استشارة عاجلة جزاكم الله خير

والله ياعزيزتي ان الخوف على الصحة مشروع ولكن باعتدال

كنا ايام الدراسة في الكلية كل ماقرينا عن مرض

نشك انه فينا لتقارب الاعراض ونطلع في النهاية مجرد موسوسين

اختي لا تطاوعي الوساوس والمخاوف لأنه حتى التحاليل ماراح

تطمنك. العطش وكثرة التبول (اكرمك الله) والدوخة موجودة

عند أغلب الناس بدون مايكون عندهم سكر

اذا مافقدتي الوعي تماما وعملوا لك تحليل وطلع عندك خلل في السكر

(وأكرر مع فقدان الوعي) والا فلا تخافي

ولتطمئني صومي 8 ساعات مساءا ثم حللي السكر في الصباح قبل ان تأكلي

واطمئني بعد ذلك

مرررررررررة شكرا دكتور كلامك صحيح والله ماكنت افكر انه معايا ولا مرض لكن لخبطة الغدد خبلتني نفسيا وعضويا خلتني افكر باشياء مو عندي الله يشفي عقلي وجسمي
الاحظ وقت الدورة بدون صلاة المزاج يسير معدوم والوساوس تكتر وتجيني افكار غريبة بزيادة

السلام عليكم
للاسف بسبب الاجازة امس اخرولي اخر امتحان في الكم اليوم دي وقفت الموتيفال عشان الحليب طبعا لاحظت نوبات الهلع رجعتلي اخدت حبة من الدوا الجديد اجرب اتعب منه ولا لا وان شاءالله مااتعب لاني امس خرجت لخالتي دخت وتعبت وعرقت ورجعت البيت متوترة نمت وفي النوم ما ارتحت

أختي ريري:

ليش ماتراجعي طبيب او طبيبة يعطيكي زاناكس فترة قصيرة

اسبوعين مثلا، لأن دوا انافرانيل يحتاج وقت مدته اسبوعين

حتى يعطي نتايج؟

هذا رأيي وان شاء الله ينفعك

بالنسبة لموتيفال سبب لك رفع هرمون الحليب؟

لا الموتيفال ماسببلي ارتفاع بس احتياط مو مشكلة استنى عالعلا حتى لونتتجته اسبوعين مو مستعجله

لاسف يادكتور اغلب الطب عندنا في المدينة سيئ والله ما ابالغ لو قلتلك طب متدني جدا ودكاترة همهم الدخل المادي للمستشفى راجعت اطباء نفسيين لكن للاسف مافي واحد يتعامل مع المريض كانسان كان في دكتور ممتازلكن للاسف سافر عالجني قبل كدا بموتيفال وزنتاك لكن سافر ووقفت العلاج دا الكلام قبل 8سنوات لكن غيره مالقيت دكتور يعطيني علاج ما يتعبني كل علاجاتهم متعبة

الله يعينكم اختي رجاء

لكن الخير ماينقطع ولابد فيه ناس جيدين

لو على الأقل تروحي جدة ، يعني مو مرة بعيدة عنكم

باذن الله الاسبوع الجي طالعة ان اتسهلت يارب

الحبة موتتني جسمي يرجف وعرق ودوخة وهبوط ضغط وتطليع ونوم

اختي غريبة اللي صاير معك

اذا مانسبتك اتركيها ودوري على علاج نورتريبتاين وهي

نفس المادة اللي في موتيفال

وفي كل الاحوال لاتاخذيها بدون ماتاكلي قبلها

سبحان الله يمكن مالك نصيب في هالدواء رغم انه

ممتاز جدا عند كثيرين والجرعة اللي اخذتيها ماتعتبر شي

الخيار الثاني هو تاخذيها بتدريج ممل

تبدأي بحبة قوة 10 ملجم (موجودة في الصيدليات)

وتستمري اسبوع، وبعدين ترفعيها الى 20 ملجم مدة اسبوع

وبعدين 25 ملجم مدة اسبوعين، وبعدين 50 ملجم

او توقفي عند 25 ملجم اذا النتايج طيبة

والله لحد الان وانا تعبانة مع اني اخدتها امس الضهر لكن مو عارفة ليش كدا تعبتني واخدتها بعد الاكل المشكلة عندي التهاب معدة وحسيتها زادت الالتهاب وسرت مو قادرة اكل وبس دايخة وغير كدا غثيان وتعرق وترجيع يعني
قلبت يومي كله

طيب اخذتي دوا للمعدة؟ يمكن صادفت تهيج المعدة

وعلى شان كذا تعبتك؟ عموما هي مفعولها 18 ساعة تقريبا

وتقريبا قرب يخلص، ومثل ماقلت لك ممكن تبدأي ب 10 ملجم

ترى جرعة 10 ملجم مسوينها للأطال وخفيفة جدا

ولابد تعالجي المعدة اذا فيها مشكلة

المعدة اخدت علاج بنتزول لها حبة في اليوم وجدا متعب الم المعدة احس بمجرد ما تتعب جسمي كلي يتعب واعصابي تشد والم في كل جسمي
صراحة مو عارفة ايش علاجها سويت منظار طلع التهاب معدة واثنى عشر وكمان بمجرد ماتعبت معدتي بطني مشيت خايفة يرجع الاسهال تاني

قوي قلبك يابنت

مافيكي الا العافية

دوا المعدة اللي اخذتيه كويس لكن هل

سويتي منظار وقالوا راحت التقرحات؟

لأن التقرحات ماتروح بسرعة وقد تحتاجي الدوا

البنتازول لفترات طويلة باستخدام يومي

قد تصل لشهرين وثلاثة، هذا اذا برضه عالجتي

جرثومة المعدة

اللي ابغى اوصله لك هو انه لازم تعالجي المعدة ومو

كل مشكلة تقابلنا نقول انها من الدوا الجديد

ههههههه
خلاص والله قلبي انتحر من الوجع
لا ماعدت المنظار والغريب انه اعطاني العلاج فقط لاسبوعين بس انا باخده اكتر لاني لسه تعبانة
وبالنسبة للجرثومة طلع الحمدلله مافي جرثومة فقط التهاب عادي