهمه وتحاول مساعدته في إزالة علامات الاستفهام صدقيني لو اتخذتي هذا الاسلوب واتخذتي من معاناتك نوع من الفكاهة ستكوني بأحسن حال وستقل عنكِ الحساسية تعلمي أختي وتدربي على هذه الفكرة وستتقنيها وسوف تصبح لكِ متنفس ممتاز من معاناتك وأنتِ ماشاء الله تبارك الله عندك حس كوميدي جيد بيساعدك كثير لا زلت أقول لك أكتبي لي في أي وقت،، أحس اني أقدر أساعدك بإذن الله |
|
|
التعديل الأخير تم بواسطة د.رعد الغامدي ; 03-02-2012 الساعة 11:09 PM
|
|
04-02-2012, 11:28 AM
|
#18 | |
|
عضو نشط
|
مرحبا .. ماشاء الله عليهم الله يعافي كل مريض ويرفع عن كل مكروب يا رب -- مو أتحسس لأني مريضة أتحسس من الفضول والإزعاج من طبعي ماأحب أتدخل بأحد وأحب هالأسلوب معاي زين من أهلي ماعليه أعديها بس اللي من برى لا \ أتضايق - أستحي - اللي هو بس ماأرد لما نكون بإنتظار العيادة وتجي وحدة تسألني ليه عند العصبية وش فيك وليه مريضة ؟؟.. ماأرد أو أرد رد تسليك !! من جد رايقين أسئلة تحقيقية ماأتوقعها وربي أذكياء لأن الي يسأل كذا لماح وفطين هههههه وأنا أشرح وش فيني ووش خطوات مرضي ووش أحس وبنص الكلام يجي سؤال مع هذا التعب تحملين !! أرجع أقول مو متزوجة ياحرام مو ناقصك شيء ماأدري شايفين لوحة على رآسي مكتملة وغير متزوجة !! << هههههه حشا فراشة مو آدمي ههههههه صعب لما أكون رايقة ماعليه يأرد شوي شوي لكن لو إني في وضع مايسمح والله زين اللي أرد على أبوي ههههه الوهن العضلي يزيد بخمسة أيام قبل الدورة وباقي الشهر عادي هو الوقت اللي ينخدعون فيه اللي يشوفوني هههه مجرد ماتجي يخف التعب تدريجياً وأتنشط عشان هرمون الأستروجين أكيد أنتم يالأطباء تعرفون علاقتهم ببعض ... وكذا فيه أيام ماأقدر أتحرك يادوب أصلي وبالبيت بس لو إيه ماأطلع برى بالبداية كانوا حتى أهلي يستغربون وماأشرح لهم ومرة على مرة اللي يدخل معاي للطبيب فالطبيب يشرحها كيف الدورة وكيف التعب وكذا أخواني فهموا بدون ماأتكلم لهم حتى ولد أختي كنت لما أقول له أبي السوق هالأسبوع عشان ماأتعب كان يسأل ليه تتعبين بأوقات وأطنشه مرة سمع الطبيب وخلاص عذرني لما أقول له نروح مشوار يعني نروح خخخخخ بس مرة كنا في مجلس حريم وأنعزمنا على حفلة تخرج أختي قالت أوك وأصرت علي البنت وأمها فقلت نشوف كم التاريخ ؟؟ وقلت طيب أختي فهمت بس الحرمة نشبت لنا ماأنتِ جايه وش فيكم وليه التاريخ ووو أسئلة كثيرة وماشرحت ههههههه ومارحت للحفلة خخخخ بهالحالات اللي كذا شلون أعديها بفكاهة !! وأنا يزيد عليّ التعب بسببها بجد مرات يستوجب أشرح شرح تفسيري ههههه وماأقدر لا الوضع يسمح أتكلم ولا أتريق !! لما أقول تعبانة زوجة أخوي دايم تقول لي كل البنات يتعبون ماعليك << أحس كلمتها علاج وربي لأنها فهمت بدون شرح مطول إن فيه أوقات صعبة وبس مالها داعي الكلام الطويل من كم سنة جاتني نكسة وهن عشان زعلت من مشكلة صارت بين أخواني وضغطت على نفسي ست أشهر وأنفجرت لما قفلت عيني الشمال بالمرة وتنومت نص يوم بس !! قال الطبيب مافيها شيء عضوي والوهن تمام وخرجني طلعنا من المستشفى وأخذني أخوي بالقوة لطبيب نفسي ماأعطاني أدوية بس كلام !! وكم جلسة وخفيت !! كتبت شعوري بدقة في لحظات التعب بمفكرتي لليوم كل ماأقرأ اللي كاتبته ووصفي للحالة اللي مريت فيها أخاف وأعيش نفس الحالة !! أول مرة أحس الموت من لما عرفت الوهن على سيرة التدوين أنا أكتب المحطات اللي تمر بحياتي حلوة أو مرة وأرجع أقراها بين وبين صحي هالتصرف وإلا يتعبني ؟؟ من فترة سألت أخواني بتحتفظون بدفاتري لو أموت !! صح تفاوتت الأجوبة بس كثير أجوبتهم كانت بلسم لاتسألني ليه سألتهم كذا ماأدري \ -- بطاقة الصراف انتهت لها شهر وشوي كل ماأتذكر درج البنك اللي مافيه درابزون وبالهواء كذا بالشارع ههههه يضيق صدري بأحاول هالأسبوع لو لقيت أحد يوديني وأتوكل على الله أروح -- بأرجع طبيعية مثل أول ؟؟ نفسي أرجع ماأفكر بالتعب ولا الوهن يعيقني عن حياتي مثل قبل هالشهور هلكتني مرررة تعطلت أشغالي وصارت مملة حياتي حتى الصغار فقدوني ماصار لي بال عليهم الفترة اللي راحت عمة وش فيك ؟؟ وعمة ماعاد تحبنا !! لما قالتها لي بنت أخوي اللي بأول إبتدائي كرهت نفسي وربي :( ركضنا أمس بالحوش كان الجو حلو مع شوية كتمة وغبار ضحكات بنات أخوي تسوى العمر كله جاني ولد أخوي تروحين الماركت عشان توه يتعلم سواقة وخايف قلت طيب وبسرعة طلعت وماأخذت ميستنون وحاولت أنشغل بالسيارة لعبت بالآيفون عشان ماأفكر آخذها مجرد مانزلت معاهم نسيت !! وماتعبت !! بس هالحالة مو كل مرة تجي أحيان التفكير يغلبني ويشلني بس كثرت كلام !! ههههه شكراً لك جزاك الله خير |
|
|
|
|
05-02-2012, 07:01 PM
|
#19 | |
|
عضو نشط
|
مرحبا .. مررررة قرفانة من نفسي اليوم كان يوم ميلاد غيد بنت أخوي لها كم يوم وهي تحرص عليّ عمة لاتروحين مكان ههه ع بالها عمتها مثل أول ترتبط بمشاوير :( بيتهم خلفنا يمكن 100 متر بس بيننا وبينهم المهم صليت العصر ولبست مافيني شيء وطيبة بس حسيت بتعب فأقنعت نفسي يوصلني ولد أخوي ونروح الماركت أشتري شغلات للصغار عشان يمكن يخف التعب وأنشغل وأنسى أدري إنه تحايل ولكن مانفع ذكاي يشتغل بالعكس ههه آه بس الأولى كنت أكسر الحاجز وأروح مشي وصلت للباب ماقدرت أطلع بابنا الداخلي أمامه ثلاث درجات وسط الحوش بعدين أربعة أو خمسة متر لنوصل باب الشارع ثم بعده درجتين ع الرصيف وصلتها وجلست ماقدرت !! حسيت برجفة وعرقت وماعدت أسمع إلا دقات قلبي + وهن قوي جلست ع الرصيف وعلى طول جاء ولد أخوي زين ماأنتظرت كثير كان طالع من الصلاة حسيت إني خوفته يالله طلعت بسيارته قلت روح للماركت بنشتري ورجعني بيت عمك المهم إن عمتي جات لبيتنا من لما أنا طلعت فأمي أتصلت علي قالت تعالوا هنا وقولي للبنات وأمهم تعالوا قلت طيب أشتري وأجي وجيت والكل تجمع عندنا بس ماكنت مع الناس وأنبسطنا بميلاد القمر حبيبتي المشكلة إني بس نزلت راجعة بيتنا كنت كويسة !!!! وطلعت الدرج نفسه بسهولة صح مالي داعي يوصلني لهالمكان القريب كنت ألف عليهم عشرين مرة !! وأطلع من بيت فلان لبيت فلان بأي وقت وماأتعب كنت أدور المخطط كامل كذا مرة وش صاير فيني ؟؟!! متضايقة ومخنوقة وكل بلاوي الدنيا في داخلي الحين وأنا أكتب لك مخربطة وأحس تنفسي مايخرج مثل الناس نسيت أقول إني اليوم رحت البنك وكنت طيبة مافيني شيء وبكرة كنت ناوية أروح للتخفيضات آخذ شغلات للتنظيف والمطبخ بس شكلها مابتصير :( حاسه بوهن مو طبيعي متضاايقة وربي |
|
|
|
|
06-02-2012, 10:31 AM
|
#20 | |
|
عضو نشط
|
مرحبا .. مانمت زين وأضطريت أقفل النور وكل شيء عشان أمي ماتقلق إني مانمت بالليل قالت لي كلام زاد وضعي كركبة قالت فيك شيء ؟؟ قلت لا قالت شكلك متضايقة قلت لا مافيني شيء قالت بس أنتِ أحسن لك أسبوع تسولفين وتضحكين !! أووف يا ربي محبطة مرة وماأقدر أوقف بطولي مو وقت تعبي ليه أتعب !! ماعاد يفارقني الوهن قبل شوي أبوي يقول لي أبي الطبيب شوفي أي وقت يناسبك ونروح يا ربي مو وقته بالمرة بغيت أبكي وأنا أقول له طيب وين أختفيت يا دكتور ؟؟!! |
|
|
|
|
06-02-2012, 09:06 PM
|
#21 | ||
|
مستشار
|
اقتباس:
ههههه، ربي يسعدك ياطيبة،، خذي راحتك، أحيانا الواحد يرتاح بمجرد مايتكلم العفو أختي ويجزاكي الف خير مااختفيت أختي لكن والله مشغول
متابع كتاباتك أختي، والله يكون بعونك اصبري ولك أجر |
||
|
|
|
09-02-2012, 01:44 PM
|
#23 | |
|
عضو نشط
|
مرحبا .. فيه كثير هنا يتكلمون عن شيوخ مايفيدون بقد الوجع والتكسب بأوجاع الناس !! قريت لوحدة تقول عن العجيب بالطائف !! يا ربي بس نفسي أقول لهم ترى الكل خربطيشن بس قلت لواحد هنا \وكذبني وردت عليه نوفا الله يجزاها خير بالله سبب مقنع إني أدور إشراف !! أنا لي عشر سنوات بالنت هههههههه الله يعلي همتي بس ويزيدني أدب مع الله ومع خلقه اللي يآخذ فلوس مقابل القراية ماينفع لأن القرآن للناس كلها وبيعه لا يجوز !! كيف التعالج بحرام !! -- الناس ماعاد تفهم النصح الكل يسيء الظن مع إن عندي تجربة سابقة !! يعني أقرب للصدق !! حتى المنتدى اللي سويته للوهن كرهته من كثر الظن والخطط والتفكير اللاثقافي وش فيها الناس كلها شر فطري ؟؟ شر يخوف والله يخوف !! ألغوا الفطرة السليمة وحب لأخيك ماتحب لنفسك !! دايم أقول الخير موجود بس كثيرة التصرفات اللي تخوفني من كل الناس وبالغصب يخلونك تسيء الظن وتأثم -- بنفساني هنا أتذكر قبل أربع سنوات سجلت بيوزر نسيته !! يمكن لأن ظرفي كان قوي مرررة والله مو متذكرة لا اليوزر ولا وش كتبت إستشارة ووحدة من المستشارين هنا !! إن ماخاب ظني كانت أخصائية أخذت إيميلي من الإدارة وحولتني على مدرب أو طبيب نصاب !!!!!! أوك أنا فاهمة وكلمه أخوي قبل أكلمه ونروح عيادته حتى أخوي كان يقول تعلمي من القصص بالمنتدى شكله وكلامه مايؤهل يعالج ههههههههه ورغم إنه نصاب وأنكشف لكن ماحبيت تكون هي معاه !! هو يستفيد مادياً هي ليه تضر ؟؟ وتجيب له زباين لا والمشكلة من لما عرفت إنه نصاب صار كل البنات اللي بمنتداه والمستشارين يتهمهم كلهم يبغونه ويحبونه ومسوي معاهم علاقات !! ههههههه كلهم صاروا قليلات أدب وش مجبرهم يتحملونه !! فقط زادني خبرة تعامل مع نصاب وكانت تجربة خرجتني من وضعي بقوة ههههههه أو نسيت سالفتي وجلست أتأمل شر خلق الله هههههه أنا معاي أخوي وماآسوي شيء إلا أقول له البنات اللي تدخل نت وتفتح قلبها وش يصير فيهم ؟؟ ماأحد يفكر بغيره الكل همه نفسي نفسي وويجمع فلوس وبس لكن لازال يمارس نصبه رغم إنه أنكشف وفضيحته بالنت وعيادته تشمعت ولكن مستمر !! الإخصائية هنا أظن نفساني كشفوها إنها نصابة ههههه لأني ماأشوفها تتواجد !! شيء غريب متذكرتها ومو متذكرة وش كان يوزري !! حاولت أتذكر ماقدرت الله يشغلهم عن الناس يا رب -- المحطة النفسية اللي قبل كم سنة ذي بأموت مانسيتها !! الله يسامح أخواني بس مشكلتهم للحين ببالي رغم إني أقول تجاوزت !! كلهم نسيوها لكن حتى وأنا أتذكر أسم الإخصائية قبل شوي جات ببالي تفاصيل مشكلتهم كأنها صارت أمس أدري كلها سوالف مالها قيمة بس حبيت أفرغ الشحنة |
|
|
|
|
10-02-2012, 01:56 PM
|
#24 | |
|
عضو نشط
|
http://altaghieer.com/node/30118#.TzZEswruAXU.twitter سبحان الله إيجابي حتى بوفاته الله يحسن خواتيمنا يوم الجمعة ومحترق يالله يادكتور إبراهيم كبير ومت كبير ضاق صدري أفكاره وكتبه بتبقى شاهد لفائدته للبشرية |
|
|
|
|
10-02-2012, 04:09 PM
|
#25 | ||
|
مستشار
|
اقتباس:
ولا يهمك أختي،، كلامك صحيح، للأسف الأمانة خربت،، فضفضي وانا باسمع لك
|
||
|
|
|
10-02-2012, 06:40 PM
|
#27 | |
|
عضو نشط
|
مرحبا .. اليوم مريت بإختبار يمكن هالإختبارات هي أقوى أمر يحسسني بضعفي أو قوتي ماأدري أمي لها كم يوم تعبانة أعلى يدها يألمها كانت من الظهر تقول تحس بألم زيادة المهم إنها تعبت لما صلينا العصر رحنا الطواريء أنا تعبانة وهن وهن وهن وهن يادوب خرجني من بيتنا رفضت أمي أحد غيري يروح معاها وماتبي تروح لوحدها ولكن فضلت تتحمل عشان تعرف إني تعبانة !! فقلت لها أنا طيبة خلينا نروح وحلفتني وحلفت إني طيبة !! << يا رب سامحني رحنا وأوقف وأجلس وأسأل الأطباء وأشرح لهم أدويتها و ساعدتها بالأشعة ووووو زين الطواريء فيها كراسي الحمد لله ههههههه متحملة شيء كبير من عادتي لما أتعب ومطلوب مني أكون قدها أدعي الله بهالصيغة يا رب جملنّي معاهم وأرحم ضعفي وضعفهم صح أتقوى بالله وصح أحس إني أنجز المطلوب وماأفشل \\ لكن بداخلي رعب يتوزع على سكان السعودية ويمكن يزيد !! رجعنا وأمي بخير بس شوية برد مع السكر ألهب المفاصل أبرة ونوع علاج وخفت !! أكتب الحين وهي تتقهوى ومروقة لكن أنا دقات قلبي ماتخليني أسمعهم مخنوقة وأحس كل بيتنا على صدري مبسوطة إنها بخير وخايفة يجي يوم ويعتمدون عليّ وأفشل وماأكفي وأكون قدها مثل مو متوقعينها مني أدري كل شيء بيد الله وهذا علمه غيب أنا مو واثقة بحالي !! ماأبي أأكدها بداخلي بسلبية إني حيطة مايلة وساندين عليّ والوهن بيفشلني لكن وش اللي أحسه ؟؟ وش فيني أنا ؟؟ أنا قوية بالله وأنا أقدر وأقدر أتجاوز يأي وضع << والله كنت مصدقة هالكلام وآتعامل معاه وش اللي جاني وكرهته وماعاد يأثر بي !! بس !! شكراً لوقتك وحياك الله وتشرفني متابعتك |
|
|
|
|
12-02-2012, 10:45 PM
|
#28 | ||
|
مستشار
|
اقتباس:
العفو أختي والشرف لي
أرى انك بحاجة لتدبر الآية ((لايكلف الله نفسا الا وسعها)) وأنتِ أختي تحاولين ان تزيدي عن مابوسعك اعتقد بل ومتأكد ان ماتعانين منه هو الخوف من الوهن واذا أدركتي ان وجود هذا المرض عندك واشتداده عليكِ فإنه يبرر اخفاقك تبريرا صادقا وليس واهيا حسب معلوماتي هو ان هناك انواع من مرض الوهن أحدها له علاقة بالمناعة الذاتية ويدخل في علاجه تناول ادوية الكورتيزون كما انه ايضا حسب معلوماتي فإن تناول جرعة من أدوية ستيجمين (اي نوع) يخفف الوهن ويساعد في ازالته ان كنتي من النوع الذي يكفيه أدوية ستجمين ولا يحتاج للكورتيزون فمشكلتك سهلة اما ان كان مرضك متعلق بالمناعة الذاتية فإن الوضع سيكون اصعب قليلا ولكن لاتحملي نفسك مالاتقدر عليه تخافي من الوهن ان يفشلك؟ هذا كلام غير مفيد بل وسلبي ولايزيد الامور الا تعقيدا من الممكن ان تطلبي من اخوانك الطيبين او اخواتك ان يساعدوكِ في وقت النوبة على رعاية الوالدين، فهذا هو التصرف الصحيح وليس ان تتحدي الوهن، فلا يمكن تحدي المرض الجسدي ولا يؤدي ذلك الا للتعب النفسي المخاوف لها علاج وهو سيبراليكس وسوف تختفي بأمر الله مع المواضبة على العلاج اما الوهن فمثل ماأخبرتك،، وهو في النهاية مرض وابتلاء وليس وصمة عار! |
||
|
|
|
12-02-2012, 11:05 PM
|
#29 | |
|
عضو نشط
|
مرحبا .. لا ماأخذ كورتيزون بس ستيجمين اللي هو تجاري اسمه ميستنون والحل طيب !! كتبت لك متحملة شيء كبير ومو بأيدي !! ليه أخاف تقول لي الحل عندك !! طيب بيخف شوي من القلق اللي فيني مع العلاج ؟؟ وبعدين مابيرجع الخوف والرجفة اللي ترعبني معاه ؟؟ أدري إني كوكتيل مشاكل بس والله أكتب هنا بلا رتوش كل اللي أحسه !! أنت مو فاهم كيف ماتقبل أمي إلا أنا !! كانت تتحمل التعب عشان أنا أروح معاها !! كيف ماأضغط على نفسي وأتحمل ويشوفوني أنا القوية اللي مايخافون عليّ وووووو نفس الحكاية طيب بأحاول شكراً لك |
|
|
|
|
13-02-2012, 07:16 AM
|
#30 | ||
|
مستشار
|
اقتباس:
|
||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
